News

ਕੈਨੇਡਾ ਬਾਰਡਰ ਸਰਵਿਸ ਏਜੰਸੀ ਨੇ ਸ਼ੁੱਕਰਵਾਰ ਨੂੰ ਪੁਸ਼ਟੀ ਕੀਤੀ ਹੈ ਕਿ ਐਕਸਟੋਸ਼ਨ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ 15 ਵਿਦੇਸ਼ੀ ਨਾਗਰਿਕਾਂ ਨੇ ਕੈਨੇਡਾ ਵਿਚ ਰਫਿਊਜੀ ਦਾ ਦਰਜਾ ਪ੍ਰਾਪਤ ਕਰਨ ਲਈ ਅਰਜ਼ੀਆਂ ਦਿੱਤੀਆਂ ਹਨ। ਹਾਲਾਂਕਿ, ਸੀ.ਬੀ.ਐਸ.ਏ. ਨੇ ਉਨ੍ਹਾਂ ਦੀ ਕੌਮੀਅਤ ਅਤੇ ਐਪਲੀਕੇਸ਼ਨਾਂ ਬਾਰੇ ਵਿਸਥਾਰ ਜਾਣਕਾਰੀ ਨਹੀਂ ਦਿੱਤੀ, ਪਰ ਸਰੀ ਦੀ ਮੇਅਰ ਬ੍ਰੇਡਾ ਲੌਕ ਅਤੇ ਬੀ. ਸੀ. ਦੀ ਪਬਲਿਕ ਸੇਫਟੀ ਮਿਨਿਸਟਰ ਇਸ 'ਤੇ ਨਾਰਾਜ਼ਗੀ ਜ਼ਾਹਰ ਕਰ ਚੁੱਕੇ ਹਨ।

ਬੀ. ਸੀ. ਵਿਚ ਉਸਾਰੀ ਵਾਲੀਆਂ ਥਾਵਾਂ 'ਤੇ ਕਰੇਨ ਹਾਦਸੇ ਦੇ ਲੜੀਵਾਰ ਮਾਮਲਿਆਂ ਦੇ ਸਬੰਧ ਵਿਚ ਵਰਕਸੇਫਬੀਸੀ ਨੇ ਦੋ ਕੰਪਨੀਆਂ 'ਤੇ ਕਰੀਬ $1.3 ਮਿਲੀਅਨ ਦਾ ਜੁਰਮਾਨਾ ਲਗਾਇਆ ਹੈ। ਇਸ ਵਿਚ ਪਿਛਲੇ ਸਾਲ ਵੈਨਕੂਵਰ ਦੇ ਓਕਰਿਜ ਪਾਰਕ ਡਿਵੈਲਪਮੈਂਟ ਵਿਚ ਫਰਵਰੀ 2024 ਵਿਚ ਹੋਈ ਉਹ ਘਟਨਾ ਵੀ ਸ਼ਾਮਲ ਹੈ, ਜਿੱਥੇ ਯੂਰੀਡੀਆ ਫਲੋਰੇਸ ਨਾਂ ਮਹਿਲਾ ਵਰਕਰ ਦੀ ਦਰਦਨਾਕ ਮੌਤ ਹੋ ਗਈ ਸੀ।

