News

ਨੌਰਥ ਵੈਨਕੂਵਰ ਵਿੱਚ ਸ਼ਨੀਵਾਰ ਨੂੰ ਇੱਕ ਸੀਨੀਅਰਸ ਕੰਪਲੈਕਸ ਵਿੱਚ ਅੱਗ ਲੱਗ ਗਈ ਸੀ। ਲਿਨ ਵੈਲੀ ਅਪਾਰਟਮੈਂਟ ਕੰਪਲੈਕਸ ਅੱਗ ਦੀ ਚਪੇਟ 'ਚ ਆ ਗਿਆ ਸੀ। ਇਸ ਸੰਬੰਧੀ ਨੌਰਥ ਵੈਨਕੂਵਰ ਦੇ ਫਾਇਰ ਚੀਫ਼ ਮਾਈਕ ਡੈਂਕਸ ਦਾ ਕਹਿਣਾ ਹੈ ਕਿ ਅੱਗ 'ਤੇ ਕਾਬੂ ਪਾਉਣ ਲਈ ਨੌਰਥ ਸ਼ੋਰ ਦੇ ਤਕਰੀਬਨ ਸਾਰੇ ਫਾਇਰ ਕਰੂ ਨੂੰ ਮੁਸ਼ੱਕਤ ਕਰਨੀ ਪਈ।

ਵੈਨਕੂਵਰ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਬੀਤੇ ਕੱਲ੍ਹ ਮਿਲੀ ਬੰਬ ਸੰਬੰਧੀ ਜਾਣਕਾਰੀ 'ਤੇ ਰਿਚਮੰਡ ਆਰ.ਸੀ.ਐਮ.ਪੀ. ਨੇ ਆਖਿਆ ਹੈ ਕਿ ਜਾਣਕਾਰੀ ਗਲਤ ਸੀ। ਇਸ ਸੰਬੰਧੀ ਜਾਣਕਾਰੀ ਇੱਕ ਲੋਕਲ ਨਿਊਜ ਏਜੰਸੀ ਅਤੇ ਹਵਾਈ ਅੱਡੇ ਦੇ ਸਟਾਫ਼ ਕੋਲ ਪਹੁੰਚਾਈ ਗਈ ਸੀ। ਪੁਲਿਸ ਨੇ ਆਖਿਆ ਕਿ ਜਾਣਕਾਰੀ ਮਿਲਣ ਤੋਂ ਬਾਅਦ ਇਸ ਨੂੰ ਗੰਭੀਰਤਾ ਨਾਲ ਲਿਆ ਗਿਆ ਸੀ, ਪਰ ਜਾਂਚ ਵਿੱਚ ਕਿਸੇ ਵਿਸਫੋਟਕ ਸਮਗਰੀ ਦੇ ਕੋਈ ਸਬੂਤ ਨਹੀਂ ਮਿਲੇ।

ਅਮਰੀਕਾ ਅਤੇ ਚੀਨ ਨੇ ਇਕ ਦੂਜੇ ’ਤੇ ਟੈਰਿਫ ਘਟਾ ਦਿੱਤਾ ਹੈ ਅਤੇ ਇਕ-ਦੂਜੇ ’ਤੇ ਲਗਾਏ ਗਏ ਵਾਧੂ ਟੈਰਿਫ ਵਿਚੋਂ ਜ਼ਿਆਦਾਤਰ ’ਤੇ 90 ਦਿਨਾਂ ਦੀ ਰੋਕ ਲਗਾਉਣ ਲਈ ਸਹਿਮਤ ਹੋਏ ਹਨ। ਅਮਰੀਕਾ ਨੇ ਚੀਨ ਦੇ ਸਮਾਨ ’ਤੇ 145 ਫ਼ੀਸਦ ਟੈਰਿਫ ਨੂੰ ਘਟਾ ਕੇ 30 ਫ਼ੀਸਦ ਕਰਨ ਜਦਕਿ ਚੀਨ ਨੇ ਅਮਰੀਕੀ ਵਸਤਾਂ ’ਤੇ ਟੈਕਸ ਘਟਾ ਕੇ 10 ਫ਼ੀਸਦ ਕਰਨ ’ਤੇ ਸਹਿਮਤੀ ਜਤਾਈ ਹੈ।

