News

ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਪਾਕਿਸਤਾਨ ਵਿਚ ਅੱਤਵਾਦ ਖਿਲਾਫ ਕਦਮ ਚੁੱਕਣ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਸ਼ਲਾਘਾ ਕੀਤੀ ਹੈ। ਉਨ੍ਹਾਂ ਸੋਸ਼ਲ ਮੀਡੀਆ ਪੋਸਟ ਵਿਚ ਕਿਹਾ ਕਿ ਪਾਕਿਸਤਾਨ ਵਿਚ ਅੱਵਾਦੀਆਂ ਤੇ ਉਨ੍ਹਾਂ ਦੀ ਪੁਸ਼ਤਪਨਾਹੀ ਕਰਨ ਵਾਲਿਆਂ ਨੂੰ ਕਰਾਰੀ ਹਾਰ ਦੇਣ ’ਤੇ ਜਿੱਥੇ ਮੈਂ ਦੇਸ਼ ਵਾਸੀਆਂ ਖਾਸ ਤੌਰ ’ਤੇ ਸਾਡੀਆਂ ਹਥਿਆਰਬੰਦ ਸੈਨਾਵਾਂ ਨੂੰ ਵਧਾਈ ਦਿੰਦਾ ਹਾਂ।

ਪੰਜਾਬ ਵਿਚ ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਮਜੀਠਾ ਇਲਾਕੇ ਵਿਚ ਜ਼ਹਿਰੀਲੀ ਸ਼ਰਾਬ ਪੀਣ ਨਾਲ 21 ਲੋਕਾਂ ਦੀ ਮੌਤ ਹੋ ਗਈ ਹੈ, ਜਦੋਂ ਕਿ 9 ਲੋਕਾਂ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ ਅਤੇ ਉਹਨਾਂ ਦਾ ਅੰਮ੍ਰਿਤਸਰ ਦੇ ਸਰਕਾਰੀ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ। 4 ਦੀ ਹਾਲਤ ਇੰਨੀ ਗੰਭੀਰ ਹੈ ਕਿ ਉਹ ਬੋਲਣ ਦੀ ਸਥਿਤੀ ਵਿਚ ਨਹੀਂ ਹਨ। ਪੁਲਿਸ ਨੇ ਜ਼ਹਿਰੀਲੀ ਸ਼ਰਾਬ ਵੇਚਣ ਦੇ ਦੋਸ਼ ਵਿਚ ਹੁਣ ਤੱਕ 9 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।

ਬੀ. ਸੀ. ਦੇ ਪੱਟੂਲੋ ਪੁਲ ਨੂੰ ਲੰਬੇ ਵੀਕਐਂਡ ਦੌਰਾਨ ਪੂਰੀ ਤਰ੍ਹਾਂ ਬੰਦ ਕੀਤਾ ਜਾ ਰਿਹਾ ਹੈ। ਇਹ ਸ਼ੁੱਕਰਵਾਰ ਯਾਨੀ 16 ਮਈ ਨੂੰ ਰਾਤ 9 ਵਜੇ ਤੋਂ ਲਾਗੂ ਹੋਵੇਗਾ ਅਤੇ ਮੰਗਲਵਾਰ 20 ਮਈ ਨੂੰ ਸਵੇਰੇ 5 ਵਜੇ ਦੁਬਾਰਾ ਖੁੱਲ੍ਹੇਗਾ। ਫਰੇਜ਼ਰ ਕਰਾਸਿੰਗ ਪਾਰਟਨਰਜ਼ ਨੇ ਇੱਕ ਨੋਟਿਸ ਵਿਚ ਕਿਹਾ ਕਿ ਸੜਕਾਂ ਦੇ ਨਾਲ ਕੰਮ ਕੀਤਾ ਜਾਣਾ ਹੈ ਜਿਸ ਕਾਰਨ ਪੁਲ ਦਾ ਰਸਤਾ ਬੰਦ ਹੋਵੇਗਾ।

