News

ਉੱਤਰ-ਪੂਰਬ ਬੀ.ਸੀ. ਦੇ ਕਿਸਕਾਟੀਨਾਵ ਰਿਵਰ ਇਲਾਕੇ ਵਿਚ ਜੰਗਲੀ ਅੱਗ ਫੈਲਣ ਕਾਰਨ ਨਿਕਾਸੀ ਦੇ ਨਵੇਂ ਹੁਕਮ ਜਾਰੀ ਕੀਤੇ ਗਏ ਹਨ। e ਪੀਸ ਰਿਵਰ ਰੀਜਨਲ ਡਿਸਟ੍ਰਿਕਟ ਨੇ ਅਲਰਟ ਕਰਦਿਆਂ ਦੱਸਿਆ ਕਿ ਆਉਣ ਵਾਲੇ ਦਿਨਾਂ ਵਿਚ ਅੱਗ ਦਾ ਖਤਰਾ ਹੋਰ ਵਧਣ ਵਾਲਾ ਹੈ। ਡਿਸਟ੍ਰਿਕਟ ਨੇ ਬੀਤੀ ਰਾਤ ਘਰ ਖਾਲੀ ਕਰਨ ਲਈ ਚੌਥਾ ਹੁਕਮ ਜਾਰੀ ਕੀਤਾ। ਖੁਸ਼ਕ, ਗਰਮ ਅਤੇ ਤੇ਼ਜ਼ ਹਵਾਵਾਂ ਕਾਰਨ ਅੱਗ ਹੋਰ ਭੜਕ ਰਹੀ ਹੈ। ਮੌਸਮ ਏਜੰਸੀ ਮੁਤਾਬਕ ਵੀਰਵਾਰ ਨੂੰ 50 ਕਿਲੋ ਮੀਟਰ ਪ੍ਰਤੀ ਘੰਟੇ ਅਤੇ ਸ਼ੁੱਕਰਵਾਰ ਨੂੰ 60 ਕਿਲੋ ਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਹਵਾਵਾਂ ਚੱਲਣਗੀਆਂ,ਜੋ ਕੈਲੀ ਲੇਕ ਅਤੇ ਐਲਬਰਟਾ ਦੀ ਸਰਹੱਦ ਵੱਲ ਅੱਗ ਨੂੰ ਲੈ ਜਾ ਸਕਦੀਆਂ ਹਨ। ਮੰਗਲਵਾਰ ਤੱਕ ਸੂਬੇ ਵਿਚ 70 ਜੰਗਲੀ ਅੱਗ ਬਲ ਰਹੀਆਂ ਸਨ, ਜਿਨ੍ਹਾਂ ਵਿਚੋਂ ਅੱਧੀਆਂ ਬੇਕਾਬੂ ਹਨ।

ਕੈਨੇਡਾ-ਅਮਰੀਕਾ ਨਾਲ ਟਰੇਡ ਵਾਰ ਵਿਚਕਾਰ ਚੀਨ ਨਾਲ ਸੰਪਰਕ ਸਾਧ ਰਿਹਾ ਹੈ। ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਕੈਨੇਡੀਅਨ ਖੇਤੀਬਾੜੀ ਅਤੇ ਸੀ ਫੂਡ ਉਤਪਾਦ 'ਤੇ ਚੀਨੀ ਟੈਰਿਫ ਨੂੰ ਹਟਾਉਣ ਲਈ ਚੀਨ ਦੇ ਅਧਿਕਾਰੀਆਂ ਨਾਲ ਮੰਤਰੀ ਪੱਧਰ 'ਤੇ ਗੱਲ ਕਰ ਰਹੀ ਹੈ ਅਤੇ ਇਹ ਮੁੱਦਾ ਫੈਡਰਲ ਸਰਕਾਰ ਲਈ ਸਭ ਤੋਂ ਵੱਧ ਤਰਜੀਹ ਹੈ।

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਕੈਨੇਡਾ ਸਮੇਤ ਦੁਨੀਆ ਭਰ ਦੇ ਸਟੀਲ ਅਤੇ ਐਲੂਮੀਨੀਅਮ 'ਤੇ ਟੈਰਿਫ ਅੱਜ ਤੋਂ ਦੁੱਗਣਾ ਕਰ ਸਕਦੇ ਹਨ।

