News

ਐਲਬਰਟਾ ਸਰਕਾਰ ਨੇ ਤੇਲ ਅਤੇ ਗੈਸ ਇੰਡਸਟਰੀ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਸੂਬੇ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਉਦਯੋਗਿਕ ਕਾਰਬਨ ਦੀ ਕੀਮਤ ਨੂੰ ਤੁਰੰਤ ਪ੍ਰਭਾਵ ਨਾਲ 95-ਡਾਲਰ ਪ੍ਰਤੀ ਟਨ 'ਤੇ ਸੀਮਤ ਕਰ ਦਿੱਤਾ ਹੈ। ਦੱਸ ਦਈਏ ਕਿ ਅਗਲੇ ਸਾਲ ਉਦਯੋਗਿਕ ਕਾਰਬਨ ਦੀ ਕੀਮਤ 110 ਡਾਲਰ ਤਕ ਵਧਣਾ ਸੀ ਅਤੇ ਇਸੇ ਤਰ੍ਹਾਂ ਵੱਧਦਾ ਹੋਇਆ 2030 ਤੱਕ ਇਸ ਨੂੰ ਪ੍ਰਤੀ ਟਨ 170 ਡਾਲਰ ਤੱਕ ਵਧਾਇਆ ਜਾਣਾ ਸੀ।

ਸਟੈਟਿਸਟਿਕਸ ਕੈਨੇਡਾ ਅਨੁਸਾਰ ਅਪ੍ਰੈਲ ਦੇ ਸ਼ੁਰੂਆਤੀ ਅੰਕੜੇ ਦਰਸਾਉਂਦੇ ਹਨ ਕਿ ਕੈਨੇਡੀਅਨ ਨਿਵਾਸੀਆਂ ਵੱਲੋਂ ਅਮਰੀਕਾ ਤੋਂ ਵਾਪਸੀ ਯਾਤਰਾਵਾਂ ਵਿਚ ਤਿੱਖੀ ਗਿਰਾਵਟ ਦਰਜ ਹੋਈ ਹੈ।

ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਵੀਕਐਂਡ 'ਤੇ ਕੋਕੀਹਾਲਾ ਹਾਈਵੇਅ 'ਤੇ ਦੋ ਵਾਹਨਾਂ ਵਿਚਕਾਰ ਹੋਏ ਹਾਦਸੇ ਵਿਚ ਉਨ੍ਹਾਂ ਦੀ ਇੱਕ ਗੱਡੀ ਸ਼ਾਮਲ ਹੋਣ ਦੀ ਪੁਸ਼ਟੀ ਕੀਤੀ ਹੈ, ਜਿਸ ਕਾਰਨ ਹਾਈਵੇ 9 ਘੰਟੇ ਬੰਦ ਰਿਹਾ ਸੀ। ਪੁਲਿਸ ਨੇ ਕਿਹਾ ਕਿ ਇਹ ਹਾਦਸਾ ਸ਼ਨੀਵਾਰ ਸਵੇਰ ਇੱਕ ਬਿਨਾਂ ਨਿਸ਼ਾਨ ਵਾਲੇ ਪੁਲਿਸ ਪਿਕਅੱਪ ਟਰੱਕ ਅਤੇ ਇੱਕ ਹੋਰ ਪਿਕਅੱਪ ਗੱਡੀ ਵਿਚਕਾਰ ਵਾਪਰਿਆ, ਇਹ ਦੋਵੇਂ ਵਾਹਨ ਨੌਰਥ ਵਿਚ ਕੈਮਲੂਪਸ ਵੱਲ ਜਾ ਰਹੇ ਸਨ।

ਐਲਬਰਟਾ ਦੀ ਅਸੈਬਲੀ ਆਫ ਫਰਸਟ ਨੇਸ਼ਨ ਦੀ ਚੀਫ ਨੇ ਸੂਬੇ ਦੇ ਵੱਖ ਹੋਣ ਦੇ ਮੁੱਦੇ ਨੂੰ ਗੈਰ-ਜ਼ਿੰਮੇਵਾਰ ਰਵੱਈਆ ਠਹਿਰਾਇਆ ਹੈ।ਉਨ੍ਹਾਂ ਕਿਹਾ ਕਿ ਸੂਬੇ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਰਿਫਰੈਂਡਮ ਨੂੰ ਸੌਖਾ ਕਰਨ ਵਾਲਾ ਬਿੱਲ ਪੇਸ਼ ਕਰਕੇ ਗਲਤ ਕਦਮ ਚੁੱਕਿਆ ਹੈ।

ਚੀਨ ਅਤੇ ਸੰਯੁਕਤ ਰਾਜ ਅਮਰੀਕਾ ਵਲੋਂ ਟਰੇਡ ਵਾਰ ਵਿਚ 90 ਦਿਨਾਂ ਦੇ ਵਿਰਾਮ ਦੀ ਘੋਸ਼ਣਾ ਮਗਰੋਂ ਅਮਰੀਕੀ ਸ਼ੇਅਰ ਬਾਜ਼ਾਰ ਵਿਚ ਸੋਮਵਾਰ ਨੂੰ ਤੇਜ਼ੀ ਦਰਜ ਕੀਤੀ ਗਈ। ਡਾਓ ਜੋਨਸ ਨੇ ਕਾਰੋਬਾਰ ਦੌਰਾਨ 1,000 ਤੋਂ ਵੱਧ ਅੰਕ ਦਾ ਉਛਾਲ ਲਗਾਇਆ, ਇਸ ਦੌਰਾਨ S&P 500 ਵਿਚ ਤਿੰਨ ਫੀਸਦੀ ਅਤੇ ਨੈਸਡੈਕ ਕੰਪੋਜ਼ਿਟ ਵਿਚ 4 ਫੀਸਦੀ ਤੋਂ ਵੱਧ ਦੀ ਤੇਜ਼ੀ ਸੀ।

