Punjabi
ਟਰੰਪ ਦੇ ਟੈਰਿਫ 'ਤੇ ਰੋਕ ਲਗਾਏ ਜਾਣ ਮਗਰੋਂ ਅਮਰੀਕੀ ਸ਼ੇਅਰ ਬਾਜ਼ਾਰ ਵਿਚ ਦੇਖਣ ਨੂੰ ਮਿਲੀ ਰੌਣਕ
ਕੈਨੇਡੀਅਨ ਸਟਾਕ ਮਾਰਕੀਟ ਅਤੇ ਅਮਰੀਕੀ ਸ਼ੇਅਰ ਬਾਜ਼ਾਰ ਵਿਚ ਅੱਜ ਟਰੰਪ ਦੇ ਟੈਰਿਫ 'ਤੇ ਰੋਕ ਲਗਾਏ ਜਾਣ ਮਗਰੋਂ ਰੌਣਕ ਦੇਖਣ ਨੂੰ ਮਿਲੀ। ਕੈਨੇਡਾ ਦੇ S&P/TSX ਕੰਪੋਜ਼ਿਟ ਇੰਡੈਕਸ ਵਿਚ 1,000 ਤੋਂ ਵੱਧ ਅੰਕ ਦੀ ਤੇਜ਼ੀ ਦੇਖੀ ਗਈ, ਉਥੇ ਹੀ ਨਿਊਯਾਰਕ ਵਿਚ ਡਾਓ ਜੋਨਸ ਨੇ 2,400 ਅੰਕ ਤੱਕ ਦਾ ਉਛਾਲ ਦਰਜ ਕੀਤਾ।
Punjabi
ਮਨੋਰੰਜਨ ਕਾਲੀਆ ਦੇ ਘਰ 'ਤੇ ਗ੍ਰਨੇਡ ਹਮਲੇ ਦੇ ਮੁਲਜ਼ਮਾਂ ਨੂੰ 6 ਦਿਨ ਦੇ ਪੁਲਿਸ ਰਿਮਾਂਡ ਉਤੇ ਭੇਜਿਆ
ਪੰਜਾਬ ਵਿਚ ਭਾਜਪਾ ਆਗੂ ਤੇ ਸਾਬਕਾ ਮੰਤਰੀ ਮਨੋਰੰਜਨ ਕਾਲੀਆ ਦੇ ਜਲੰਧਰ ਘਰ 'ਤੇ ਗ੍ਰਨੇਡ ਸੁੱਟਣ ਦੇ ਮਾਮਲੇ ਵਿਚ ਹਿਰਾਸਤ ਵਿਚ ਗਏ ਦੋ ਮੁਲਜ਼ਮਾਂ ਦਾ ਅਦਾਲਤ ਨੇ 6 ਦਿਨਾਂ ਦਾ ਪੁਲਿਸ ਰਿਮਾਂਡ ਦਿੱਤਾ ਹੈ। ਅਦਾਲਤ ਤੋਂ ਪੁਲਿਸ ਵਲੋਂ ਦੋਵਾਂ ਮੁਲਜ਼ਮਾਂ ਰਵਿੰਦਰ ਕੁਮਾਰ, ਵਾਸੀ ਸੁਭਾਨਾ ਰੋਡ, ਗੜਾ, ਜਲੰਧਰ ਅਤੇ ਸਤੀਸ਼ ਉਰਫ ਕਾਕਾ ਨਿਵਾਸੀ ਭਾਰਗੋ ਕੈਂਪ, ਜਲੰਧਰ ਦਾ 10 ਦਿਨ ਦਾ ਰਿਮਾਂਡ ਦਿੱਤੇ ਜਾਣ ਦੀ ਮੰਗ ਕੀਤੀ ਗਈ ਸੀ ਪਰ ਅਦਾਲਤ ਨੇ ਦੋਵਾਂ ਲਈ 6 ਦਿਨ ਦੇ ਪੁਲਿਸ ਰਿਮਾਂਡ ਦੀ ਮਨਜ਼ੂਰੀ ਦਿੱਤੀ।
Punjabi
ਪੌਲੀਐਵ ਨੇ ਨਵੇਂ ਕਾਨੂੰਨ ਪ੍ਰਸਤਾਵ ਨਾਲ ਅਪਰਾਧ ਵਿਰੁੱਧ ਸਖ਼ਤ ਕਾਰਵਾਈ ਕਰਨ ਦਾ ਕੀਤਾ ਵਾਅਦਾ
ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਪ੍ਰਧਾਨ ਮੰਤਰੀ ਬਣਨ 'ਤੇ ਕੈਨੇਡੀਅਨ ਇਤਿਹਾਸ ਵਿਚ ਅਪਰਾਧੀਆਂ 'ਤੇ ਸਭ ਤੋਂ ਵੱਡੀ ਕਾਰਵਾਈ ਕਰਨ ਦੀ ਗੱਲ ਆਖੀ ਹੈ। ਪੌਲੀਐਵ ਨੇ ਆਪਣੇ ਪ੍ਰਸਤਾਵਿਤ ਕਾਨੂੰਨ 'ਥ੍ਰੀਰ ਸਟ੍ਰਾਈਕ ਯੂਆਰ ਆਊਟ ਲਾਅ' ਦਾ ਖੁਲਾਸਾ ਕਰਦੇ ਕਿਹਾ ਕਿ ਇਸ ਕਾਨੂੰਨ ਤਹਿਤ ਗੰਭੀਰ ਅਪਰਾਧ ਲਈ ਦੋਸ਼ੀ ਠਹਿਰਾਏ ਜਾਣ 'ਤੇ ਅਪਰਾਧੀਆਂ ਨੂੰ ਬਿਨਾਂ ਪੈਰੋਲ, ਬਿਨਾਂ ਜ਼ਮਾਨਤ ਅਤੇ ਬਿਨਾਂ ਘਰ ਵਿੱਚ ਨਜ਼ਰਬੰਦੀ ਦੇ 10 ਸਾਲ ਜੇਲ੍ਹ ਵਿਚ ਰੱਖਿਆ ਜਾਵੇਗਾ।
Punjabi
ਬ੍ਰਿਟਿਸ਼ ਕੋਲੰਬੀਆ ਦੀ ਪ੍ਰਮੁੱਖ ਵਿਰੋਧੀ ਧਿਰ ਨੇ ਈਬੀ ਸਰਕਾਰ ਨੂੰ ਬਜਟ ਘਾਟੇ 'ਤੇ ਘੇਰਿਆ
ਬ੍ਰਿਟਿਸ਼ ਕੋਲੰਬੀਆ ਦੀ ਪ੍ਰਮੁੱਖ ਵਿਰੋਧੀ ਧਿਰ ਨੇ ਈਬੀ ਸਰਕਾਰ ਨੂੰ ਬਜਟ ਘਾਟੇ 'ਤੇ ਘੇਰਿਆ ਹੈ ਅਤੇ ਇਸ ਬਾਰੇ ਸਪੱਸ਼ਟ ਹਿਸਾਬ ਸਾਹਮਣੇ ਰੱਖਣ ਦੀ ਮੰਗ ਕੀਤੀ ਹੈ। ਬੀ.ਸੀ. ਕੰਜ਼ਰਵੇਟਿਵ ਨੇ ਕਿਹਾ ਕਿ ਸਰਕਾਰ ਦੇ ਘਾਟੇ ਦੇ ਸਾਈਜ਼ ਅਤੇ ਕਾਰਬਨ ਟੈਕਸ ਦਾ ਕਰੀਬ $3 ਬਿਲੀਅਨ ਦਾ ਰੈਵੇਨਿਊ ਗੁਆਉਣ ਤੋਂ ਬਾਅਦ ਕਿਹੜੇ ਪ੍ਰੋਗਰਾਮਾਂ ਵਿਚ ਕਟੌਤੀ ਹੋਣ ਵਾਲੀ ਹੈ ਇਸ ਨੂੰ ਲੈ ਕੇ ਬਹੁਤ ਸਾਰੀਆਂ ਚਿੰਤਾਵਾਂ ਹਨ।
Punjabi
ਟਰੰਪ ਨੇ ਚੀਨ 'ਤੇ ਠੋਕਿਆ 125 ਫੀਸਦੀ ਟੈਰਿਫ, ਜੁਆਬੀ ਕਾਰਵਾਈ ਨਾ ਕਰਨ ਵਾਲੇ ਮੁਲਕਾਂ ਨੂੰ ਰਾਹਤ
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਟੈਰਿਫ 'ਤੇ 90 ਦਿਨਾਂ ਦੀ ਰੋਕ ਦਾ ਐਲਾਨ ਕੀਤਾ ਹੈ ਪਰ ਇਸ ਵਿਚਕਾਰ ਚੀਨ 'ਤੇ ਟੈਰਿਫ ਵਧਾ ਕੇ 125 ਫੀਸਦੀ ਕਰ ਦਿੱਤਾ ਹੈ। ਟਰੰਪ ਨੇ ਟਰੁੱਥ ਸੋਸ਼ਲ ਪੋਸਟ ਵਿਚ ਕਿਹਾ ਕਿ ਚੀਨ ਵਲੋਂ ਵਿਸ਼ਵ ਬਾਜ਼ਾਰਾਂ ਪ੍ਰਤੀ ਦਿਖਾਏ ਗਏ ਨਿਰਾਦਰ ਦੇ ਆਧਾਰ 'ਤੇ ਉਹ ਬੀਜਿੰਗ 'ਤੇ ਲਗਾਏ ਗਏ ਟੈਰਿਫ ਨੂੰ ਤੁਰੰਤ ਪ੍ਰਭਾਵ ਨਾਲ 125 ਫੀਸਦੀ ਤੱਕ ਵਧਾ ਰਹੇ ਹਨ।