ਰਾਇਲ ਚੈਲੈਂਜਰਸ ਬੈਂਗਲੁਰੂ ਦੀ ਟੀਮ ਆਈ.ਪੀ.ਐਲ. ਚੈਂਪੀਅਨ ਬਣ ਗਈ ਹੈ। ਅੱਜ ਖੇਡੇ ਗਏ ਫਾਈਨਲ ਮੁਕਾਬਲੇ 'ਚ ਆਰ.ਸੀ.ਬੀ. ਨੇ ਪੰਜਾਬ ਕਿੰਗਜ਼ ਨੂੰ ਮਾਤ ਦਿੱਤੀ। ਆਰ.ਸੀ.ਬੀ. ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 20 ਓਵਰਾਂ 'ਚ 9 ਵਿਕਟ ਗਵਾ ਕੇ 190 ਰਨ ਬਣਾਏ।

ਬੀਸੀ ਦੇ ਰਹਿਣ ਵਾਲੇ ਅਮਨ ਅਤੇ ਦਿਗਵਿਜੇ ਨਾਂ ਦੇ ਦੋ ਨੌਜਵਾਨਾਂ ਨੂੰ ਮਿਸੀਸਾਗਾ ਵਿਚ ਪਿਛਲੇ ਮਹੀਨੇ ਗੋਲੀਆਂ ਮਾਰ ਕੇ ਕਤਲ ਕੀਤੇ ਗਏ ਕਾਰੋਬਾਰੀ ਹਰਜੀਤ ਸਿੰਘ ਢੱਡਾ ਦੀ ਮੌਤ ਦੇ ਮਾਮਲੇ ਵਿਚ ਫਰਸਟ ਡਿਗਰੀ ਮਰਡਰ ਨਾਲ ਚਾਰਜ ਕੀਤਾ ਗਿਆ ਹੈ। ਇਹ ਦੋਵੇਂ ਸ਼ੱਕੀ ਡੈਲਟਾ ਦੇ ਹਨ। ਪੀਲ ਪੁਲਿਸ ਨੇ ਡੈਲਟਾ ਪੁਲਿਸ, ਐਬਟਸਫੋਰਡ ਪੁਲਿਸ, ਸਰੀ ਪੁਲਿਸ ਅਤੇ ਆਰਸੀਐਮਪੀ ਦੇ ਸਹਿਯੋਗ ਨਾਲ ਦੋਵਾਂ ਨੂੰ 28 ਮਈ ਨੂੰ ਗ੍ਰਿਫਤਾਰ ਕੀਤਾ। ਅਮਨ ਅਤੇ ਦਿਗਵਿਜੇ ਦੋਵਾਂ ਦੀ ਉਮਰ 21-21 ਸਾਲ ਦੱਸੀ ਗਈ ਹੈ।

ਪਾਕਿਸਤਾਨ ਦੇ ਕਰਾਚੀ ਸਥਿਤ ਮਲੀਰ ਜੇਲ੍ਹ ਤੋਂ ਸੋਮਵਾਰ ਰਾਤ ਘੱਟੋ-ਘੱਟ 213 ਕੈਦੀ ਫਰਾਰ ਹੋ ਗਏ। ਜੇਲ੍ਹ ਪ੍ਰਸ਼ਾਸਨ ਅਨੁਸਾਰ, ਕਰਾਚੀ ਵਿਚ ਭੂਚਾਲ ਦੇ ਝਟਕਿਆਂ ਤੋਂ ਬਾਅਦ ਸਾਵਧਾਨੀ ਦੇ ਤੌਰ 'ਤੇ ਕੈਦੀਆਂ ਨੂੰ ਬੈਰਕਾਂ ਤੋਂ ਬਾਹਰ ਕੱਢਿਆ ਗਿਆ ਸੀ। ਰਿਪੋਰਟ ਮੁਤਾਬਕ, ਇਨ੍ਹਾਂ ਵਿਚੋਂ ਲਗਭਗ 80 ਕੈਦੀਆਂ ਨੂੰ ਦੁਬਾਰਾ ਫੜ੍ਹ ਲਿਆ ਗਿਆ ਹੈ, ਜਦੋਂ ਕਿ 135 ਕੈਦੀ ਅਜੇ ਵੀ ਫਰਾਰ ਹਨ।

