News

ਕੈਨੇਡਾ ਦੇ ਸੰਸਦੀ ਬਜਟ ਅਫਸਰ ਦਾ ਕਹਿਣਾ ਹੈ ਕਿ ਕਾਰਨੀ ਸਰਕਾਰ ਵਲੋਂ ਨਵੇਂ ਘਰਾਂ 'ਤੇ ਜੀ. ਐੱਸ. ਟੀ. ਛੋਟ ਦੇਣ ਦੀ ਯੋਜਨਾ ਨਾਲ ਪਹਿਲੀ ਵਾਰ ਘਰ ਖਰੀਦਣ ਵਾਲਿਆਂ ਨੂੰ ਕੀਮਤ ਵਿਚ ਲਗਭਗ $27,000 ਦੀ ਬਚਤ ਹੋਵੇਗੀ। ਫੈਡਰਲ ਸਰਕਾਰ ਦੇ ਵਿੱਤੀ ਨਿਗਰਾਨੀ ਦੇ ਅਨੁਮਾਨ ਮੁਤਾਬਕ, ਇਸ ਪ੍ਰੋਗਰਾਮ ਦੇ ਲਾਈਫ ਟਾਈਮ ਦੌਰਾਨ 71,000 ਦੇ ਕਰੀਬ ਨਵੇਂ ਬਣੇ ਘਰ ਜੀ. ਐੱਸ. ਟੀ. ਰਾਹਤ ਲਈ ਕੁਆਲਿਟੀ ਹੋਣਗੇ।

ਕੈਨੇਡਾ ਵਲੋਂ ਜੀ-7 ਲਈ ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਦਿੱਤੇ ਸੱਦੇ ਦੇ ਵਿਰੋਧ ਵਿਚ ਸਰੀ-ਨਿਊਟਨ ਤੋਂ ਐਮ.ਪੀ.ਸੁੱਖ ਧਾਲੀਵਾਲ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨਾਲ ਮੁਲਾਕਾਤ ਕਰਨਗੇ। ਇਸ ਹਫ਼ਤੇ ਪ੍ਰਧਾਨ ਮੰਤਰੀ ਨਾਲ ਉਨ੍ਹਾਂ ਦੀ ਮੁਲਾਕਾਤ ਨਿਰਧਾਰਤ ਹੈ।

ਯੂਕੇ ਦੇ ਪ੍ਰਧਾਨ ਮੰਤਰੀ ਐਲਬਰਟਾ ਵਿੱਚ ਜੀ 7 ਤੋਂ ਪਹਿਲਾਂ ਔਟਵਾ ਦਾ ਕਰਨਗੇ ਦੌਰਾਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਕੀਰ ਸਟਾਰਮਰ ਅਗਲੇ ਹਫ਼ਤੇ ਐਲਬਰਟਾ ਵਿੱਚ ਜੀ7 ਸੰਮੇਲਨ ਤੋਂ ਪਹਿਲਾਂ 14 ਤੋਂ 15 ਜੂਨ ਦੇ ਵਿਚਕਾਰ ਔਟਵਾ ਦਾ ਦੌਰਾ ਕਰਨਗੇ।ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਅੱਜ ਸਵੇਰੇ ਇਸ ਦੌਰੇ ਦਾ ਐਲਾਨ ਕੀਤਾ ਹੈ।ਦੌਰੇ ਲਈ ਯਾਤਰਾ ਪ੍ਰੋਗਰਾਮ ਅਜੇ ਜਾਰੀ ਨਹੀਂ ਕੀਤਾ ਗਿਆ ਹੈ।ਦੱਸ ਦੇਈਏ ਕਿ ਕਾਰਨੀ ਨੇ ਆਖਰੀ ਵਾਰ ਮਾਰਚ ਵਿੱਚ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਵਜੋਂ ਆਪਣੀ ਪਹਿਲੀ ਅੰਤਰਰਾਸ਼ਟਰੀ ਯਾਤਰਾ ਦੌਰਾਨ ਲੰਡਨ ਵਿੱਚ ਸਟਾਰਮਰ ਨਾਲ ਮੁਲਾਕਾਤ ਕੀਤੀ ਸੀ।ਇਹ ਦੌਰਾ ਉਸ ਸਮੇਂ ਹੈ ਜਦੋਂ ਕੈਨੇਡਾ ਯੂਰਪੀਅਨ ਸਹਿਯੋਗੀਆਂ ਨਾਲ ਵਪਾਰ ਅਤੇ ਸੁਰੱਖਿਆ ਸਬੰਧਾਂ ਨੂੰ ਮਜ਼ਬੂਤ ​​ਕਰਨਾ ਚਾਹੁੰਦਾ ਹੈ।ਗੌਰਤਲਬ ਹੈ ਕਿ ਐਲਬਰਟਾ ਦੇ ਕਨਾਨਾਸਕਿਸ ਵਿਚ ਅਗਲੇ ਹਫ਼ਤੇ ਜੀ-7 ਬੈਠਕ ਵਿਚ ਕੈਨੇਡਾ -ਭਾਰਤ,ਯੂਕਰੇਨ ਅਤੇ ਮੈਕਸੀਕੋ ਸਮੇਤ ਕਈ ਗੈਰ ਜੀ-7 ਮੈਂਬਰ ਮੁਲਕਾਂ ਦੇ ਲੀਡਰਸ ਦਾ ਸਵਾਗਤ ਕਰੇਗਾ।

