News

ਸਰੀ ਵਿੱਚ ਯੌਰਕ ਸੈਂਟਰ ਵਿਖੇ ਸਿੱਧੂ ਟਰੈਵਲਸ ਦੇ ਦਫ਼ਤਰ 'ਤੇ ਗੋਲੀ ਚੱਲਣ ਦੀ ਵਾਰਦਾਤ ਵਾਪਰੀ ਹੈ।

ਕੈਨੇਡਾ-ਅਮਰੀਕਾ ਵਪਾਰ ਲਈ ਮੰਤਰੀ ਡੋਮਿਨਿਕ ਲੇਬਲੈਂਕ ਇਸ ਹਫ਼ਤੇ ਵਾਸ਼ਿੰਗਟਨ ਵਿਚ ਟਰੰਪ ਸਰਕਾਰ ਦੇ ਵਣਜ ਸਕੱਤਰ ਹਾਵਰਡ ਲੂਟਨਿਕ ਨਾਲ ਮੁਲਾਕਾਤ ਕਰਨਗੇ। ਲੇਬਲੈਂਕ ਮੰਗਲਵਾਰ ਨੂੰ ਇਸ ਬੈਠਕ ਲਈ ਰਵਾਨਾ ਹੋ ਰਹੇ ਹਨ। ਦੋਹਾਂ ਲੀਡਰਾਂ ਵਿਚਕਾਰ ਇਹ ਤਾਜ਼ਾ ਮੁਲਾਕਾਤ ਉਦੋਂ ਹੈ ਜਦੋਂ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਸ਼ੁੱਕਰਵਾਰ ਨੂੰ ਫ੍ਰੀ ਟ੍ਰੇਡ ਐਗਰੀਮੈਂਟ ਤਹਿਤ ਆਉਂਦੇ ਅਮਰੀਕੀ ਮਾਲ ਉਤੇ ਜਵਾਬੀ ਟੈਰਿਫ ਹਟਾਉਣ ਦੀ ਘੋਸ਼ਣਾ ਕੀਤੀ ਹੈ।

ਨੌਰਥ ਵੈਨਕੂਵਰ ਦੇ ਵਿੰਡਸਰ ਪਾਰਕ ਇਲਾਕੇ ਦੇ ਇੱਕ ਘਰ 'ਤੇ ਗੋਲੀਆਂ ਚਲਾਈਆਂ ਗਈਆਂ ਹਨ, ਮਾਮਲਾ ਕੱਲ੍ਹ ਸਵੇਰ ਦਾ ਹੈ। ਨੌਰਥ ਵੈਨਕੂਵਰ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਪਲੇਅਮਾਊਥ ਡਰਾਈਵ ਨੇੜੇ ਟੋਲਕ੍ਰਾਸ ਰੋਡ ਦੇ 900 ਬਲਾਕ ਵਿਚ ਇਹ ਘਟਨਾ ਵਾਪਰੀ। ਘਰ ਦੇ ਮਾਲਕ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਨੇ ਇੱਕ ਜ਼ੋਰਦਾਰ ਧਮਾਕੇ ਦੀ ਆਵਾਜ਼ ਸੁਣੀ, ਜਿਸ ਤੋਂ ਬਾਅਦ ਉਸ ਨੇ ਆਪਣੇ ਘਰ 'ਤੇ ਗੋਲੀਆਂ ਦੇ ਨਿਸ਼ਾਨ ਦੇਖੇ। ਘਟਨਾ ਐਤਵਾਰ ਸਵੇਰੇ 4 ਵਜੇ ਦੀ ਦੱਸੀ ਜਾਂਦੀ ਹੈ।

ਬੀ. ਸੀ. ਦੇ ਪੋਸਟ-ਸੈਕੰਡਰੀ ਸਿੱਖਿਆ ਮੰਤਰੀ ਜੈਸੀ ਸਨਰ ਨੇ ਬ੍ਰਿਟਿਸ਼ ਕੋਲੰਬੀਆ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ ਦੇ ਬਰਨਬੀ ਕੈਂਪਸ ਵਿਖੇ ਨਵਾਂ ਟਾਲ ਟਿੰਬਰ ਵਿਦਿਆਰਥੀ ਰਿਹਾਇਸ਼ ਨਿਵਾਸ ਖੋਲ੍ਹਣ ਦਾ ਐਲਾਨ ਕੀਤਾ ਹੈ, ਇਸ ਨਾਲ ਕੈਂਪਸ ਵਿਚ ਸਟੂਡੈਂਟਸ ਲਈ ਕਿਫਾਇਤੀ ਰਿਹਾਇਸ਼ ਦੇ ਵਿਕਲਪ ਵੱਧ ਗਏ ਹਨ।

ਬੀ. ਸੀ. ਵਿਚ ਕੈਟਾਲਿਟਿਕ ਕਨਵਰਟਰ ਚੋਰੀ ਹੋਣ ਦੀਆਂ ਘਟਨਾਵਾਂ ਵਿਚਕਾਰ ਲੈਂਗਲੀ ਆਰ.ਸੀ.ਐਮ.ਪੀ. ਨੇ ਲੋਕਾਂ ਨੂੰ ਅਲਰਟ ਕੀਤਾ ਹੈ। ਸਾਰਜੈਂਟ ਜ਼ਾਈਨਲ ਸ਼ਾਰੂਮ ਨੇ ਕਿਹਾ ਚੋਰ ਆਮ ਤੌਰ 'ਤੇ ਰਾਤ ਨੂੰ ਜਾਂ ਸਵੇਰ ਦੇ ਸਮੇਂ ਡਰਾਈਵਵੇਅ, ਅਸੁਰੱਖਿਅਤ ਲਾਟ ਅਤੇ ਸ਼ਾਂਤ ਸੜਕਾਂ 'ਤੇ ਖੜ੍ਹੇ ਵਾਹਨਾਂ ਨੂੰ ਨਿਸ਼ਾਨਾ ਬਣਾਉਂਦੇ ਹਨ।