ਕੈਨੇਡਾ ਦੇ ਪਬਲਿਕ ਸੇਫਟੀ ਮੰਤਰੀ, ਗੈਰੀ ਅਨੰਦਸਾਂਗਰੀ ਨੇ ਅੱਜ ਬਿੱਲ ਸੀ-2, ਜਾਣੀ ਕਿ ਸਟਰਾਂਗ ਬਾਰਡਰਸ ਐਕਟ ਪੇਸ਼ ਕੀਤਾ ਹੈ। ਲਿਬਰਲ ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਐਕਟ ਆਸਰੇ ਬੌਰਡਰ ਸੁਰੱਖਿਆ ਨੂੰ ਮਜਬੂਤ ਕਰਨ 'ਚ ਮਦਦ ਹੋਵੇਗੀ। ਮੰਤਰੀ ਅਨੰਦਸਾਂਗਰੀ ਦਾ ਕਹਿਣਾ ਸੀ ਕਿ ਇਸ ਐਕਟ ਨਾਲ ਬਾਰਡਰਸ 'ਤੇ ਇਲੀਗਲ ਇਮੀਗ੍ਰੇਸ਼ਨ, ਫੈਂਟਾਨਿਲ ਟਰੇਡ ਅਤੇ ਸੰਗਠਿਤ ਅਪਰਾਧ ਜਿਹੇ ਮਸਲਿਆਂ 'ਤੇ ਕਾਬੂ ਪਾਉਣ 'ਚ ਅਹਿਮ ਕਦਮ ਚੁੱਕੇ ਜਾ ਸਕਣਗੇ।

ਬੀਸੀ ਵਿਚ ਫੋਰਟ ਨੈਲਸਨ ਨੇੜੇ ਜੰਗਲੀ ਕਾਰਨ ਸੋਮਵਾਰ ਬੰਦ ਕੀਤੇ ਗਏ ਅਲਾਸਕਾ ਹਾਈਵੇਅ ਦੀ ਸਿੰਗਲ ਲੇਨ ਟ੍ਰੈਫਿਕ ਲਈ ਖੋਲ੍ਹ ਦਿੱਤੀ ਗਈ ਹੈ। ਹਾਲਾਂਕਿ, ਡਰਾਇਵ ਬੀ.ਸੀ. ਨੇ ਕਿਹਾ ਕਿ ਅੱਗ ਦੀ ਗਤੀਵਧੀ ਦੇ ਆਧਾਰ 'ਤੇ ਸਥਿਤੀ ਤੇਜ਼ੀ ਨਾਲ ਬਦਲ ਸਕਦੀ ਹੈ। ਬੀ.ਸੀ. ਵਾਈਲਡਫਾਇਰ ਸਰਵਿਸ ਨੇ ਕਿਹਾ ਕਿ ਇਹ ਅੱਗ ਲਗਭਗ 26 ਵਰਗ ਕਿਲੋਮੀਟਰ ਵਿਚ ਫੈਲੀ ਹੋਈ ਹੈ ਅਤੇ ਸਮਿਟ ਝੀਲ ਤੋਂ ਕਰੀਬ 10 ਕਿਲੋਮੀਟਰ ਉੱਤਰ-ਪੂਰਬ ਵਿਚ ਹੈ।

ਐਲਬਰਟਾ ਵਿਚ ਖਸਰੇ ਦੇ ਮਾਮਲੇ 700 ਤੋਂ ਪਾਰ ਹੋ ਗਏ ਹਨ ਅਤੇ ਐਡਮਿੰਟਨ ਲਈ ਪਬਲਿਕ ਅਲਰਟ ਜਾਰੀ ਕੀਤਾ ਗਿਆ ਹੈ। ਐਲਬਰਟਾ ਹੈਲਥ ਸਰਵਿਸਿਜ਼ ਨੇ ਅਲਰਟ ਕਰਦਿਆਂ ਦੱਸਿਆ ਕਿ ਸੂਬੇ ਵਿਚ ਖਸਰਾ ਪੀੜਤਾਂ ਦੀ ਗਿਣਤੀ 710 ਹੋ ਗਈ ਹੈ। ਇਕ ਖਸਰਾ ਪੀੜਤ ਵਿਅਕਤੀ ਐਡਮਿੰਟਨ ਦੇ ਯੂਨੀਵਰਸਿਟੀ ਆਫ਼ ਐਲਬਰਟਾ ਹਸਪਤਾਲ ਵਿਚ ਬੁੱਧਵਾਰ ਸ਼ਾਮ ਘੁੰਮਦਾ ਰਿਹਾ।