ਨੌਰਥ ਵੈਨਕੂਵਰ ਵਿੱਚ ਸ਼ਨੀਵਾਰ ਨੂੰ ਇੱਕ ਸੀਨੀਅਰਸ ਕੰਪਲੈਕਸ ਵਿੱਚ ਅੱਗ ਲੱਗ ਗਈ ਸੀ। ਲਿਨ ਵੈਲੀ ਅਪਾਰਟਮੈਂਟ ਕੰਪਲੈਕਸ ਅੱਗ ਦੀ ਚਪੇਟ 'ਚ ਆ ਗਿਆ ਸੀ। ਇਸ ਸੰਬੰਧੀ ਨੌਰਥ ਵੈਨਕੂਵਰ ਦੇ ਫਾਇਰ ਚੀਫ਼ ਮਾਈਕ ਡੈਂਕਸ ਦਾ ਕਹਿਣਾ ਹੈ ਕਿ ਅੱਗ 'ਤੇ ਕਾਬੂ ਪਾਉਣ ਲਈ ਨੌਰਥ ਸ਼ੋਰ ਦੇ ਤਕਰੀਬਨ ਸਾਰੇ ਫਾਇਰ ਕਰੂ ਨੂੰ ਮੁਸ਼ੱਕਤ ਕਰਨੀ ਪਈ।

ਵੈਨਕੂਵਰ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਬੀਤੇ ਕੱਲ੍ਹ ਮਿਲੀ ਬੰਬ ਸੰਬੰਧੀ ਜਾਣਕਾਰੀ 'ਤੇ ਰਿਚਮੰਡ ਆਰ.ਸੀ.ਐਮ.ਪੀ. ਨੇ ਆਖਿਆ ਹੈ ਕਿ ਜਾਣਕਾਰੀ ਗਲਤ ਸੀ। ਇਸ ਸੰਬੰਧੀ ਜਾਣਕਾਰੀ ਇੱਕ ਲੋਕਲ ਨਿਊਜ ਏਜੰਸੀ ਅਤੇ ਹਵਾਈ ਅੱਡੇ ਦੇ ਸਟਾਫ਼ ਕੋਲ ਪਹੁੰਚਾਈ ਗਈ ਸੀ। ਪੁਲਿਸ ਨੇ ਆਖਿਆ ਕਿ ਜਾਣਕਾਰੀ ਮਿਲਣ ਤੋਂ ਬਾਅਦ ਇਸ ਨੂੰ ਗੰਭੀਰਤਾ ਨਾਲ ਲਿਆ ਗਿਆ ਸੀ, ਪਰ ਜਾਂਚ ਵਿੱਚ ਕਿਸੇ ਵਿਸਫੋਟਕ ਸਮਗਰੀ ਦੇ ਕੋਈ ਸਬੂਤ ਨਹੀਂ ਮਿਲੇ।

ਅਮਰੀਕਾ ਅਤੇ ਚੀਨ ਨੇ ਇਕ ਦੂਜੇ ’ਤੇ ਟੈਰਿਫ ਘਟਾ ਦਿੱਤਾ ਹੈ ਅਤੇ ਇਕ-ਦੂਜੇ ’ਤੇ ਲਗਾਏ ਗਏ ਵਾਧੂ ਟੈਰਿਫ ਵਿਚੋਂ ਜ਼ਿਆਦਾਤਰ ’ਤੇ 90 ਦਿਨਾਂ ਦੀ ਰੋਕ ਲਗਾਉਣ ਲਈ ਸਹਿਮਤ ਹੋਏ ਹਨ। ਅਮਰੀਕਾ ਨੇ ਚੀਨ ਦੇ ਸਮਾਨ ’ਤੇ 145 ਫ਼ੀਸਦ ਟੈਰਿਫ ਨੂੰ ਘਟਾ ਕੇ 30 ਫ਼ੀਸਦ ਕਰਨ ਜਦਕਿ ਚੀਨ ਨੇ ਅਮਰੀਕੀ ਵਸਤਾਂ ’ਤੇ ਟੈਕਸ ਘਟਾ ਕੇ 10 ਫ਼ੀਸਦ ਕਰਨ ’ਤੇ ਸਹਿਮਤੀ ਜਤਾਈ ਹੈ।

ਪੀ. ਐੱਮ. ਮੋਦੀ ਨੇ ਅੱਜ ਦੇਸ਼ ਨੂੰ ਸੰਬੋਧਨ ਵਿਚ ਵਿਸ਼ਵ ਭਾਈਚਾਰੇ ਨੂੰ ਵੀ ਸਪੱਸ਼ਟ ਸੰਦੇਸ਼ ਦਿੱਤਾ, ਉਨ੍ਹਾਂ ਕਿਹਾ ਕਿ ਭਾਰਤ ਦਾ ਮਤ ਇਕਦਮ ਸਪੱਸ਼ਟ ਹੈ ਅੱਤਵਾਦ ਅਤੇ ਗੱਲਬਾਤ ਨਾਲ-ਨਾਲ ਨਹੀਂ ਚੱਲ ਸਕਦੇ, ਨਾ ਟੇਰਰ ਅਤੇ ਟ੍ਰੇਡ ਇਕੱਠੇ ਚਲ ਸਕਦੇ ਨੇ। ਇਸ ਦੌਰਾਨ ਉਨ੍ਹਾਂ ਪਾਕਿਸਤਾਨ ਦਾ ਪਾਣੀ ਬੰਦ ਕਰਨ 'ਤੇ ਵੀ ਟਿੱਪਣੀ ਕੀਤੀ।