ਪੀ. ਐੱਮ. ਮੋਦੀ ਨੇ ਅੱਜ ਦੇਸ਼ ਨੂੰ ਸੰਬੋਧਨ ਵਿਚ ਵਿਸ਼ਵ ਭਾਈਚਾਰੇ ਨੂੰ ਵੀ ਸਪੱਸ਼ਟ ਸੰਦੇਸ਼ ਦਿੱਤਾ, ਉਨ੍ਹਾਂ ਕਿਹਾ ਕਿ ਭਾਰਤ ਦਾ ਮਤ ਇਕਦਮ ਸਪੱਸ਼ਟ ਹੈ ਅੱਤਵਾਦ ਅਤੇ ਗੱਲਬਾਤ ਨਾਲ-ਨਾਲ ਨਹੀਂ ਚੱਲ ਸਕਦੇ, ਨਾ ਟੇਰਰ ਅਤੇ ਟ੍ਰੇਡ ਇਕੱਠੇ ਚਲ ਸਕਦੇ ਨੇ। ਇਸ ਦੌਰਾਨ ਉਨ੍ਹਾਂ ਪਾਕਿਸਤਾਨ ਦਾ ਪਾਣੀ ਬੰਦ ਕਰਨ 'ਤੇ ਵੀ ਟਿੱਪਣੀ ਕੀਤੀ।

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਅੱਜ ਇੱਕ ਬਿਆਨ ਵਿਚ ਕਿਹਾ ਕਿ ਪਾਕਿਸਤਾਨ ਅਤੇ ਭਾਰਤ ਦੋਵੇਂ ਪ੍ਰਮਾਣੂੰ ਸੰਪੰਨ ਮੁਲਕਾਂ ਵਿਚਕਾਰ ਸ਼ਨੀਵਾਰ ਨੂੰ ਉਨ੍ਹਾਂ ਦੇ ਪ੍ਰਸ਼ਾਸਨ ਨੇ ਤੁਰੰਤ ਸੀਜ਼ਫਾਇਰ ਕਰਵਾਉਣ ਵਿਚ ਮਦਦ ਕੀਤੀ। ਟਰੰਪ ਨੇ ਕਿਹਾ ਕਿ ਮੈਂ ਕਿਹਾ ਕਿ ਚਲੋ ਅਸੀਂ ਤੁਹਾਡੇ ਨਾਲ ਬਹੁਤ ਸਾਰਾ ਵਪਾਰ ਕਰਨ ਜਾ ਰਹੇ ਹਾਂ ਜੰਗ ਨੂੰ ਰੋਕੋ। ਜੇ ਤੁਸੀਂ ਇਸ ਨੂੰ ਨਹੀਂ ਰੋਕਦੇ ਤਾਂ ਅਸੀਂ ਕੋਈ ਵਪਾਰ ਨਹੀਂ ਕਰਾਂਗੇ।

ਐਲਬਰਟਾ ਦੇ ਕੈਨੇਡਾ ਤੋਂ ਵੱਖ ਹੋਣ ਦੇ ਵਿਚਾਰ ਦਾ ਬਹੁਤ ਸਾਰੇ ਸੂਬਾ ਵਾਸੀਆਂ ਵਲੋਂ ਵਿਰੋਧ ਹੋ ਰਿਹਾ ਹੈ ਜਦਕਿ ਕਈ ਇਸ ਦੇ ਹੱਕ ਵਿਚ ਹਨ।ਸੂਬੇ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਵਲੋਂ ਦੋ ਹਫਤੇ ਪਹਿਲਾਂ ਇਸ ਨਾਲ ਸਬੰਧਤ ਬਿੱਲ ਪੇਸ਼ ਕੀਤਾ ਗਿਆ ਹੈ, ਜਿਸ ਨਾਲ ਦੇਸ਼ ਤੋਂ ਵੱਖ ਹੋਣ ਲਈ ਰਿਫਰੈਂਡਮ ਕਰਵਾਉਣ ਦਾ ਰਾਹ ਸੌਖਾ ਹੋਵੇਗਾ।

