News

ਕੈਨੇਡਾ ਵਲੋਂ ਇਮੀਗ੍ਰੇਸ਼ਨ ਨਿਯਮਾਂ ਵਿਚ ਸਖ਼ਤੀ ਨੇ ਆਬਾਦੀ ਵਿਚ ਵਾਧੇ ਦੀ ਰਫ਼ਤਾਰ ਨੂੰ ਮੱਧਮ ਕਰ ਦਿੱਤਾ ਹੈ। ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ,1 ਜਨਵਰੀ ਤੋਂ 1 ਅਪ੍ਰੈਲ ਤੱਕ ਕੈਨੇਡਾ ਦੀ ਆਬਾਦੀ ਵਿਚ ਮਹਿਜ 20,107 ਲੋਕ ਵਧੇ, ਇਹ ਸਾਲ 2020 ਦੇ ਤੀਜੇ ਕੁਆਰਟਰ ਤੋਂ ਬਾਅਦ ਸਭ ਤੋਂ ਘੱਟ ਤਿਮਾਹੀ ਵਾਧਾ ਹੈ।

ਬੀ.ਸੀ.ਦੇ ਪ੍ਰੀਮੀਅਰ ਡੇਵਿਡ ਈਬੀਦਾ ਕਹਿਣਾ ਹੈ ਕਿ ਉਹ ਬੀ.ਸੀ.ਫੈਰੀਜ਼ ਦੇ ਚਾਰ ਨਵੇਂ ਸਮੁੰਦਰੀ ਜਹਾਜ਼ ਬਣਾਉਣ ਲਈ ਚੀਨ ਦੀ ਸਰਕਾਰੀ ਸ਼ਿਪਯਾਰਡ ਨੂੰ ਕਿਰਾਏ 'ਤੇ ਲੈਣ ਦੇ ਫੈਸਲੇ ਵਿੱਚ ਦਖ਼ਲ ਨਹੀਂ ਦੇਣਗੇ। ਜਦਕਿ ਇਸ ਫੈਸਲੇ ਦੀ ਵਿਰੋਧੀ ਆਲੋਚਕਾਂ ਅਤੇ ਯੂਨੀਅਨਾਂ ਵਲੋਂ ਆਲੋਚਨਾ ਕੀਤੀ ਜਾ ਰਹੀ ਹੈ। ਬੀ.ਸੀ. ਫੈਰੀਜ਼ ਸੁਤੰਤਰ ਤੌਰ 'ਤੇ ਕੰਮ ਕਰਦੀਆਂ ਹਨ ਪਰ ਸੂਬਾ ਇਸ ਦਾ ਇਕੱਲਾ ਸ਼ੇਅਰਧਾਰਕ ਹੈ ਅਤੇ ਸੂਬਾ ਅਤੇ ਫੈ਼ਡਰਲ ਸਰਕਾਰ ਵਲੋਂ ਇਸ ਨੂੰ ਫੰਡਿੰਗ ਕੀਤੀ ਜਾਂਦੀ ਹੈ। ਈ.ਬੀ.ਨੇ ਕਿਹਾ ਕਿ ਹਾਲਾਂਕਿ ਉਹ ਬੀ.ਸੀ.ਫੈਰੀਜ਼ ਦੇ ਇਸ ਫੈਸਲੇ ਨਾਲ ਖੁਸ਼ ਨਹੀਂ ਹਨ ਪਰ ਉਨ੍ਹਾਂ ਨੂੰ ਨਵੇਂ ਜਹਾਜ਼ਾਂ ਦੀ ਜ਼ਰੂਰਤ ਹੈ।

ਫਲੋਰੀਡਾ ਪੈਂਥਰਸ ਨੇ ਮੰਗਲਵਾਰ ਰਾਤ ਫਾਈਨਲ ਦੀ ਛੇਵੀਂ ਗੇਮ ਵਿਚ ਐਡਮਿੰਟਨ ਆਇਲਰਜ਼ ਨੂੰ 5-1 ਨਾਲ ਹਰਾ ਕੇ ਸਟੈਨਲੀ ਕੱਪ ਦਾ ਖਿਤਾਬ ਲਗਾਤਾਰ ਦੂਜੀ ਵਾਰ ਆਪਣੇ ਨਾਂ ਕੀਤਾ ਹੈ। ਪੈਂਥਰਸ ਵਲੋਂ ਸੈਮ ਰੇਨਹਾਰਟ ਨੇ ਚਾਰ ਗੋਲ ਕੀਤੇ ਜੋ ਕਿ ਲੀਗ ਦੇ ਇਤਿਹਾਸ ਵਿਚ ਫਾਈਨਲ ਦੇ ਇੱਕ ਮੈਚ ਵਿਚ ਇੰਨੇ ਗੋਲ ਕਰਨ ਵਾਲਾ ਚੌਥਾ ਖਿਡਾਰੀ ਹੈ। ਉਥੇ ਹੀ,ਆਇਲਰਜ਼ ਵਲੋਂ ਸਿਰਫ ਵੈਸੀਲੀ ਪੋਡਕੋਲਜ਼ਿਨ ਇੱਕ ਗੋਲ ਕਰਨ ਵਿਚ ਸਫਲ ਰਹੇ।

ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਅੱਜ ਜੀ-7 ਸੰਮੇਲਨ ਦੀਆਂ ਸਾਈਡਲਾਈਨਸ 'ਤੇ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨਾਲ ਮੁਲਾਕਾਤ ਹੋਈ।

ਐਡਮਿੰਟਨ ਆਇਲਰਜ਼ ਅਤੇ ਪੈਂਥਰਸ ਅੱਜ ਫਾਈਨਲ ਦੇ 6ਵੇਂ ਮੈਚ ਵਿਚ ਫਲੋਰੀਡਾ ਦੇ ਅਮਰੈਂਟ ਬੈਂਕ ਅਰੇਨਾ ਵਿਚ ਭਿੜਨਗੇ। ਫਲੋਰੀਡਾ ਪੈਂਥਰਸ ਸੀਰੀਜ਼ ਵਿਚ 3-2 ਨਾਲ ਅੱਗੇ ਹਨ ਅਤੇ ਜੇ ਉਹ ਆਇਲਰਜ਼ ਨੂੰ ਇਸ ਮੁਕਾਬਲੇ ਵਿਚ ਵੀ ਹਰਾ ਦਿੰਦੇ ਹਨ ਤਾਂ ਇਹ ਪੈਂਥਰਸ ਦਾ ਲਗਾਤਾਰ ਦੂਜੇ ਸਾਲ ਸਟੈਨਲੇ ਕੱਪ 'ਤੇ ਕਬਜ਼ਾ ਹੋਵੇਗਾ।