Punjabi
ਐਨ.ਡੀ.ਪੀ. ਆਗੂ ਜਗਮੀਤ ਸਿੰਘ ਨੇ ਫਾਰਮਾਕੇਅਰ ਨੂੰ ਪੂਰੀ ਤਰ੍ਹਾਂ ਲਾਗੂ ਕਰਨ ਦਾ ਕੀਤਾ ਵਾਅਦਾ
ਐਨ.ਡੀ.ਪੀ.ਲੀਡਰ ਜਗਮੀਤ ਸਿੰਘ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਬਣਨ 'ਤੇ ਫਾਰਮਾਕੇਅਰ ਨੂੰ ਪੂਰੀ ਤਰ੍ਹਾਂ ਲਾਗੂ ਕਰ ਦਿੱਤਾ ਜਾਵੇਗਾ। ਜਗਮੀਤ ਸਿੰਘ ਨੇ ਕਿਹਾ ਕਿ ਐੱਨ. ਡੀ. ਪੀ. ਸਰਕਾਰ 100 ਸਭ ਤੋਂ ਵੱਧ ਨਿਰਧਾਰਤ ਦਵਾਈਆਂ ਨਾਲ ਫਾਰਮਾਕੇਅਰ ਦਾ ਵਿਸਥਾਰ ਕਰੇਗੀ, ਜਿਸ ਵਿਚ ਦਰਦ ਦੀਆਂ ਦਵਾਈਆਂ ਦੇ ਨਾਲ-ਨਾਲ ਐਂਟੀਬਾਇਓਟਿਕਸ ਅਤੇ ਹੋਰ ਜ਼ਰੂਰੀ ਦਵਾਈਆਂ ਸ਼ਾਮਲ ਹੋਣਗੀਆਂ ਅਤੇ ਲੋਕਾਂ ਨੂੰ ਜੇਬ ਤੋਂ ਖ਼ਰਚ ਕਰਨ ਦੀ ਲੋੜ ਨਹੀਂ ਹੋਵੇਗੀ।
Punjabi
ਐਲਬਰਟਾ ਸਰਕਾਰ ਘਟਾਵੇਗੀ ਸਕੂਲ ਬੋਰ਼ਡਜ਼ ਅਤੇ ਮਿਊਂਸੀਪਲ ਕੌਂਸਲ ਦੀਆਂ ਸ਼ਕਤੀਆਂ
ਐਲਬਰਟਾ ਸਰਕਾਰ ਨੇ ਚੁਣੇ ਗਏ ਪਬਲਿਕ ਸਕੂਲ ਬੋਰ਼ਡਜ਼ ਅਤੇ ਮਿਊਂਸੀਪਲ ਕੌਂਸਲਾਂ ਦੀਆਂ ਸ਼ਕਤੀਆਂ ਘਟਾਉਣ ਲਈ ਬੀਤੇ ਦਿਨ ਵਿਧਾਨਸਭਾ ਵਿਚ ਦੋ ਬਿੱਲ ਪੇਸ਼ ਕੀਤੇ। ਇਕ ਬਿੱਲ ਦੇ ਪਾਸ ਹੋਣ ਨਾਲ ਲੋਕਲ ਕੌਂਸਲਜ਼ ਦੇ ਆਚਾਰ ਸੰਹਿਤਾ ਨੂੰ ਰੱਦ ਕਰ ਦਿੱਤਾ ਜਾਵੇਗਾ । ਇਸ ਦੇ ਨਾਲ ਹੀ ਜੋ ਸ਼ਿਕਾਇਤਾਂ ਅਜੇ ਅਦਾਲਤ ਵਿਚ ਪੇਸ਼ ਨਹੀਂ ਹੋਈਆਂ ਉਹ ਵੀ ਰੱਦ ਹੋਣਗੀਆਂ।
Punjabi