ਕੈਨੇਡਾ ਨੇ ਸਟੱਡੀ ਵੀਜ਼ਾ'ਤੇ ਆਏ ਪਾਕਿਸਤਾਨੀ ਨਾਗਰਿਕ ਨੂੰ ਨਿਊਯਾਰਕ ਦੇ ਯਹੂਦੀ ਕੇਂਦਰ 'ਤੇ ਸਮੂਹਿਕ ਗੋਲੀਬਾਰੀ ਦੀ ਸਾਜ਼ਿਸ਼ ਰਚਣ ਦੇ ਮਾਮਲੇ ਵਿਚ ਅਮਰੀਕਾ ਹਵਾਲੇ ਕਰ ਦਿੱਤਾ ਹੈ। ਆਰ.ਸੀ.ਐਮ.ਪੀ.ਨੇ ਪਿਛਲੇ ਸਾਲ ਸਤੰਬਰ ਵਿਚ ਕਿਊਬੈਕ ਵਿਚ ਮੁਹੰਮਦ ਸ਼ਾਹਜ਼ੇਬ ਖਾਨ ਨੂੰ ਗ੍ਰਿਫਤਾਰ ਕੀਤਾ ਸੀ।

ਪੰਜਾਬ ਵਿਚ ਕੋਰੋਨਾ ਸੰਕਰਮਣ ਦੇ ਮਾਮਲਿਆਂ ਵਿਚ ਬੀਤੇ ਇੱਕ ਹਫ਼ਤੇ ਵਿਚ ਤੇਜ਼ੀ ਆਈ ਹੈ। ਸੂਬੇ ਵਿਚ ਸਭ ਤੋਂ ਵੱਧ ਮਾਮਲੇ ਲੁਧਿਆਣਾ ਵਿਚ ਹਨ, ਜਿਥੇ 23 ਮਾਮਲੇ ਆ ਚੁੱਕੇ ਹਨ। ਲੁਧਿਆਣਾ ਵਿਚ ਇਹ ਵਾਧਾ ਅਜਿਹੇ ਸਮੇਂ ਹੋਇਆ ਹੈ ਜਦੋਂ ਜ਼ਿਮਨੀ ਚੋਣ ਦੇ ਚੱਲਦੇ ਰਾਜਨੀਤਕ ਸਰਗਰਮੀਆਂ ਵਧੀਆਂ ਹਨ। ਉਥੇ ਹੀ, ਜਲੰਧਰ ਵਿਚ 6, ਮੋਹਾਲੀ ਵਿਚ ਚਾਰ ਅਤੇ ਫਿਰੋਜ਼ਪੁਰ ਵਿਚ ਦੋ ਮਾਮਲੇ ਸਾਹਮਣੇ ਆਏ ਹਨ।

