News

ਕੈਨੇਡਾ ਸਰਕਾਰ ਵਲੋਂ ਨਵੇਂ ਘਰਾਂ 'ਤੇ ਸੇਲ ਟੈਕਸ ਵਿਚ ਪ੍ਰਸਤਾਵਿਤ ਛੋਟ ਦੇ ਨਾਲ ਪਹਿਲੀ ਵਾਰ ਘਰ ਖਰੀਦ ਰਹੇ ਕੈਨੇਡੀਅਨਾਂ ਨੂੰ ਉਨ੍ਹਾਂ ਦੀ ਮਹੀਨਾਵਾਰ ਮੌਰਗੇਜ ਭੁਗਤਾਨ ਵਿਚ $240 ਤੱਕ ਦੀ ਬਚਤ ਹੋ ਸਕਦੀ ਹੈ। ਡੇਸਜਾਰਡਿਨਜ਼ ਇਕਨਾਮਿਕਸ ਨੇ ਆਪਣੀ ਨਵੀਂ ਰਿਪੋਰਟ ਵਿਚ ਕਿਹਾ ਕਿ ਟੋਰੌਂਟੋ ਅਤੇ ਵੈਨਕੂਵਰ ਵਰਗੇ ਕੈਨੇਡਾ ਦੇ ਮਹਿੰਗੇ ਬਾਜ਼ਾਰਾਂ ਵਿਚ ਖਰੀਦਦਾਰਾਂ ਲਈ ਹਾਊਸਿੰਗ ਦੀ ਸਮਰੱਥਾ 'ਤੇ ਇਸ ਦਾ ਵਿਸ਼ੇਸ਼ ਰੂਪ ਤੋਂ ਚੰਗਾ ਪ੍ਰਭਾਵ ਪਵੇਗਾ।

ਬੀਸੀ ਵਿਚ 8 ਜੂਨ ਹੁਣ ਤੱਕ ਦਾ ਸਭ ਤੋਂ ਗਰਮ ਦਿਨ ਰਿਹਾ ਅਤੇ ਸੂਬੇ ਦੇ ਕੁਝ ਹਿੱਸਿਆਂ ਵਿਚ ਗਰਮੀ ਦੇ 70 ਸਾਲ ਪੁਰਾਣੇ ਰਿਕਾਰਡ ਟੁੱਟ ਗਏ। ਮੌਸਮ ਏਜੰਸੀ ਵਾਤਾਵਰਣ ਕੈਨੇਡਾ ਮੁਤਾਬਕ, ਕਰੀਬ 12 ਥਾਵਾਂ 'ਤੇ ਰੋਜ਼ਾਨਾ ਗਰਮੀ ਦੇ ਰਿਕਾਰਡ ਟੁੱਟੇ, ਵਿਲੀਅਮਜ਼ ਲੇਕ ਵਿਸਲਰ, ਸਕੁਆਮਿਸ਼, ਪ੍ਰਿੰਸਟਨ, ਪਿਟ ਮੀਡੋਜ਼, ਪੈਂਬਰਟਨ, ਲਿਟਨ, ਕੈਮਲੂਪਸ, ਕਲਿੰਟਨ ਅਤੇ ਐਬਟਸਫੋਰਡ ਵਿਚ ਤਾਪਮਾਨ 30 ਡਿਗਰੀ ਤੋਂ ਪਾਰ ਪਹੁੰਚ ਗਿਆ, ਲਿਟਨ ਵਿਚ ਇਹ 39 ਡਿਗਰੀ ਤੇ ਪੇਂਬਰਟਨ ਵਿਚ 36 ਡਿਗਰੀ ਸੈਲਸੀਅਸ ਸੀ।

