News

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਚੋਣ ਕੰਪੇਨ ਲਈ ਵੀਰਵਾਰ ਨੂੰ ਬੀ. ਸੀ. ਵਿਚ ਹੋਣਗੇ। ਉਹ ਕੋਕੁਇਟਲਮ ਪਹੁੰਚਣਗੇ, ਜਿੱਥੇ ਉਹ ਇੱਕ ਪ੍ਰੈੱਸ ਕਾਨਫਰੰਸ ਕਰਨਗੇ। ਫੈਡਰਲ ਪਾਰਟੀ ਦੇ ਆਗੂਆਂ ਵਿਚੋਂ ਪੌਲੀਐਵ ਪਹਿਲੇ ਨੇਤਾ ਹਨ, ਜੋ ਮੌਜੂਦਾ ਚੋਣਾਂ ਵਿਚ ਲੋਅਰ ਮੇਨਲੈਂਡ ਆ ਰਹੇ ਹਨ। ਕੱਲ੍ਹ ਸ਼ਾਮ ਉਹ ਸਰੀ ਵਿਚ ਆਪਣੀ “ਕੈਨੇਡਾ ਫਸਟ” ਰੈਲੀ ਕਰਨਗੇ।

ਬ੍ਰਿਟਿਸ਼ ਕੋਲੰਬੀਆ ਵਿਚ ਡਰਾਈਵਰਾਂ ਨੂੰ $110 ਦੀ ਨਵੀਂ ਆਈਸੀਬੀਸੀ ਛੋਟ ਜਲਦ ਮਿਲਣ ਜਾ ਰਹੀ ਹੈ। ਆਈਸੀਬੀਸੀ ਨੇ ਬੁੱਧਵਾਰ ਨੂੰ ਇਸ ਦੀ ਘੋਸ਼ਣਾ ਕੀਤੀ। ਏਜੰਸੀ ਨੇ ਕਿਹਾ ਕਿ ਜਿਨ੍ਹਾਂ ਗ੍ਰਾਹਕਾਂ ਕੋਲ ਆਈਸੀਬੀਸੀ ਦੀ ਜਨਵਰੀ 2025 ਵਿਚ ਐਕਟਿਵ ਬੇਸਿਕ ਇੰਸ਼ੋਰੈਂਸ ਪਾਲਿਸੀ ਸੀ, ਉਹ ਇਸ ਰਿਬੇਟ ਲਈ ਯੋਗ ਹਨ। ਫਰਵਰੀ 2021 ਤੋਂ ਬਾਅਦ ਇਹ ਆਈਸੀਬੀਸੀ ਗ੍ਰਾਹਕਾਂ ਲਈ ਪੰਜਵੀਂ ਰਿਬੇਟ ਹੈ।

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਇਲੈਕਸ਼ਨ ਕੰਪੇਨ ਭਖਾਉਂਦੇ ਹੋਏ ਇੱਕ ਹੋਰ ਟੈਕਸ ਕਟੌਤੀ ਦੀ ਘੋਸ਼ਣਾ ਕੀਤੀ ਹੈ। ਪੌਲੀਐਵ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਵਿਚ ਕੰਮ ਕਰ ਰਹੇ ਸੀਨੀਅਰਾਂ ਦੀ $34,000 ਤੱਕ ਦੀ ਇਨਕਮ ਟੈਕਸ ਫਰੀ ਕਰ ਦਿੱਤੀ ਜਾਵੇਗੀ। ਇਹ ਮੌਜੂਦਾ ਛੋਟ ਨਾਲੋਂ $10,000 ਦਾ ਵਾਧਾ ਹੋਵੇਗਾ।

ਰਾਸ਼ਟਰਪਤੀ ਡੋਨਲਡ ਟਰੰਪ ਅੱਜ ਆਟੋ ਟੈਰਿਫ ਦਾ ਐਲਾਨ ਕਰਨ ਜਾ ਰਹੇ ਹਨ। ਇਸ ਦੀ ਪੁਸ਼ਟੀ ਵ੍ਹਾਈਟ ਹਾਊਸ ਨੇ ਕੀਤੀ। ਟਰੰਪ ਦੇ ਇਸ ਐਲਾਨ ਤੋਂ ਪਹਿਲਾਂ ਅਮਰੀਕੀ ਬਾਜ਼ਾਰਾਂ ਵਿਚ ਗਿਰਾਵਟ ਦੇਖਣ ਨੂੰ ਮਿਲੀ, ਇਸ ਦੌਰਾਨ ਐਸ ਐਂਡ ਪੀ 500 ਵਿਚ 1.1 ਫੀਸਦੀ ਦੀ ਗਿਰਾਵਟ ਸੀ, ਜਦੋਂ ਕਿ ਡਾਉ ਜੋਨਸ ਕਰੀਬ 200 ਅੰਕ ਦੀ ਗਿਰਾਵਟ ਨਾਲ ਕਾਰੋਬਾਰ ਕਰ ਰਿਹਾ ਸੀ।

ਪੰਜਾਬ ਦੇ ਸਾਬਕਾ ਉਪ ਮੁੱਖ ਮੰਤਰੀ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਸਾਬਕਾ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਭਗਵੰਤ ਮਾਨ ਸਰਕਾਰ ਦੇ ਬਜਟ ਨੂੰ ਪੰਜਾਬੀਆਂ ਨਾਲ ਧੋਖਾ ਕਰਾਰ ਦਿੱਤਾ ਹੈ।

