News

ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਅੱਜ ਲੋਕ ਸਭਾ ਵਿੱਚ ਕੇਂਦਰ ਸਰਕਾਰ ਤੋਂ ਕਿਸਾਨਾਂ ਲਈ ਐਮ.ਐਸ.ਪੀ. ਦੀ ਕਾਨੂੰਨੀ ਗਾਰੰਟੀ ਦੇਣ ਵਾਸਤੇ ਬਿੱਲ ਲਿਆਉਣ ਦੀ ਮੰਗ ਕੀਤੀ। ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਨੇ ਕਿਸਾਨ ਅੰਦੋਲਨ ਦੌਰਾਨ ਐਮ.ਐਸ.ਪੀ. ਸਬੰਧੀ ਬਿੱਲ ਲਿਆਉਣ ਦਾ ਵਾਅਦਾ ਕੀਤਾ ਸੀ ਪਰ ਕਈ ਸਾਲ ਬੀਤਣ ਦੇ ਬਾਵਜੂਦ ਇਹ ਵਾਅਦਾ ਪੂਰਾ ਨਹੀਂ ਕੀਤਾ ਗਿਆ।

ਬੀ.ਸੀ. ਨੇ ਸਾਲ 2025 ਦੇ ਆਖਰੀ ਤਿੰਨ ਮਹੀਨਿਆਂ ਵਿਚ ਆਬਾਦੀ ਵਿਚ 0.4 ਫੀਸਦੀ ਗਿਰਾਵਟ ਦਰਜ ਕੀਤੀ ਹੈ।ਸਟੈਟਕੈਨ ਦੇ ਤਾਜ਼ਾ ਅੰਕੜਿਆਂ ਮੁਤਾਬਕ, ਜੇ ਪੂਰੇ ਸਾਲ 2025 ਦੀ ਗੱਲ ਕਰੀਏ ਤਾਂ ਸੂਬੇ ਨੇ ਲਗਭਗ 41,000 ਲੋਕਾਂ ਦੀ ਕਮੀ ਦੇਖੀ, ਜੋ ਲਗਭਗ ਮਿਸ਼ਨ ਸ਼ਹਿਰ ਦੀ ਕੁੱਲ ਆਬਾਦੀ ਦੇ ਬਰਾਬਰ ਹੈ। ਇਸ ਦਾ ਮੁੱਖ ਕਾਰਨ ਕੈਨੇਡਾ ਵਿਚ ਗੈਰ-ਸਥਾਈ ਨਿਵਾਸੀਆਂ ਦੀ ਗਿਣਤੀ ਵਿਚ ਆਈ ਕਮੀ ਹੈ।

ਅਮਰੀਕਾ, ਇਜ਼ਰਾਈਲ ਅਤੇ ਈਰਾਨ ਵਿਚਾਲੇ ਚੱਲ ਰਹੇ ਟਕਰਾਅ ਦੌਰਾਨ ਸਾਊਦੀ ਅਰਬ ਦੇ ਯਾਨਬੂ ਵਿੱਚ ਸਮਰੇਫ ਤੇਲ ਸੋਧਣ ਵਾਲੇ ਕਾਰਖਾਨੇ ਨੂੰ ਹਵਾਈ ਹਮਲੇ ਵਿੱਚ ਨਿਸ਼ਾਨਾ ਬਣਾਇਆ ਗਿਆ ਹੈ।

ਓਨਟਾਰੀਓ ਵਿਚ ਘਰ 'ਤੇ ਹਮਲੇ ਦੀ ਇੱਕ ਹੋਰ ਘਟਨਾ ਸਾਹਮਣੇ ਆਈ ਹੈ, ਬੁੱਧਵਾਰ ਨੂੰ ਮਿਲਟਨ ਦੇ ਇੱਕ ਇਲਾਕੇ ਵਿਚ ਪੰਜ ਅਣਪਛਾਤੇ ਵਿਅਕਤੀਆਂ ਨੇ ਇੱਕ ਘਰ ਵਿਚ ਜ਼ਬਰਦਸਤੀ ਦਾਖਲ ਹੋ ਕੇ ਲੁੱਟਖੋਹ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਹਾਲਟਨ ਰਿਜਨਲ ਪੁਲਿਸ ਮੁਤਾਬਕ, ਇਹ ਵਾਰਦਾਤ ਸਵੇਰੇ ਕੱਲ੍ਹ ਸਵੇਰ ਕਰੀਬ 2:45 ਵਜੇ ਰੋਜ਼ ਵੇਅ ਅਤੇ ਵੈਲਵੁੱਡ ਟੈਰੇਸ ਦੇ ਇਲਾਕੇ ਵਿਚ ਵਾਪਰੀ।

ਬੀ.ਸੀ.ਸਰਕਾਰ ਨੇ ਇੰਟੀਮੇਟ ਈਮੇਜ ਅਬਊਸ ਦੇ ਪੀੜਤਾਂ ਲਈ ਹਰਜਾਨੇ ਦਾ ਦਾਇਰਾ ਵਧਾ ਦਿੱਤਾ ਹੈ। ਹੁਣ ਅਜਿਹੇ ਮਾਮਲਿਆਂ ਵਿਚ ਪੀੜਤ ਵਿਅਕਤੀ ਸਿਵਲ ਰੈਜ਼ੋਲੂਸ਼ਨ ਟ੍ਰਿਬਿਊਨਲ ਰਾਹੀਂ ਡੈਮੇਜਸ ਵਜੋਂ $75,000 ਤੱਕ ਦੀ ਮੰਗ ਕਰ ਸਕਦੇ ਹਨ,ਇਹ ਪਹਿਲਾਂ ਨਿਰਧਾਰਤ $5,000 ਦੀ ਲਿਮਟ ਤੋਂ 14 ਗੁਣਾ ਵੱਧ ਹੈ।