News

Alberta NDP leader Naheed Nenshi is looking to finally win a seat in the legislature after a year of sitting on the sidelines. He's running in one of three provincial byelections today as a candidate in Edmonton-Strathcona, where his predecessor Rachel Notley last won 80 per cent of the vote.

ਈਸਟਰਨ ਐਲਬਰਟਾ ਵਿਚ ਸ਼ਨੀਵਾਰ ਛੋਟਾ ਜਹਾਜ਼ ਕ੍ਰੈਸ਼ ਹੋਣ ਕਾਰਨ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ। ਇਹ ਕ੍ਰੈਸ਼ ਦੁਪਹਿਰ ਕਰੀਬ 12.30 ਵਜੇ ਵਰਮਿਲੀਅਨ ਏਅਰਪੋਰਟ ਤੋਂ 1.2 ਕਿਲੋਮੀਟਰ ਦੀ ਦੂਰੀ 'ਤੇ ਹੋਇਆ। ਇਸ ਵਿਚ ਇਕ ਮਹਿਲਾ ਪਾਈਲਟ ਅਤੇ ਯਾਤਰੀ ਸਵਾਰ ਸਨ। ਸਲੇਵ ਲੇਕ ਦੀ ਰਹਿਣ ਵਾਲੀ 46 ਸਾਲਾ ਪਾਈਲਟ ਅਤੇ ਮੈਨਵਿਲ ਦੇ ਰਹਿਣ ਵਾਲੇ 76 ਸਾਲਾ ਵਿਅਕਤੀ ਦੀ ਇਸ ਦੌਰਾਨ ਮੌਤ ਹੋ ਗਈ। ਵਰਮਿਲੀਅਨ ਦੇ ਡਿਪਟੀ ਮੇਅਰ ਜੋਸ਼ੂਆ ਰੇਮੈਂਟ ਨੇ ਇਸ ਹਾਦਸੇ 'ਤੇ ਦੁੱਖ ਸਾਂਝਾ ਕੀਤਾ ਹੈ। ਵਲੰਟੀਅਰ ਫਾਇਰਫਾਈਟਰਜ਼ ਨੇ ਪੁਲਿਸ ਅਤੇ ਪੈਰਾਮੈਡਿਕਸ ਨਾਲ ਮਿਲ ਕੇ ਮਦਦ ਕੀਤੀ। ਟ੍ਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਵਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਇਜ਼ਰਾਇਲ ਨੇ ਈਰਾਨ ਦੇ ਫੋਰਡੋ ਪ੍ਰਮਾਣੂ ਸਥਾਨ 'ਤੇ ਹਮਲਾ ਕੀਤਾ ਹੈ। ਇਹ ਉਨ੍ਹਾਂ ਤਿੰਨ ਸਾਈਟ ਵਿਚੋਂ ਇੱਕ ਜਿਨ੍ਹਾਂ 'ਤੇ ਬੀਤੇ ਦਿਨੀਂ ਅਮਰੀਕਾ ਨੇ ਬੰਬ ਸੁੱਟੇ ਸਨ। ਇਜ਼ਰਾਈਲ ਨੇ ਈਰਾਨ ਦੇ 6 ਹਵਾਈ ਅੱਡਿਆਂ 'ਤੇ ਵੀ ਡਰੋਨ ਹਮਲੇ ਕੀਤੇ। ਇਨ੍ਹਾਂ ਵਿਚ ਈਰਾਨ ਦੇ 15 ਲੜਾਕੂ ਜਹਾਜ਼ਾਂ ਅਤੇ ਹੈਲੀਕੌਪਟਰਾਂ ਨੂੰ ਤਬਾਹ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ।

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਬ੍ਰਸੇਲਜ਼ ਵਿਚ ਯੂਰਪੀ ਨੇਤਾ ਨਾਲ ਸਕਿਓਰਟੀ ਅਤੇ ਰੱਖਿਆ ਸਾਂਝੇਦਾਰੀ ਲਈ ਸਮਝੌਤੇ 'ਤੇ ਦਸਤਖਤ ਕਰਨਗੇ। ਉਹ ਬੈਲਜੀਅਮ ਦੇ ਪ੍ਰਧਾਨ ਮੰਤਰੀ ਬਾਰਟ ਡੀ ਵੇਵਰ, ਯੂਰਪੀ ਕੌਂਸਲ ਦੇ ਪ੍ਰਮੁੱਖ ਐਂਟੋਨੀਓ ਕੋਸਟਾ ਅਤੇ ਯੂਰਪੀਅਨ ਕਮਿਸ਼ਨ ਦੀ ਮੁਖੀ ਉਰਸੁਲਾ ਵਾਨ ਡੇਰ ਲੇਅਨ ਨਾਲ ਮੁਲਾਕਾਤ ਕਰਨਗੇ।

ਫੈਡਰਲ ਕੋਰਟ ਆਫ ਅਪੀਲ ਨੇ ਬੀ.ਸੀ. ਦੇ ਇੱਕ ਫਾਰਮ 'ਤੇ ਸ਼ਤੁਰਮੁਰਗਾਂ ਦੇ ਕੱਲ (cull) ਜਾਣੀ ਕਿ ਉਨ੍ਹਾਂ ਨੂੰ ਖਤਮ ਕਰਨ ਦੀ ਸੰਭਾਵੀ ਪ੍ਰੀਕਿਰਿਆ 'ਤੇ ਫਿਲਹਾਲ ਰੋਕ ਲਗਾ ਦਿੱਤੀ ਹੈ। ਕੋਰਟ ਰਿਕਾਰਡ ਦਰਸਾਉਂਦੇ ਹਨ ਕਿ ਅੱਜ ਦੁਪਹਿਰ ਦੇ ਸਮੇਂ ਔਟਵਾ 'ਚ ਇਸ ਸੰਬਧੀ ਫੈਸਲਾ ਲਿਆ ਗਿਆ 400 ਸ਼ਤੁਰਮੁਰਗਾਂ ਦੇ ਕੱਲ ਨੂੰ ਅਪੀਲ ਦੇ ਪੈਂਡਿੰਗ ਹੋਣ ਤਕ ਰੋਕਿਆ ਜਾਵੇ।