ਕੈਨੇਡਾ ਲਈ ਲਿਬਰਲ ਪਾਰਟੀ ਦੇ ਪ੍ਰਧਾਨ ਮੰਤਰੀ ਉਮੀਦਵਾਰ ਮਾਰਕ ਕਾਰਨੀ ਨੇ ਟਰੰਪ ਦੇ ਟੈਰਿਫ ਨਾਲ ਪ੍ਰਭਾਵਿਤ ਹੋਣ ਵਾਲੇ ਆਟੋ ਸੈਕਟਰ ਦੇ ਵਰਕਰਾਂ ਦੀਆਂ ਜੌਬਸ ਨੂੰ ਬਚਾਉਣ ਲਈ $2-ਬਿਲੀਅਨ ਦੇ ਰਣਨੀਤਕ ਪ੍ਰਤੀਕਿਰਿਆ ਫੰਡ ਦੀ ਘੋਸ਼ਣਾ ਕੀਤੀ ਹੈ। ਕਾਰਨੀ ਨੇ ਕਿਹਾ ਕਿ ਜੇ ਉਨ੍ਹਾਂ ਦੀ ਸੱਤਾ ਵਿਚ ਵਾਪਸੀ ਹੋਈ ਤਾਂ ਉਹ ਇਸ ਫੰਡ ਨੂੰ ਲੌਂਚ ਕਰਨਗੇ।

ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਇਸ ਵਾਰ ਦੇ ਬਜਟ ਵਿਚ ਵੀ ਮਹਿਲਾਵਾਂ ਨੂੰ 1,100 ਰੁਪਏ ਪ੍ਰਤੀ ਮਹੀਨਾ ਦੇਣ ਦੀ ਗਾਰੰਟੀ ਪੂਰੀ ਨਹੀਂ ਕਰ ਸਕੀ। ਸਾਲ 2022 ਦੀਆਂ ਵਿਧਾਨ ਸਭਾ ਚੋਣਾਂ ਦੌਰਾਨ 'ਆਪ' ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਨੇ ਪੰਜਾਬ ਵਿਚ ਸਰਕਾਰ ਬਣਨ 'ਤੇ ਇਸ ਦੀ ਗਾਰੰਟੀ ਦਿੱਤੀ ਸੀ।

ਬੀ. ਸੀ. ਦੀ ਡੇਵਿਡ ਈਬੀ ਸਰਕਾਰ ਨੇ ਬਿਜ਼ਨਸ ਗਰੁੱਪ ਅਤੇ ਵਿਰੋਧੀਆਂ ਵਲੋਂ ਵਿਰੋਧ ਦੇ ਬਾਵਜੂਦ ਵਿਵਾਦਿਤ ਬਿੱਲ 7 ਤੋਂ ਪਿੱਛੇ ਹਟਣ ਤੋਂ ਇਨਕਾਰ ਕੀਤਾ ਹੈ। ਇਸ ਬਿੱਲ ਵਿਚ ਸੂਬਾ ਸਰਕਾਰ ਨੂੰ ਵਿਧਾਨ ਸਭਾ ਤੋਂ ਮਨਜ਼ੂਰੀ ਲਏ ਬਿਨਾਂ ਟਰੇਡ ਵਾਰ ਅਤੇ ਹੋਰ ਕਿਸੇ ਵੀ ਖ਼ਤਰੇ ਨਾਲ ਨਜਿੱਠਣ ਲਈ ਰੀਅਲ-ਟਾਈਮ ਵਿਚ ਫੈਸਲੇ ਲੈਣ ਦੀਆਂ ਐਮਰਜੈਂਸੀ ਪਾਵਰ ਦਿੱਤੀਆਂ ਗਈਆਂ ਹਨ।

ਕੈਨੇਡਾ ਦੀ ਲਿਬਰਲ ਪਾਰਟੀ ਵਲੋਂ ਚੰਦਰ ਆਰੀਆ ਨੂੰ ਲੀਡਰਸ਼ਿਪ ਚੋਣ ਤੋਂ ਬਾਹਰ ਕਰਨ ਅਤੇ ਉਨ੍ਹਾਂ ਦੀ ਔਟਵਾ ਰਾਈਡਿੰਗ ਤੋਂ ਉਮੀਦਵਾਰੀ ਰੱਦ ਕਰਨ ਦਾ ਕਾਰਨ ਸਾਹਮਣੇ ਆਇਆ ਹੈ। ਰਿਪੋਰਟਸ ਮੁਤਾਬਕ, ਭਾਰਤ ਨਾਲ ਸਬੰਧਤ ਕਥਿਤ ਵਿਦੇਸ਼ੀ ਦਖਲਅੰਦਾਜ਼ੀ ਦੀਆਂ ਚਿੰਤਾਵਾਂ ਕਾਰਨ ਪਾਰਟੀ ਨੇ ਉਨ੍ਹਾਂ ਨੂੰ ਬਾਹਰ ਦਾ ਰਸਤਾ ਦਿਖਾਇਆ ਹੈ।