ਓਨਟਾਰੀਓ ਦੇ ਸਿਹਤ ਦੇ ਮੁੱਖ ਮੈਡੀਕਲ ਅਧਿਕਾਰੀ ਨੇ ਖੁਲਾਸਾ ਕੀਤਾ ਹੈ ਕਿ ਸੂਬੇ ਵਿਚ ਪਿਛਲੇ ਸਾਲ ਦੇ ਅਕਤੂਬਰ ਤੋਂ ਖਸਰੇ ਦਾ ਪ੍ਰਕੋਪ ਸ਼ੁਰੂ ਹੋਣ ਤੋਂ ਬਾਅਦ ਛੇ ਬੱਚੇ ਜਨਮ ਤੋਂ ਇਸ ਸੰਕਰਮਣ ਨਾਲ ਪੈਦਾ ਹੋਏ ਹਨ। ਡਾ. ਕੀਰਨ ਮੂਰ ਨੇ ਕਿਹਾ ਕਿ ਇਹ ਬੱਚੇ ਗਰਭ ਵਿਚ ਉਨ੍ਹਾਂ ਮਾਵਾਂ ਤੋਂ ਸੰਕਰਮਿਤ ਹੋਏ, ਜੋ ਬਿਨਾਂ ਟੀਕਾਕਰਨ ਤੋਂ ਸਨ।

ਅਮਰੀਕਾ ਵਿਚ 6 ਲੋਕਾਂ ਨੂੰ ਲਿਜਾ ਰਿਹਾ ਇੱਕ ਛੋਟਾ ਜਹਾਜ਼ - ਸੈਨ ਡਿਏਗੋ ਤੱਟ 'ਤੇ ਹਾਦਸਾਗ੍ਰਸਤ ਹੋਣ ਦੀ ਖ਼ਬਰ ਹੈ। ਫੈਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ ਮੁਤਾਬਕ, ਦੋ ਇੰਜਣਾਂ ਵਾਲਾ ਸੇਸਨਾ 414 ਜਹਾਜ਼ ਉਡਾਣ ਭਰਨ ਤੋਂ ਥੋੜ੍ਹੀ ਦੇਰ ਬਾਅਦ ਐਤਵਾਰ ਦੁਪਹਿਰ 12:30 ਵਜੇ ਦੇ ਕਰੀਬ ਹਾਦਸਾਗ੍ਰਸਤ ਹੋਇਆ। ਫਲਾਈਟ ਟਰੈਕਿੰਗ ਵੈੱਬਸਾਈਟ Flightaware.com ਅਨੁਸਾਰ,ਜਹਾਜ਼ ਫੀਨਿਕਸ ਜਾ ਰਿਹਾ ਸੀ।

ਮੈਕਸੀਕੋ ਦੀ ਰਾਸ਼ਟਰਪਤੀ ਕਲਾਉਡੀਆ ਸ਼ੇਨਬੌਮ ਕੈਨੇਡਾ ਵਿਚ ਹੋਣ ਵਾਲੀ ਜੀ 7 ਬੈਠਕ ਵਿਚ ਅਗਲੇ ਹਫ਼ਤੇ ਸ਼ਾਮਲ ਹੋਵੇਗੀ। ਸ਼ੇਨਬੌਮ ਨੇ ਅੱਜ ਇਸ ਦੀ ਪੁਸ਼ਟੀ ਕੀਤੀ। ਇਸ ਬੈਠਕ ਦੇ ਇੱਕ ਪਾਸੇ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨਾਲ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅਤੇ ਮੈਕਸੀਕੋ ਦੀ ਰਾਸ਼ਟਰਪਤੀ ਤਿੰਨ ਪੱਖੀ ਮੁਲਾਕਾਤ ਕਰ ਸਕਦੇ ਹਨ,ਜਿਸ ਵਿਚ ਤਿੰਨੋ ਮੁਲਕਾਂ ਨੂੰ ਆਪਸੀ ਟਰੇਡ ਐਗਰੀਮੈਂਟ ਦੇ ਭਵਿੱਖ ਬਾਰੇ ਗੱਲਬਾਤ ਕਰਨ ਦਾ ਮੌਕਾ ਮਿਲੇਗਾ।

