News

ਕਿਊਬੈਕ ਸਰਕਾਰ ਨੇ ਆਪਣਾ ਧਾਰਮਿਕ ਚਿੰਨ ਬੈਨ ਸੂਬੇ ਦੇ ਡੇਅਕੇਅਰ ਸੈਂਟਰਾਂ ਤੱਕ ਵਧਾਉਣ ਦਾ ਐਲਾਨ ਕੀਤਾ ਹੈ। ਧਰਮ ਨਿਰਪੱਖਤਾ ਜੀਨ-ਫ੍ਰਾਂਸਵਾ ਰੋਬਰਜ ਨੇ ਕਿਹਾ ਕਿ ਕਿਊਬੈਕ ਵਾਸੀ ਧਰਮ ਨਿਰਪੱਖਤਾ ਨੂੰ ਹੋਰ ਮਜ਼ਬੂਤ ​​ਚਾਹੁੰਦੇ ਹਨ। ਰੋਬਰਜ ਨੇ ਕਿਹਾ ਕਿ ਸਰਕਾਰੀ ਸਬਸਿਡੀ ਪ੍ਰਾਪਤ ਡੇਅਕੇਅਰ ਸੈਂਟਰ ਅਤੇ ਨਰਸਰੀਆਂ ਵਿਚ ਕੰਮ ਕਰਨ ਵਾਲੇ ਸਟਾਫ ਦੇ ਧਾਰਮਿਕ ਚਿੰਨ੍ਹਾਂ ਨੂੰ ਪਹਿਨਣ 'ਤੇ ਪਾਬੰਦੀ ਲਗਾਉਣ ਲਈ ਨਵਾਂ ਕਾਨੂੰਨ ਜਲਦ ਪੇਸ਼ ਕੀਤਾ ਜਾਵੇਗਾ।

ਐਲਬਰਟਾ ਸਰਕਾਰ ਟੀਚਰਜ਼ ਦੀ ਹੜਤਾਲ ਖ਼ਤਮ ਕਰਨ ਲਈਬੈਕ-ਟੂ-ਵਰਕ ਕਾਨੂੰਨ ਦਾ ਇਸਤੇਮਾਲ ਕਰਨ ਜਾ ਰਹੀ ਹੈ। ਸਰਕਾਰ ਨੇ ਇਕ ਰਸਮੀ ਨੋਟਿਸ ਜਾਰੀ ਕਰਦਿਆਂ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਅੱਜ ਸਵੇਰੇ ਐਲਬਰਟਾ ਵਿਧਾਨ ਸਭਾ ਦੀ ਵੈਬਸਾਈਟ 'ਤੇ ਬਿਲ 2 ਵਜੋਂ ਜਾਣੇ ਜਾਂਦੇ ਬੈਕ-ਟੂ-ਸਕੂਲ ਐਕਟ ਨੂੰ ਆਰਡਰ ਪੇਪਰ ਰਾਹੀਂ ਪਬਲਿਸ਼ ਕਰਕੇ ਇਹ ਘੋਸ਼ਣਾ ਕੀਤੀ ਗਈ।

ਨੌਰਥ ਵੈਨਕੂਵਰ ਆਰ.ਸੀ.ਐੱਮ.ਪੀ.ਦੀ ਨਵੀਂ ਇੰਚਾਰਜ ਅਫ਼ਸਰ ਬਰਨਬੀ ਆਰ.ਸੀ.ਐੱਮ.ਪੀ. ਦੀ ਕਮਿਊਨਿਟੀ ਪ੍ਰੋਗਰਾਮ ਅਫਸਰ ਰਹੀ ਪੈਰੀ ਮੈਨਵੇਰਿੰਗ ਹੋਵੇਗੀ। ਉਨ੍ਹਾਂ ਦੀ ਨਿਯੁਕਤੀ ਦਾ ਐਲਾਨ ਅੱਜ ਲੋਅਰ ਮੇਨਲੈਂਡ ਡਿਸਟ੍ਰਿਕ ਨੇ ਕੀਤਾ। ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਸੁਪਰਡੈਂਟ ਮੈਨਵੇਰਿੰਗ ਇੱਕ ਅਨੁਭਵੀ ਪੁਲਿਸ ਅਧਿਕਾਰੀ ਹਨ ਜਿਨ੍ਹਾਂ ਕੋਲ ਆਰ.ਸੀ.ਐੱਮ.ਪੀ. ਵਿਚ 30 ਸਾਲ ਤੋਂ ਵੱਧ ਸੇਵਾ ਦਾ ਤਜਰਬਾ ਹੈ।

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੂੰ ਭਾਰਤ ਨੇ ਨਵੇਂ ਸਾਲ ਦੇ ਸ਼ੁਰੂ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਗੱਲਬਾਤ ਲਈ ਨਵੀਂ ਦਿੱਲੀ ਆਉਣ ਦਾ ਸੱਦਾ ਦਿੱਤਾ ਹੈ। ਇਸ ਨਾਲ ਦੋਹਾਂ ਮੁਲਕਾਂ ਵਿਚਕਾਰ ਨਵੇਂ ਆਰਥਿਕ ਰਿਸ਼ਤੇ ਅਤੇ ਫ੍ਰੀ ਟਰੇਡ ਸਮਝੌਤੇ ਦਾ ਰਸਤਾ ਖੁੱਲ੍ਹ ਸਕਦਾ ਹੈ।

ਬੀ. ਸੀ. ਵਿਚ ਇੱਕ ਨਵਾਂ ਵਰਚੁਅਲ ਕੇਅਰ ਪਾਇਲਟ ਪ੍ਰੋਗਰਾਮ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਇਹ ਪਹਿਲ ਇੰਟੀਰੀਅਰ ਹੈਲਥ ਅਥਾਰਟੀ ਵਲੋਂ ਕੀਤੀ ਗਈ ਹੈ ਤਾਂ ਜੋ ਪੇਂਡੂ ਭਾਈਚਾਰੇ ਵਿਚ ਡਾਕਟਰਾਂ ਜਾਂ ਨਰਸਾਂ ਦੀ ਘਾਟ ਕਾਰਨ ਵਾਰ-ਵਾਰ ਬੰਦ ਹੋਣ ਵਾਲੇ ਛੋਟੇ ਐਮਰਜੈਂਸੀ ਰੂਮ ਦੀ ਸਮੱਸਿਆ ਦਾ ਹੱਲ ਕੀਤਾ ਜਾ ਸਕੇ।