ਐਲਬਰਟਾ ਸਰਕਾਰ ਦਾ ਫੌਲ ਸੀਜ਼ਨ ਦਾ ਵਿਧਾਨ ਸਭਾ ਸੈਸ਼ਨ ਬੀਤੇ ਦਿਨ ਸਮਾਪਤ ਹੋ ਗਿਆ, ਜਿਸ ਦੌਰਾਨ 14 ਬਿੱਲ ਪਾਸ ਕੀਤੇ ਗਏ। ਇਹ ਸੈਸ਼ਨ ਨਾਟਵਿਦਸਟੈਂਡਿੰਗ ਕਲਾਜ਼ ਦੀ ਵਿਵਾਦਿਤ ਵਰਤੋਂ ਅਤੇ ਵਿਧਾਇਕਾਂ ਲਈ ਬਹਿਸ ਦੇ ਸਮੇਂ 'ਤੇ ਲਗਾਈਆਂ ਗਈਆਂ ਸੀਮਾਵਾਂ ਕਾਰਨ ਚਰਚਾ ਵਿੱਚ ਰਿਹਾ। ਸੂਬੇ ਭਰ ਦੇ ਅਧਿਆਪਕਾਂ ਦੀ ਹੜਤਾਲ ਖਤਮ ਕਰਨ ਲਈ ਸਰਕਾਰ ਵੱਲੋਂ 'ਨਾਟਵਿਦਸਟੈਂਡਿੰਗ ਕਲਾਜ਼' ਦੀ ਵਰਤੋਂ ਕੀਤੀ ਗਈ, ਜਿਸ ਨੂੰ ਆਲੋਚਕਾਂ ਨੇ ਲੋਕਤੰਤਰੀ ਪ੍ਰਕਿਰਿਆਵਾਂ ਨੂੰ ਕਮਜ਼ੋਰ ਕਰਨ ਦਾ ਕਦਮ ਦੱਸਿਆ।

ਐਲਬਰਟਾ ਦੇ ਦੋ ਮੁੱਖ ਐਡਵੋਕੇਸੀ ਗਰੁੱਪ ਈਗੇਲ ਕੈਨੇਡਾ ਅਤੇ ਸਕਿੱਪਿੰਗ ਸਟੋਨ ਫਾਊਂਡੇਸ਼ਨ ਨੇ ਸੂਬਾ ਸਰਕਾਰ ਦੇ ਟਰਾਂਸਜੈਂਡਰ ਸਿਹਤ-ਸੰਭਾਲ ਕਾਨੂੰਨ ਵਿਰੁੱਧ ਆਪਣੀ ਕਾਨੂੰਨੀ ਲੜਾਈ ਵਿੱਚ ਆਪਣਾ ਤਰਕ ਬਦਲ ਲਿਆ ਹੈ।ਗਰੁੱਪ ਹੁਣ ਇਹ ਦਲੀਲ ਦੇਣਗੇ ਕਿ ਇਹ ਕਾਨੂੰਨ ਸੂਬਾਈ ਅਧਿਕਾਰ ਖੇਤਰ ਤੋਂ ਬਾਹਰ ਹੈ ਕਿਉਂਕਿ ਇਹ ਸਿਹਤ-ਸੰਭਾਲ ਦਾ ਮਾਮਲਾ ਨਾ ਹੋ ਕੇ ਅਪਰਾਧਿਕ ਕਾਨੂੰਨ ਦਾ ਮੁੱਦਾ ਹੈ।

ਪੰਜਾਬ 'ਚ ਅੰਮ੍ਰਿਤਸਰ ਦੇ ਕਈ ਸਕੂਲਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ ਹੈ। ਇਹ ਧਮਕੀ ਵੱਖ-ਵੱਖ ਸਕੂਲਾਂ ਨੂੰ ਈਮੇਲ ਰਾਹੀਂ ਦਿੱਤੀ ਗਈ ਹੈ। ਇਸ ਈਮੇਲ ਤੋਂ ਬਾਅਦ ਸਕੂਲਾਂ ਵਿੱਚ ਹਫੜਾ-ਦਫੜੀ ਮੱਚ ਗਈ ਅਤੇ ਡਿਪਟੀ ਕਮਿਸ਼ਨਰ ਦੇ ਹੁਕਮਾਂ ਅਨੁਸਾਰ ਸਕੂਲਾਂ ਨੂੰ ਤੁਰੰਤ ਛੁੱਟੀ ਕਰ ਦਿੱਤੀ ਗਈ। ਜਾਣਕਾਰੀ ਮੁਤਾਬਕ ਇਹ ਧਮਕੀ ਅੰਮ੍ਰਿਤਸਰ ਦੇ 15 ਮਸ਼ਹੂਰ ਪ੍ਰਾਈਵੇਟ ਸਕੂਲਾਂ ਨੂੰ ਦਿੱਤੀ ਗਈ।