ਅਮਰੀਕਾ ਵਲੋਂ ਟੈਰਿਫ ਦੀ ਘੋਸ਼ਣਾ ਦੇ 3 ਮਹੀਨਿਆਂ ਬਾਅਦ ਐਲਬਰਟਾ ਸਰਕਾਰ ਮੁੜ ਅਮਰੀਕੀ ਸ਼ਰਾਬ ਅਤੇ ਜੂਏ ਦੀਆਂ ਮਸ਼ੀਨਾਂ ਖਰੀਦਣ ਜਾ ਰਹੀ ਹੈ। ਸਰਵਿਸ ਐਲਬਰਟਾ ਦੇ ਮੰਤਰੀ ਡੇਲ ਨੈਲੀ ਨੇ ਜਾਣਕਾਰੀ ਦਿੱਤੀ ਕਿ ਇਸ ਕਦਮ ਨਾਲ ਕੈਨੇਡਾ-ਸੰਯੁਕਤ ਰਾਜ-ਮੈਕਸੀਕੋ ਵਪਾਰ ਸਮਝੌਤੇ ਸਬੰਧੀ ਹੋਰ ਗੱਲਬਾਤ ਲਈ ਸਟੇਜ ਤਿਆਰ ਹੋ ਸਕਦੀ ਹੈ।

ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਸੂਬੇ ਦੇ ਉੱਤਰ-ਪੂਰਬ ਵਿਚ ਪਾਕੇਟ ਨਾਈਫ ਕ੍ਰੀਕ ਦੀ ਜੰਗਲੀ ਅੱਗ ਇੱਕ ਹੋਰ ਅੱਗ ਨਾਲ ਰਲ ਗਈ ਹੈ, ਜਿਸ ਨਾਲ ਇਸ ਦਾ ਆਕਾਰ ਕਾਫ਼ੀ ਹੱਦ ਤੱਕ ਵੱਧ ਗਿਆ ਹੈ। ਇਹ ਅੱਗ ਹੁਣ 610 ਵਰਗ ਕਿਲੋਮੀਟਰ ਤੋਂ ਵੱਧ ਦੇ ਖੇਤਰ ਵਿਚ ਫੈਲ ਚੁੱਕੀ ਹੈ ਅਤੇ ਕਾਬੂ ਤੋਂ ਬਾਹਰ ਹੈ।

ਕੈਨੇਡਾ ਦੀ 2018 ਦੀ ਵਰਲਡ ਜੂਨੀਅਰ ਹਾਕੀ ਟੀਮ ਨਾਲ ਜੁੜੇ ਹਾਈ-ਪ੍ਰੋਫਾਈਲ ਜਿਨਸੀ ਹਮਲੇ ਦੀ ਸੁਣਵਾਈ ਆਪਣੇ ਅੰਤਿਮ ਦੌਰ ਵਿਚ ਹੈ, ਅੱਜ ਇਸ ਮਾਮਲੇ ਵਿਚ ਡਿਫੈਂਸ ਵਕੀਲ ਆਪਣੀਆਂ ਆਖਰੀ ਦਲੀਲਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ।

ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ 12 ਦੇਸ਼ਾਂ ਦੇ ਲੋਕਾਂ ਦੇ ਅਮਰੀਕਾ ਆਉਣ ‘ਤੇ ਪੂਰੀ ਰੋਕ ਲਗਾਉਣ ਦਾ ਹੁਕਮ ਜਾਰੀ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਕਦਮ ਅਮਰੀਕਾ ਤੇ ਉਥੋਂ ਦੇ ਲੋਕਾਂ ਦੀ ਜਾਨ ਦੀ ਸੁਰੱਖਿਆ ਲਈ ਜ਼ਰੂਰੀ ਹੈ। ਇਹ ਬੈਨ ਅੱਜ ਤੋਂ ਲਾਗੂ ਹੋ ਰਿਹਾ ਹੈ। ਇਸ ਤੋਂ ਇਲਾਵਾ 7 ਦੇਸ਼ਾਂ ‘ਤੇ ਨਾਗਰਿਕਾਂ ‘ਤੇ ਅੰਸ਼ਿਕ ਰੋਕ ਵੀ ਲਗਾਈ ਗਈ ਹੈ। ਇਹ ਇਮੀਗ੍ਰੇਸ਼ਨ ਤੇ ਨਾਨ-ਇਮੀਗ੍ਰੇਸ਼ਨ ਦੋਵੇਂ ਤਰ੍ਹਾਂ ਦੇ ਵੀਜ਼ੇ ‘ਤੇ ਲਾਗੂ ਹੋਵੇਗਾ।