News

ਕੈਨੇਡਾ ਦੀ ਇੰਡਸਟਰੀ ਮੰਤਰੀ ਮੇਲਾਨੀ ਜੋਲੀ ਵਲੋਂ ਅੱਜ ਔਟਵਾ ਵਿਖੇ ਸਟੀਲ ਸੈਕਟਰ ਦੇ ਸੀਈਓ ਨਾਲ ਮੁਲਾਕਾਤ ਕੀਤੀ ਗਈ। ਜੋਲੀ ਨੇ ਕਿਹਾ ਕਿ ਨਵੇਂ ਟੈਰਿਫ ਪੂਰੀ ਤਰ੍ਹਾਂ ਅਸਵੀਕਾਰਯੋਗ ਹਨ ਅਤੇ ਸਰਕਾਰ ਉਦਯੋਗ ਦੀ ਸਪੋਰਟ ਕਰਨ ਲਈ ਕਦਮ ਉਠਾ ਰਹੀ ਹੈ ਪਰ ਉਨ੍ਹਾਂ ਅੱਜ ਕੋਈ ਆਫਰ ਪੇਸ਼ ਨਹੀਂ ਕੀਤਾ।

ਬੀ.ਸੀ. ਦੀ ਕਵਾਂਟਲੇਨ ਪੌਲੀਟੈਕਨਿਕ ਯੂਨੀਵਰਸਿਟੀ ਦੇ ਬੋਰਡ ਨੇ ਡਾ. ਬਰੂਸ ਚੋਏ ਨੂੰ ਅਗਲੇ ਪ੍ਰਧਾਨ ਤੇ ਵਾਈਸ-ਚਾਂਸਲਰ ਨਿਯੁਕਤ ਕੀਤਾ ਹੈ,ਉਹ 2 ਸਤੰਬਰ ਨੂੰ ਇਹ ਅਹੁਦਾ ਸੰਭਾਲਣਗੇ।

ਕੈਨੇਡਾ ਸਰਕਾਰ ਦੇ ਬਾਰਡਰ ਸਕਿਓਰਟੀ ਬਿੱਲ ਦੇ ਇੱਕ ਪ੍ਰਬੰਧ ਨੂੰ ਐਨ.ਡੀ.ਪੀ.ਦੀ ਇਮੀਗ੍ਰੇਸ਼ਨ ਆਲੋਚਕ ਜੈਨੀ ਕਵਾਨ ਨੇ ਵਿਵਾਦਤ ਦੱਸਿਆ ਹੈ ਅਤੇ ਇਸ ਦਾ ਵਿਰੋਧ ਕੀਤਾ ਹੈ ਜੋ ਕੈਬਨਿਟ ਨੂੰ ਇਮੀਗ੍ਰੇਸ਼ਨ ਦਸਤਾਵੇਜ਼ ਰੱਦ ਕਰਨ ਦੀ ਪਾਵਰ ਦੇਵੇਗਾ। ਕਵਾਨ ਨੇ ਇਸ ਨੂੰ ਟਰੰਪ ਪ੍ਰਸ਼ਾਸਨ ਵਲੋਂ ਅਪਣਾਏ ਗਏ ਕਦਮਾਂ ਦੀ ਨਕਲ ਕਰਨ ਦਾ ਯਤਨ ਦੱਸਿਆ।

ਪੰਜਾਬ ਦੀ ਰਾਜਨੀਤੀ ਵਿਚ ਇੱਕ ਵਾਰ ਫਿਰ ਨਵਜੋਤ ਕੌਰ ਸਿੱਧੂ ਦੀ ਵਾਪਸੀ ਹੋ ਸਕਦੀ ਹੈ। ਉਨ੍ਹਾਂ ਅੰਮ੍ਰਿਤਸਰ ਵਿਚ ਆਪਣੇ ਹਲਕੇ ਦੇ ਦੌਰੇ ਮੌਕੇ ਮੀਡੀਆ ਨਾਲ ਗੱਲ ਕਰਦਿਆਂ ਕਿਹਾ ਕਿ ਮੈਂ ਐੱਮ.ਐੱਲ.ਏ. ਦੀਆਂ ਚੋਣਾਂ 2027 ਵਿਚ 100 ਫੀਸਦੀ ਲੜਾਂਗੀ ਅਤੇ ਮੈਂ ਉਸੇ ਦੀ ਤਿਆਰੀ ਕਰ ਰਹੀ ਹਾਂ।

ਬੀ.ਸੀ. ਸਰਕਾਰ ਦਾ ਇੱਕ ਵਫ਼ਦ -ਯੂਰਪ ਵਪਾਰ ਮਿਸ਼ਨ ਸ਼ੁਰੂ ਕਰ ਰਿਹਾ ਹੈ। ਇਸ ਦਾ ਉਦੇਸ਼ ਸੂਬੇ ਵਿਚ ਨਿਵੇਸ਼ ਨੂੰ ਆਕਰਸ਼ਿਤ ਕਰਨਾ ਅਤੇ ਯੂਰਪ ਨਾਲ ਵਪਾਰ ਨੂੰ ਬੜ੍ਹਾਵਾ ਦੇਣਾ ਹੈ। 9 ਜੂਨ ਤੋਂ 14 ਜੂਨ ਤੱਕ ਲਈ ਯੂਰਪ ਵਪਾਰ ਮਿਸ਼ਨ 'ਤੇ ਜਾ ਰਹੇ ਵਫ਼ਦ ਵਿਚ ਬੀਸੀ ਦੀ ਜੌਬਸ ਮੰਤਰੀ ਡਾਇਨਾ ਗਿਬਸਨ ਅਤੇ ਵਪਾਰ ਲਈ ਰਾਜ ਮੰਤਰੀ ਰਿਕ ਗਲੂਮੈਕ ਸ਼ਾਮਲ ਹਨ।

