News

ਵੈਨਕੂਵਰ ਕੈਨਕਸ ਨੇ ਸ਼ੁੱਕਰਵਾਰ ਨੂੰ ਆਪਣੇ ਜਨਰਲ ਮੈਨੇਜਰ ਪੈਟ੍ਰਿਕ ਐਲਵਿਨ ਨੂੰ ਅਹੁਦੇ ਤੋਂ ਬਰਖਾਸਤ ਕਰ ਦਿੱਤਾ। ਐਨ.ਐਚ.ਐਲ. ਇਤਿਹਾਸ ਦੇ ਪਹਿਲੇ ਸਵੀਡਿਸ਼ ਮੂਲ ਦੇ ਜੀ.ਐੱਮ. ਵਜੋਂ ਪੰਜ ਸੀਜ਼ਨਾਂ ਤੱਕ ਟੀਮ ਦੀ ਕਮਾਨ ਸੰਭਾਲਣ ਵਾਲੇ ਐਲਵਿਨ ਦਾ ਸਫਰ ਮੈਦਾਨ 'ਤੇ ਉਮੀਦ ਮੁਤਾਬਕ ਨਤੀਜੇ ਨਾ ਮਿਲਣ ਕਾਰਨ ਖ਼ਤਮ ਹੋ ਗਿਆ ਹੈ। ਉਨ੍ਹਾਂ ਜਨਵਰੀ 2022 ਵਿਚ ਟੀਮ ਦੀ ਕਮਾਨ ਸੰਭਾਲੀ ਸੀ ਪਰ ਇਸ ਸੀਜ਼ਨ ਦੇ ਨਿਰਾਸ਼ਾਜਨਕ ਪ੍ਰਦਰਸ਼ਨ ਤੋਂ ਬਾਅਦ ਫਰੈਂਚਾਈਜ਼ੀ ਨੇ ਉਨ੍ਹਾਂ ਨੂੰ ਹਟਾਉਣ ਦਾ ਸਖ਼ਤ ਫੈਸਲਾ ਲਿਆ ਹੈ।

ਕੈਨੇਡਾ ਦੇ ਲਗਭਗ 12 ਮਿਲੀਅਨ ਲੋਕਾਂ ਨੂੰ 5 ਜੂਨ ਨੂੰ ਗ੍ਰੋਸਰੀ ਬੈਨੀਫਿੱਟ ਪ੍ਰੋਗਰਾਮ ਦੀ ਵੰਨ-ਟਾਈਮ ਟੌਪ ਅੱਪ ਪੇਮੈਂਟ ਮਿਲੇਗੀ। ਇਹ ਮਾਰਕ ਕਾਰਨੀ ਸਰਕਾਰ ਦੇ ਨਵੇਂ ਕੈਨੇਡਾ ਗ੍ਰੋਸਰੀ ਐਂਡ Essentials ਬੈਨੀਫਿੱਟ ਐਕਟ ਦਾ ਹਿੱਸਾ ਹੈ, ਜੋ ਜੁਲਾਈ ਵਿਚ ਪੁਰਾਣੇ ਜੀ.ਐਸ.ਟੀ. ਰਿਬੇਟ ਪ੍ਰੋਗਰਾਮ ਦੀ ਥਾਂ ਲਵੇਗਾ।

ਐਲਬਰਟਾ ਦੇ ਇੱਕ ਸਕੂਲ ਵਿੱਚ ਵਿਦਿਆਰਥੀਆਂ ਨੂੰ ਗੋਲੀ ਮਾਰਨ ਦੀ ਧਮਕੀ ਦੇਣ ਦੇ ਮਾਮਲੇ ਵਿੱਚ ਇੱਕ ਨੌਜਵਾਨ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਬੁੱਧਵਾਰ ਰਾਤ 10:15 ਵਜੇ ਦੇ ਕਰੀਬ ਉਹਨਾਂ ਨੂੰ ਸੂਚਨਾ ਮਿਲੀ ਕਿ ਇੱਕ ਨੌਜਵਾਨ ਵੱਲੋਂ ਸਟੈਟਲਰ ਦੇ ਵਿਲੀਅਮ ਈ. ਹੇਅ ਸਟੈਟਲਰ ਸੈਕੰਡਰੀ ਸਕੂਲ ਦੇ ਵਿਦਿਆਰਥੀਆਂ ਨੂੰ ਸਨੈਪਚੈਟ ‘ਤੇ ਗੋਲੀ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ।

