News

ਕੈਨੇਡਾ ਦੀ ਨਾਮੀ ਟੈਨਿਸ ਖਿਡਾਰਨ ਯੂਜੀਨ ਬੁਸ਼ਾਰਡ, ਲੌਨ ਟੈਨਿਸ ਦੀ ਖੇਡ ਤੋਂ ਸੰਨਿਆਸ ਲੈਣ ਜਾ ਰਹੀ ਹੈ।

ਬੀ.ਸੀ. ਸਰਕਾਰ ਨੇ ਅਮਰੀਕਾ ਦੇ ਸਿਹਤ ਪੇਸ਼ੇਵਰ ਨੂੰ ਸੂਬੇ ਵਿਚ ਆਕਰਸ਼ਿਤ ਕਰਨ ਵਿਚ ਸਫ਼ਲਤਾ ਹਾਸਲ ਕਰਨ ਮਗਰੋਂ ਅੰਤਰਰਾਸ਼ਟਰੀ ਪੱਧਰ 'ਤੇ ਸਿਖਲਾਈ ਪ੍ਰਾਪਤ ਡਾਕਟਰਾਂ ਲਈ ਸੂਬੇ ਦੇ ਦਰਵਾਜ਼ੇ ਖੋਲ੍ਹੇ ਜਾਣ ਦਾ ਐਲਾਨ ਕੀਤਾ ਹੈ। ਬੀ.ਸੀ. ਸਰਕਾਰ ਨੂੰ ਅਮਰੀਕੀ ਡਾਕਟਰਾਂ ਤੋਂ ਦੋ ਮਹੀਨਿਆਂ ਵਿਚ ਜੌਬਸ ਲਈ 780 ਅਰਜ਼ੀਆਂ ਪ੍ਰਾਪਤ ਹੋ ਚੁੱਕੀਆਂ ਹਨ।

ਸਰੀ ਵਿਚ ਪਿਛਲੇ ਸਾਲ ਵਾਪਰੇ ਇੱਕ ਭਿਆਨਕ ਹਿੱਟ-ਐਂਡ-ਰਨ ਮਾਮਲੇ ਦੇ ਦੋਸ਼ੀ ਇੰਟਰਨੈਸ਼ਨਲ ਸਟੂਡੈਂਟਸ ਗਗਨਪ੍ਰੀਤ ਸਿੰਘ ਅਤੇ ਜਗਦੀਪ ਸਿੰਘ ਨੂੰ ਤਿੰਨ ਸਾਲ ਦੀ ਸਜ਼ਾ ਅਤੇ ਦੇਸ਼ ਨਿਕਾਲੇ ਦੇ ਹੁਕਮ ਦਿੱਤੇ ਗਏ ਹਨ। ਸੁਣਵਾਈ ਦੌਰਾਨ ਇਹ ਜਾਣਕਾਰੀ ਸਾਹਮਣੇ ਆਈ ਸੀ ਕਿ ਉਨ੍ਹਾਂ ਨੇ ਇੱਕ ਪੈਦਲ ਯਾਤਰੀ ਨੂੰ ਟੱਕਰ ਮਾਰਨ ਤੋਂ ਬਾਅਦ ਜਾਣਬੁੱਝ ਕੇ 1.3 ਕਿਲੋਮੀਟਰ ਤੱਕ ਘਸੀਟਿਆ ਅਤੇ ਫਿਰ ਉਸ ਦੀ ਲਾਸ਼ ਨੂੰ ਸੜਕ 'ਤੇ ਛੱਡ ਕੇ ਦੌੜ ਗਏ ਸਨ।

ਚਿਲੀਵੈਕ ਦੇ ਡਾਊਨਟਾਊਨ ਵਿਚ ਇੱਕ ਮਿਸ਼ਰਤ-ਵਰਤੋਂ ਵਾਲੀ ਇਮਾਰਤ ਵਿਚ ਸ਼ੱਕੀ ਅੱਗ ਲੱਗਣ ਨਾਲ ਕਈ ਕਾਰੋਬਾਰਾਂ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਹੈ। ਘਟਨਾ ਦੇਰ ਰਾਤ 12.30 ਵਜੇ ਦੇ ਕਰੀਬ ਮੁੱਖ ਸੜਕ ਨੇੜੇ ਵੈਲਿੰਗਟਨ ਐਵੇਨਿਊ ਵਿਚ ਵਾਪਰੀ। ਅੱਗ ਨੂੰ ਬੁਝਾਉਣ ਲਈ ਤਿੰਨ ਦਰਜਨ ਫਾਇਰਫਾਈਟਰਜ਼ ਨੂੰ ਬੁਲਾਇਆ ਗਿਆ।

ਐਬਟਸਫੋਰਡ ਦੇ ਇੱਕ 48 ਸਾਲਾ ਸਰਵੇਅਰ ਦੀ ਬੀਤੇ ਕੱਲ੍ਹ ਕੰਮ ਦੌਰਾਨ ਇੱਕ ਵਾਹਨ ਦੀ ਲਪੇਟ ਵਿਚ ਆਉਣ ਨਾਲ ਮੌਤ ਹੋ ਗਈ। ਇਹ ਘਟਨਾ ਮੰਗਲਵਾਰ ਨੂੰ ਦੁਪਹਿਰ 1 ਵਜੇ ਦੇ ਕਰੀਬ ਵਾਪਰੀ, ਜਦੋਂ ਪੀੜਤ ਮਿਸਨ ਦੇ ਈਸਟ ਵਿਚ ਪੈਂਦੇ ਹੈਟਜ਼ਿਕ ਇਲਾਕੇ ਦੇ ਡੇਲ ਰੋਡ ਨੇੜੇ ਸਿਲਵੈਸਟਰ ਰੋਡ 'ਤੇ ਕੰਮ ਕਰ ਰਿਹਾ ਸੀ। ਇਸ ਦੌਰਾਨ ਇੱਕ ਡੰਪ ਟਰੱਕ ਨੇ ਉਸ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਨਾਲ ਉਸ ਦੀ ਮੌਕੇ 'ਤੇ ਮੌਤ ਹੋ ਗਈ।