ਓਨਟਾਰੀਓ ਦੀ ਪੀਲ ਪੁਲੀਸ ਨੇ ਇੱਕ ਔਰਤ ਤੇ ਤਿੰਨ ਪੰਜਾਬੀਆਂ ਸਮੇਤ ਪੰਜ ਲੋਕਾਂ ਨੂੰ ਹਥਿਆਰ ਅਤੇ ਡਰੱਗਜ਼ ਦੇ ਮਾਮਲੇ ਵਿਚ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ 1 ਜੂਨ ਨੂੰ ਸ਼ੱਕ ਦੇ ਆਧਾਰ ’ਤੇ ਬਰੈਂਪਟਨ ਵਿਚ ਇੱਕ ਘਰ ਦੀ ਸਰਚ ਵਾਰੰਟ 'ਤੇ ਲਈ ਗਈ ਤਾਲਾਸ਼ੀ ਮੌਕੇ ਉਥੋਂ 2 ਅਰਧ-ਆਟੋਮੈਟਿਕ ਹੈਂਡਗੰਨ, ਸ਼ੱਕੀ ਫੈਂਟਾਨਿਲ ਤੇ ਕੋਕੀਨ ਸਮੇਤ ਨਸ਼ਿਆਂ ਦੀ ਖੇਪ ਅਤੇ $30,000 ਕੈਸ਼ ਦੀ ਜ਼ਬਤੀ ਕੀਤੀ ਗਈ।

ਓਨਟਾਰੀਓ ਵਿਚ ਇੱਕ ਸਮੇਂ ਤੋਂ ਪਹਿਲਾਂ ਜਨਮੇ ਬੱਚੇ ਦੀ ਖਸਰੇ ਨਾਲ ਮੌਤ ਹੋਈ ਹੈ। ਸੂਬੇ ਦੇ ਮੁੱਖ ਮੈਡੀਕਲ ਅਫ਼ਸਰ ਮੁਤਾਬਕ, ਬੱਚੇ ਨੂੰ ਜਨਮ ਤੋਂ ਪਹਿਲਾਂ ਆਪਣੀ ਮਾਂ ਤੋਂ ਖਸਰੇ ਦਾ ਸੰਕਰਮਣ ਹੋਇਆ ਸੀ। ਡਾ. ਕੀਰਨ ਮੂਰ ਨੇ ਬਿਆਨ ਵਿਚ ਕਿਹਾ ਕਿ ਬੱਚੇ ਦੀ ਮਾਂ ਦਾ ਖਸਰੇ ਸਬੰਧੀ ਟੀਕਾਕਰਨ ਨਹੀਂ ਹੋਇਆ ਸੀ।

ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਨੇ ਇਲਜ਼ਾਮ ਲਗਾਇਆ ਹੈ ਕਿ ਪੰਜਾਬ ਦੀ ਸਰਕਾਰ ਨੂੰ ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਚਲਾ ਰਹੇ ਹਨ। ਲੁਧਿਆਣਾ ਪਹੁੰਚੇ ਬਾਦਲ ਨੇ ਕਿਹਾ ਕਿ ਕੇਜਰੀਵਾਲ ਦੇ ਸਾਰੇ ਸਕੱਤਰ, ਸਟਾਫ਼ ਅਤੇ ਪੀਏ ਪੰਜਾਬ ਆ ਗਏ ਹਨ, ਜਿਨ੍ਹਾਂ ਨੇ ਪੰਜਾਬ ਦੇ ਸਿਵਲ ਸਕੱਤਰੇਤ ਦਾ ਕੰਟਰੋਲ ਆਪਣੇ ਹੱਥ ਵਿਚ ਲੈ ਲਿਆ ਹੈ।

ਬੀ.ਸੀ. ਵਿਚ 6 ਸਾਲਾਂ ਵਿਚ ਪਹਿਲੀ ਵਾਰ ਵਿਕਟੋਰੀਆ ਡੇਅ ਦੇ ਲੌਂਗ ਵੀਕਐਂਡ ਦੌਰਾਨ ਸੜਕ ਦੁਰਘਟਨਾ ਵਿਚ ਇੱਕ ਵੀ ਮੌਤ ਨਹੀਂ ਹੋਈ। ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਅੱਜ ਰਿਲੀਜ਼ ਵਿਚ ਇਸ ਦਾ ਸਿਹਰਾ ਮਈ ਲਈ ਚਲਾਈ ਗਈ ਆਪਣੀ ਹਾਈ ਰਿਸਕ ਡਰਾਈਵਿੰਗ ਅਤੇ ਮੋਟਰਸਾਈਕਲ ਜਾਗਰੂਕਤਾ ਮੁਹਿੰਮਾਂ ਨੂੰ ਦਿੱਤਾ।