News

ਕੈਨੇਡਾ ਸਰਕਾਰ ਵਲੋਂ ਏਆਈ ਚੈਟਬੋਟਸ ਲਈ ਨਵੇਂ ਨਿਯਮ ਬਣਾਏ ਜਾ ਸਕਦੇ ਹਨ। ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਮੰਤਰੀ ਈਵਾਨ ਸੋਲੋਮਨ ਅਤੇ ਨਿਆਂ ਮੰਤਰੀ ਸ਼ੌਨ ਫਰੇਜ਼ਰ ਨੇ ਇਸ ਦੇ ਸੰਕੇਤ ਦਿੱਤੇ ਹਨ। ਇਹ ਕਦਮ ਬੀ. ਸੀ. ਦੇ ਟੰਬਲਰ ਰਿਜ ਵਿਚ ਹੋਈ ਸਮੂਹਿਕ ਗੋਲੀਬਾਰੀ ਮਗਰੋਂ ਚੈਟ ਜੀਪੀਟੀ 'ਤੇ ਹਮਲਵਾਰ ਦੀ ਪੁਰਾਣੀਆਂ ਗਤੀਵਧੀਆਂ ਦਾ ਖੁਲਾਸਾ ਹੋਣ ਤੋਂ ਬਾਅਦ ਉਠਾਇਆ ਜਾ ਰਿਹਾ ਹੈ।

ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਪੂਰੇ ਸੂਬੇ ਵਿਚ ਡਿਸਟ੍ਰੈਕਟਿੰਗ ਡਰਾਈਵਿੰਗ ਅਤੇ ਸੀਟਬੈਲਟ ਕੰਪੇਨ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ। ਇੰਸਪੈਕਟਰ ਬਰਾਇਨ ਡੋਨਾਲਡਸਨ ਮੁਤਾਬਕ, ਇਹ ਕੰਪੇਨ ਮਾਰਚ ਵਿਚ ਸ਼ੁਰੂ ਕੀਤੀ ਜਾ ਰਹੀ ਹੈ ਅਤੇ ਇਨ੍ਹਾਂ ਮਾਮਲਿਆਂ ਵਿਚ ਉਲੰਘਣਾ ਲਈ ਲੋਕਾਂ ਨੂੰ ਭਾਰੀ ਜੁਰਮਾਨੇ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਐਲਬਰਟਾ ਸਰਕਾਰ ਨੇ ਆਪਣੀ ਪ੍ਰੋਵਿਸ਼ੀਅਲ ਪੁਲਿਸ ਸਰਵਿਸ ਦੇ ਗਠਨ ਵੱਲ ਕਦਮ ਵਧਾਇਆ ਹੈ। ਮੰਗਲਵਾਰ ਨੂੰ ਵਿਧਾਨ ਸਭਾ ਦੇ ਸੈਸ਼ਨ ਦੌਰਾਨ ਯੂਨਾਈਟਿਡ ਕੰਜ਼ਰਵੇਟਿਵ ਪਾਰਟੀ ਨੇ ਨਵਾਂ ਬਿੱਲ15 ਪੇਸ਼ ਕੀਤਾ ਹੈ, ਜਿਸ ਦਾ ਮਕਸਦ ਐਲਬਰਟਾ ਸ਼ੈਰਿਫ ਬ੍ਰਾਂਚ ਨੂੰ ਪੁਲਿਸ ਫੋਰਸ ਵਿੱਚ ਤਬਦੀਲ ਕਰਨਾ ਹੈ।

ਕੈਲਗਰੀ ਦੇ ਸਾਊਥ ਵੈਸਟ ਇਲਾਕੇ ਵਿਚ ਪੈਂਦੀ ਮਿਸ਼ਨ ਕਮਿਊਨਿਟੀ ਵਿਚ ਪੁਲਿਸ ਨੇ ਇਕ ਹਿੰਸਕ ਹਮਲੇ ਅਤੇ ਅਗਵਾ ਦੀ ਕੋਸ਼ਿਸ਼ ਨੂੰ ਨਾਕਾਮ ਕਰਦਿਆਂ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। 17 ਫਰਵਰੀ ਨੂੰ ਅੱਧੀ ਰਾਤ ਦੇ ਕਰੀਬ ਇਕ ਪੁਲਿਸ ਔਫੀਸਰ ਨੇ ਫਸਟ ਸਟ੍ਰੀਟ ਅਤੇ 19 ਐਵੇਨਿਊ ਸਾਊਥ ਵੈਸਟ ਦੇ ਚੌਰਾਹੇ ਨੇੜੇ ਤਿੰਨ ਵਿਅਕਤੀਆਂ ਨੂੰ ਇਕ ਨੌਜਵਾਨ 'ਤੇ ਹਮਲਾ ਕਰਦੇ ਦੇਖਿਆ।ਉਹ ਫਰਾਰ ਹੋ ਗਏ ਸਨ ਪਰ ਪੁਲਿਸ ਨੇ ਟਾਇਰ ਡਿਫਲੇਸ਼ਨ ਡਿਵਾਈਸ ਦੀ ਵਰਤੋਂ ਕਰਕੇ ਗੱਡੀ ਨੂੰ ਰੋਕਿਆ।20 ਸਾਲਾਂ ਦੇ ਪੀੜਤ ਨੌਜਵਾਨ ਨੂੰ ਸਥਿਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ।

ਕੈਨੇਡਾ ਸਰਕਾਰ ਨੇ ਕਿਊਬਾ ਵਿਚ ਪੈਦਾ ਹੋਏ ਮਨੁੱਖੀ ਸੰਕਟ ਨਾਲ ਨਜਿੱਠਣ ਲਈ $8 ਮਿਲੀਅਨ ਦੀ ਭੋਜਨ ਸਹਾਇਤਾ ਭੇਜਣ ਦਾ ਐਲਾਨ ਕੀਤਾ ਹੈ। ਵਿਦੇਸ਼ ਮੰਤਰੀ ਅਨੀਤਾ ਅਨੰਦ ਅਤੇ ਅੰਤਰਰਾਸ਼ਟਰੀ ਵਿਕਾਸ ਲਈ ਸੈਕਟਰੀ ਔਫ ਸਟੇਟ ਰਣਦੀਪ ਸਰਾਏ ਨੇ ਦੱਸਿਆ ਕਿ ਇਹ ਫੰਡ ਕਿਊਬਾ ਦੇ ਲੋਕਾਂ ਦੀਆਂ ਤੁਰੰਤ ਲੋੜਾਂ ਨੂੰ ਪੂਰਾ ਕਰਨ ਲਈ ਜਾਰੀ ਕੀਤੇ ਗਏ ਹਨ।