ਸੈਂਟਰਲ ਐਡਮਿੰਟਨ ਵਿਚ ਸ਼ਨੀਵਾਰ ਵਾਪਰੇ ਸਕਾਈਡਾਈਵਿੰਗ ਹਾਦਸੇ ਵਿਚ ਐਡਮਿੰਟਨ ਦੇ 56 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ। ਵੈਸਟ ਐਡਮਿੰਟਨ ਨੇੜਲੀ ਓਨੋਵੇ ਕਮਿਊਨਿਟੀ ਦੇ ਟਾਊਨਸ਼ਿਪ ਰੋਡ 540 ਕੋਲ ਇਹ ਹਾਦਸਾ ਸਵੇਰੇ ਕਰੀਬ 10 ਵਜੇ ਵਾਪਰਿਆ। ਪੁਲਿਸ ਨੂੰ ਜਦ ਹਾਦਸੇ ਸਬੰਧੀ ਜਾਣਕਾਰੀ ਮਿਲੀ ਤਾਂ ਉਹ ਮਦਦ ਲਈ ਪੁੱਜੇ ਪਰ ਤਦ ਤੱਕ ਵਿਅਕਤੀ ਦੀ ਮੌਤ ਹੋ ਚੁੱਕੀ ਸੀ।

ਕੈਨੇਡਾ ਦੀ ਵਿਸ਼ਵ ਜੂਨੀਅਰ ਹਾਕੀ ਟੀਮ ਨਾਲ ਸਬੰਧਤ ਜਿਨਸੀ ਹਮਲੇ ਟਰਾਇਲ ਵਿਚ ਅੱਜ ਵੀ ਪੰਜ ਸਾਬਕਾ ਖਿਡਾਰੀਆਂ ਦੇ ਵਕੀਲਾਂ ਵਲੋਂ ਸ਼ਿਕਾਇਤਕਰਤਾ ਲੜਕੀ ਦੇ ਬਿਆਨਾਂ ਦਾ ਕਰਾਸ ਇਗਜਾਮੀਨੇਸ਼ਨ ਕੀਤਾ ਗਿਆ, ਐਲੇਕਸ ਫੋਰਮੈਂਟਨ ਦੇ ਵਕੀਲ ਡੈਨ ਬ੍ਰਾਊਨ ਨੇ ਦਲੀਲ ਦਿੱਤੀ ਕਿ ਈ. ਐੱਮ. ਜੋ ਕਿ ਲੜਕੀ ਦਾ ਕਾਲਪਨਿਕ ਨਾਮ ਹੈ ਉਸ ਨੇ ਫੋਰਮੈਂਟਨ ਨੂੰ ਸੰਬਧ ਬਣਾਉਣ ਲਈ ਬਾਥਰੂਮ ਵਿਚ ਖਿੱਚਿਆ ਸੀ। ਈ. ਐੱਮ. ਨੇ ਕਿਹਾ ਕਿ ਮੈਨੂੰ ਅਜਿਹਾ ਕੁਝ ਯਾਦ ਨਹੀਂ।

ਕੈਨੇਡਾ ਦੀ ਸੱਤਧਾਰੀ ਲਿਬਰਲ ਪਾਰਟੀ ਨਿਆਂਇਕ ਪੁਨਰਗਣਨਾ ਵਿਚ ਕਿਊਬੈਕ ਦੀ ਟੈਰੇਬੋਨ ਰਾਈਡਿੰਗ ਤੋਂ ਮਾਤਰ 1 ਵੋਟ ਦੇ ਫਰਕ ਨਾਲ ਜਿੱਤਣ ਮਗਰੋਂ ਬਹੁਮਤ ਦੇ ਕਰੀਬ 170 ਸੀਟਾਂ 'ਤੇ ਪਹੁੰਚ ਗਈ ਹੈ। ਇਹ ਐਲਾਨ ਅਜਿਹੇ ਸਮੇਂ ਆਇਆ ਹੈ ਜਦੋਂ ਕਈ ਹੋਰ ਸੀਟਾਂ ਵਿਚ ਦੁਬਾਰਾ ਗਿਣਤੀ ਚੱਲ ਰਹੀ ਹੈ, ਇਨ੍ਹਾਂ ਵਿਚ ਓਨਟਾਰੀਓ ਦੀਆਂ ਦੋ ਰਾਈਡਿੰਗਸ ਵੀ ਸ਼ਾਮਲ ਹਨ।