ਕੈਨੇਡਾ ਵਿਚ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਨਵੀਂ ਸਰਕਾਰ ਦਾ ਮੰਗਲਵਾਰ ਨੂੰ ਗਠਨ ਹੋ ਗਿਆ ਹੈ। ਰਿਡੋ ਹਾਲ ਵਿਖੇ ਅੱਜ ਗਵਰਨਰ ਜਨਰਲ ਮੈਰੀ ਸਾਈਮਨ ਵਲੋਂ ਨਵੇਂ ਮਿਨਿਸਟਰ ਅਤੇ ਜਿਨ੍ਹਾਂ ਮੰਤਰੀਆਂ ਦਾ ਪੋਰਟਫੋਲੀਓ ਬਦਲਿਆ ਹੈ ਉਨ੍ਹਾਂ ਨੂੰ ਸੁਹੰ ਚੁਕਾਈ ਗਈ। ਕਾਰਨੀ ਦੀ ਨਵੀਂ ਕੈਬਨਿਟ ਵਿਚ ਹੁਣ 28 ਮੰਤਰੀ ਹਨ। ਇਨ੍ਹਾਂ ਵਿਚੋਂ 13 ਪਹਿਲੀ ਵਾਰ ਚੁਣ ਕੇ ਆਏ ਸਾਂਸਦ ਹਨ ਅਤੇ ਇਸ ਤੋਂ ਇਲਾਵਾ 10 ਜੂਨੀਅਰ ਮੰਤਰੀ ਬਣਾਏ ਗਏ ਹਨ।

ਨੌਰਥ ਐਡਮਿੰਟਨ ਦੇ ਜੰਗਲੀ ਇਲਾਕੇ ਵਿਚ ਲੱਗੀ ਬੇਕਾਬੂ ਅੱਗ ਨੂੰ ਫਾਇਰ ਫਾਈਟਰਜ਼ ਕੰਟਰੋਲ ਕਰ ਰਹੇ ਹਨ ਅਤੇ ਲੋਕਾਂ ਨੂੰ ਜਲਦੀ ਹੀ ਘਰ ਵਾਪਸੀ ਲਈ ਔਫੀਸ਼ੀਅਲਜ਼ ਵਲੋਂ ਯੋਜਨਾ ਬਣਾਈ ਜਾ ਰਹੀ ਹੈ। ਸਟਰਜਨ ਕਾਊਂਟੀ ਦੇ ਔਫੀਸ਼ੀਅਲਜ਼ ਮੁਤਾਬਕ 32-ਵਰਗ ਕਿਲੋਮੀਟਰ ਇਸ ਮਹੀਨੇ ਅੱਗ ਵਿਚ ਝੁਲਸਿਆ। ਇੱਥੇ ਵਾਹਨ ਵਿਚ ਖਰਾਬੀ ਆਉਣ ਕਾਰਨ ਅੱਗ ਲੱਗ ਗਈ ਸੀ।

ਬੀ. ਸੀ. ਸਰਕਾਰ ਦੇ ਤਾਜ਼ਾ ਬਰਫ ਸਰਵੇਖਣ ਅਤੇ ਪਾਣੀ ਦੀ ਸਪਲਾਈ ਬੁਲੇਟਿਨ ਵਿਚ ਸੋਕੇ ਦੀ ਚਿੰਤਾ ਜਤਾਈ ਗਈ ਹੈ, ਅਜਿਹਾ ਘੱਟ ਬਰਫ਼ਬਾਰੀ, ਸਮੇਂ ਤੋਂ ਪਹਿਲਾਂ ਬਰਫ ਪਿਘਲਣਾ ਅਤੇ ਗਰਮ ਮੌਸਮ ਦੀ ਭਵਿੱਖਬਾਣੀ ਦੇ ਮੱਦੇਨਜ਼ਰ ਕਿਹਾ ਗਿਆ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ 1 ਮਈ ਨੂੰ ਸਨੋਪੈਕ ਨੌਰਮਲ ਦੇ ਮੁਕਾਬਲੇ 71 ਫੀਸਦੀ ਰਿਹਾ, ਜੋ 1 ਅਪ੍ਰੈਲ ਦੇ 79 ਫੀਸਦੀ ਤੋਂ ਘਟਿਆ ਹੈ।