ਖਡੂਰ ਸਾਹਿਬ ਦੇ ਸੰਸਦ ਮੈਂਬਰ ਅੰਮ੍ਰਿਤਪਾਲ ਸਿੰਘ ਨੂੰ ਰਾਸ਼ਟਰੀ ਸੁਰੱਖਿਆ ਕਾਨੂੰਨ ਦੀ ਮਿਆਦ ਖਤਮ ਹੋਣ ਜਾਣ ਤੋਂ ਬਾਅਦ ਵੀ ਅਸਾਮ ਦੀ ਡਿਬਰੂਗੜ੍ਹ ਜੇਲ੍ਹ ਵਿੱਚ ਹੀ ਰਹਿਣਾ ਪਵੇਗਾ । ਉਸ ਦੀ ਪੰਜਾਬ ਵਾਪਸੀ ਨਹੀਂ ਹੋ ਸਕੇਗੀ। ਹਾਈਕੋਰਟ ਨੇ ਪੰਜਾਬ ਸਰਕਾਰ ਵਲੋਂ ਪਾਈ ਅਰਜ਼ੀ 'ਤੇ ਅੰਤਰਿਮ ਆਦੇਸ਼ ਜਾਰੀ ਕਰਦਿਆਂ ਕਿਹਾ ਕਿ ਅੰਮ੍ਰਿਤਪਾਲ ਸਿੰਘ ਨੂੰ ਨਾ ਸਿਰਫ ਡਿਬਰੂਗੜ੍ਹ ਜੇਲ੍ਹ ਵਿੱਚ ਰੱਖਿਆ ਜਾਵੇਗਾ।

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਦੁਨੀਆ ਦੇ 100 ਸਭ ਤੋਂ ਵੱਡੇ ਨਿਵੇਸ਼ਕਾਂ ਨੂੰ ਸਤੰਬਰ ਵਿਚ ਟੌਰੋਂਟੋ ਵਿਖੇ ਹੋਣ ਵਾਲੀ ਇਨਵੈਸਟ ਇਨ ਕੈਨੇਡੀ ਸਮਿਟ ਵਿਚ ਸ਼ਾਮਲ ਹੋਣ ਲਈ ਸੱਦਾ ਦਿੱਤਾ ਹੈ। ਇਸ ਦਾ ਮਕਸਦ ਕੈਨੇਡਾ ਵਿਚ $1 ਟ੍ਰਿਲੀਅਨ ਦੇ ਗਲੋਬਲ ਨਿਵੇਸ਼ ਨੂੰ ਸੁਰੱਖਿਅਤ ਕਰਨਾ ਹੈ। ਜਾਣਕਾਰੀ ਮੁਤਾਬਕ, ਸੱਦੇ ਗਏ ਨਿਵੇਸ਼ਕਾਂ ਵਿਚ ਬਲੈਕਰੌਕ ਵਰਗੀਆਂ ਨਿੱਜੀ ਨਿਵੇਸ਼ ਫਰਮ ਅਤੇ ਸਿੰਗਾਪੁਰ ਦੀ ਜੀ.ਆਈ.ਸੀ. ਵਰਗੇ ਦੁਨੀਆ ਦੇ ਸਭ ਤੋਂ ਵੱਡੇ Sovereign ਵੈਲਥ ਫੰਡ ਸ਼ਾਮਲ ਹਨ।