ਐਡਮਿੰਟਨ ਦੀ ਟੀਨਏਜਰ ਨਾਲ ਜਿਨਸੀ ਸ਼ੋਸ਼ਣ ਕਰਨ ਵਾਲੇ ਅਮਰੀਕੀ ਨੂੰ 50 ਸਾਲ ਕੈਦ ਦੀ ਸਜ਼ਾ
ਐਡਮਿੰਟਨ ਦੀ ਇਕ ਟੀਨਏਜਰ ਨੂੰ ਅਗਵਾ ਕਰਕੇ ਉਸ ਦਾ ਜਿਨਸੀ ਸ਼ੋਸ਼ਣ ਕਰਨ ਵਾਲੇ ਅਮਰੀਕੀ ਦੋਸ਼ੀ ਨੂੰ 50 ਸਾਲਾਂ ਦੀ ਸਜ਼ਾ ਸੁਣਾਈ ਗਈ ਹੈ। ਨੋਹ ਮਦਰਾਨੋ ਨੂੰ ਜਨਵਰੀ 2022 ਵਿਚ 13 ਸਾਲਾ ਲੜਕੀ ਨੂੰ ਅਗਵਾ ਕਰਨ ਅਤੇ ਹਮਲੇ ਸਬੰਧੀ ਦੋ ਅਮਰੀਕੀ ਅਪਰਾਧਾਂ ਲਈ ਦੋਸ਼ੀ ਠਹਿਰਾਇਆ ਗਿਆ ਸੀ।
Punjabi
2008 ਦੇ ਮੁੰਬਈ ਅੱਤਵਾਦੀ ਹਮਲਿਆਂ ਵਿੱਚ ਭੂਮਿਕਾ ਲਈ ਤਹੱਵੁਰ ਰਾਣਾ ਨੂੰ ਕੀਤਾ ਗਿਆ ਭਾਰਤ ਹਵਾਲੇ
ਅਮਰੀਕਾ ਤੋਂ ਅੱਜ 2008 ਦੇ ਮੁੰਬਈ ਅੱਤਵਾਦੀ ਹਮਲਿਆਂ ਦੇ ਦੋਸ਼ੀ ਤਹੱਵੁਰ ਰਾਣਾ ਨੂੰ ਐਨ.ਆਈ.ਏ. ਅਤੇ ਰਾਅ ਦੀ ਇੱਕ ਜੁਆਇੰਟ ਟੀਮ ਵਲੋਂ ਭਾਰਤ ਲਿਜਾਇਆ ਜਾ ਰਿਹਾ ਹੈ। ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਪੀ. ਐੱਮ. ਮੋਦੀ ਦੇ ਅਮਰੀਕਾ ਦੌਰੇ ਦੌਰਾਨ ਰਾਣਾ ਨੂੰ ਭਾਰਤ ਹਵਾਲੇ ਕਰਨ ਦੀ ਮਨਜੂਰੀ ਦਿੱਤੀ ਸੀ, ਉਥੇ ਹੀ ਰਾਣਾ ਨੇ ਅਮਰੀਕੀ ਸੁਪਰੀਮ ਕੋਰਟ ਵਿਚ ਉਸ ਦੀ ਹਵਾਲਗੀ ਨੂੰ ਰੋਕਣ ਲਈ ਪਟੀਸ਼ਨ ਦਾਇਰ ਕੀਤੀ ਸੀ ਜੋ ਸੋਮਵਾਰ ਨੂੰ ਖਾਰਜ ਕਰ ਦਿੱਤੀ ਗਈ। ਤਹਵੁੱਰ ਰਾਣਾ ਨੂੰ 2009 ਵਿਚ ਐਫ.ਬੀ.ਆਈ. ਨੇ ਗ੍ਰਿਫ਼ਤਾਰ ਕੀਤਾ ਸੀ। ਉਸ ਨੂੰ ਅਮਰੀਕਾ ਵਿਚ ਲਸ਼ਕਰ-ਏ-ਤੋਇਬਾ ਦਾ ਸਮਰਥਨ ਕਰਨ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ। ਹੁਣ ਤੱਕ ਉਸ ਨੂੰ ਲਾਸ ਏਂਜਲਸ ਦੇ ਇੱਕ ਨਜ਼ਰਬੰਦੀ ਕੇਂਦਰ ਵਿਚ ਰੱਖਿਆ ਜਾ ਰਿਹਾ ਸੀ।
10.89C Vancouver