ਕੈਨੇਡਾ ਦੇ ਵਾਤਾਵਰਣ ਤੇ ਜਲਵਾਯੂ ਪਰਿਵਰਤਨ ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਜ਼ਿਆਦਾਤਰ ਸੂਬਿਆਂ ਵਿਚ ਬਾਰਸ਼ ਦੇ ਪੱਧਰ ਦੀ ਅਨਿਸ਼ਚਿਤਤਾ ਵਿਚਕਾਰ ਇਸ ਵਾਰ ਕੈਨੇਡਾ ਵਿਚ ਆਮ ਨਾਲੋਂ ਵੱਧ ਗਰਮੀ ਪੈਣ ਦੀ ਸੰਭਾਵਨਾ ਹੈ। ਮੌਸਮ ਵਿਗਿਆਨੀ ਜੈਨੀਫਰ ਸਮਿਥ ਦਾ ਕਹਿਣਾ ਹੈ ਕਿ ਐਟਲਾਂਟਿਕ ਕੈਨੇਡਾ, ਕਿਊਬੈਕ, ਓਨਟਾਰੀਓ ਅਤੇ ਉੱਤਰੀ ਮੈਨੀਟੋਬਾ ਵਿਚ ਖਾਸ ਤੌਰ 'ਤੇ ਵਧੇਰੇ ਗਰਮੀ ਪੈਣ ਦੀ ਸੰਭਾਵਨਾ ਹੈ।

ਓਨਟਾਰੀਓ ਦੀ ਪੀਲ ਪੁਲਿਸ ਨੇ ਅੱਜ ਤੱਕ ਦੀ ਕੋਕੀਨ ਦੀ ਸਭ ਤੋਂ ਵੱਡੀ ਖੇਪ ਜ਼ਬਤੀ ਕੀਤੀ ਹੈ, ਜਿਸ ਵਿਚ ਨੌ ਸ਼ੱਕੀ ਚਾਰਜ ਕੀਤੇ ਗਏ ਹਨ। ਇਨ੍ਹਾਂ ਵਿਚ ਜ਼ਿਆਦਾਤਰ ਪੰਜਾਬੀ ਹਨ। ਪੀਲ ਪੁਲਿਸ ਨੇ ਪ੍ਰੋਜੈਕਟ ਪੈਲੀਕਨ ਤਹਿਤ ਨਸ਼ੇ ਦੀ ਤਸਕਰੀ ਕਰਨ ਵਾਲੇ ਇੱਕ ਸੰਗਠਿਤ ਅਪਰਾਧਿਕ ਨੈੱਟਵਰਕ ਦਾ ਪਰਦਾਫਾਸ਼ ਕਰਦੇ ਲਗਭਗ 500 ਕਿਲੋਗ੍ਰਾਮ ਕੋਕੀਨ ਜ਼ਬਤ ਕੀਤੀ, ਜਿਸ ਦੀ ਕੀਮਤ $50 ਮਿਲੀਅਨ ਦੱਸੀ ਜਾਂਦੀ ਹੈ।

ਬੀਸੀ ਵਿਚ ਗਰਮ ਮੌਸਮ ਜਾਰੀ ਰਹਿਣ ਵਿਚਕਾਰ 12 ਹੋਰ ਤਾਪਮਾਨ ਰਿਕਾਰਡ ਟੁੱਟੇ ਹਨ। ਸੋਮਵਾਰ ਲਗਾਤਾਰ ਅਜਿਹਾ ਤੀਜਾ ਦਿਨ ਵੀ ਰਿਹਾ ਜਦੋਂ ਕੈਨੇਡਾ ਦਾ ਸਭ ਤੋਂ ਗਰਮ ਸਥਾਨ ਬੀ.ਸੀ. ਸੀ। ਬੀਤੇ ਕੱਲ ਦੁਪਹਿਰ ਓਸੋਯੂਸ ਵਿਚ ਪਾਰਾ 36.7 ਡਿਗਰੀ ਸੈਲਸੀਅਸ 'ਤੇ ਪਹੁੰਚ ਗਿਆ, ਜੋ ਕਿ ਨਵਾਂ ਇੱਕ ਦਿਨਾਂ ਰਿਕਾਰਡ ਹੈ।

ਈਰਾਨ ਨੇ 2018 ਦੇ ਹਮਲੇ ਤੋਂ ਬਾਅਦ ਗ੍ਰਿਫਤਾਰ ਕੀਤੇ ਗਏ ਇਸਲਾਮਿਕ ਸਟੇਟ ਸਮੂਹ ਦੇ 9 ਅੱਤਵਾਦੀਆਂ ਨੂੰ ਇਕੱਠੇ ਫਾਂਸੀ ਦੇ ਦਿੱਤੀ ਹੈ। ਈਰਾਨੀ ਨਿਆਂਪਾਲਿਕਾ ਦੀ ਨਿਊਜ਼ ਏਜੰਸੀ ਮਿਜ਼ਾਨ ਨੇ ਮੰਗਲਵਾਰ ਨੂੰ ਫਾਂਸੀ ਦੀ ਘੋਸ਼ਣਾ ਕੀਤੀ।