ਉੱਤਰ-ਪੱਛਮੀ ਐਲਬਰਟਾ ਦੇ ਕਲੀਅਰ ਹਿਲਜ਼ ਕਾਉਂਟੀ ਇਲਾਕੇ ਵਿਚ ਬੀਤੀ ਰਾਤ ਲਾਪਤਾ ਹੋਇਆ ਦੋ ਸਾਲਾ ਬੱਚਾ ਸੁਰੱਖਿਅਤ ਮਿਲ ਗਿਆ ਹੈ। ਖੋਜ ਅਤੇ ਬਚਾਅ ਹੈਲੀਕਾਪਟਰ ਟੀਮ ਨੇ ਉਸ ਦਾ ਪਤਾ ਲਗਾਇਆ। ਉਹ ਘਰ ਤੋਂ ਕਰੀਬ 1 ਕਿਲੋਮੀਟਰ ਦੂਰ ਚਲਾ ਗਿਆ ਸੀ। ਗ੍ਰੈਂਡ ਪ੍ਰੈਰੀ ਪੁਲਿਸ ਨੂੰ ਐਤਵਾਰ ਰਾਤ ਕਰੀਬ 10.25 ਵਜੇ ਬੱਚੇ ਦੇ ਲਾਪਤਾ ਹੋਣ ਦੀ ਰਿਪੋਰਟ ਮਿਲੀ ਸੀ। ਬਹੁਤ ਸਾਰੇ ਪੁਲਿਸ ਅਧਿਕਾਰੀ ਅਤੇ ਸਰਚ ਟੀਮਾਂ ਉਸ ਨੂੰ ਲੱਭਣ ਲਈ ਲੱਗੀਆਂ ਰਹੀਆਂ।

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਮਿਡਲ ਈਸਟ ਦੇ 4 ਦਿਨਾਂ ਦੌਰੇ ਦੇ ਪਹਿਲੇ ਦਿਨ ਅੱਜ ਸਾਊਦੀ ਅਰਬ ਪਹੁੰਚੇ,ਜਿੱਥੇ ਰਿਆਦ ਵਿਚ ਕ੍ਰਾਊਨ ਪ੍ਰਿੰਸ ਮੁਹੰਮਦ ਬਿਨ ਸਲਮਾਨ ਨੇ ਉਨ੍ਹਾਂ ਦਾ ਸ਼ਾਹੀ ਸਵਾਗਤ ਕੀਤਾ। ਟਰੰਪ ਦਾ ਇਹ ਆਪਣੇ ਦੂਜੇ ਕਾਰਜਕਾਲ ਦਾ ਪਹਿਲਾ ਵੱਡਾ ਡਿਪਲੋਮੈਟਿਕ ਦੌਰਾ ਹੈ,ਉਨ੍ਹਾਂ ਦੇ ਨਾਲ ਈਲੋਨ ਮਸਕ ਅਤੇ ਹੋਰ ਵੀਆਈਪੀਜ਼ ਵੀ ਹਨ।

ਐਲਬਰਟਾ ਵਿਚ ਬੀਤੇ ਦਿਨ ਖਸਰੇ ਦੇ ਨਵੇਂ 39 ਮਾਮਲੇ ਦਰਜ ਹੋਣ ਨਾਲ ਸੂਬੇ ਵਿਚ ਇਸ ਨਾਲ ਪੀੜਤਾਂ ਦੀ ਗਿਣਤੀ 365 ਹੋ ਗਈ ਹੈ, ਜਿਨ੍ਹਾਂ ਵਿਚੋਂ 14 ਹੋਰਾਂ ਨੂੰ ਤੇਜ਼ੀ ਨਾਲ ਬੀਮਾਰ ਕਰ ਸਕਦੇ ਹਨ। ਇਨ੍ਹਾਂ ਵਿਚੋਂ 30 ਦੱਖਣੀ ਖੇਤਰ,3 ਸੈਂਟਰਲ ਐਲਬਰਟਾ ਅਤੇ 6 ਨੌਰਥ ਤੋਂ ਦਰਜ ਹੋਏ ਹਨ।