News

ਕੈਨੇਡਾ ਅਤੇ ਅਮਰੀਕਾ ਵਿਚਕਾਰ ਗੋਰਡੀ ਹਾਵੇ ਇੰਟਰਨੈਸ਼ਨਲ ਬ੍ਰਿਜ ਖੁੱਲ੍ਹਣ ਦੇ ਪਹਿਲੇ 12 ਘੰਟਿਆਂ ਵਿਚ ਲਗਭਗ 7,500 ਵਾਹਨਾਂ ਨੇ ਇਸ ਨਵੇਂ ਪੁਲ ਨੂੰ ਪਾਰ ਕੀਤਾ ਹੈ। ਦੋਵਾਂ ਦੇਸ਼ਾਂ ਵਿਚਕਾਰ ਇਹ ਇਤਿਹਾਸਕ ਸਰਹੱਦੀ ਲਾਂਘਾ ਸੋਮਵਾਰ ਨੂੰ ਅਧਿਕਾਰਤ ਤੌਰ 'ਤੇ ਆਵਾਜਾਈ ਲਈ ਖੋਲ੍ਹਿਆ ਗਿਆ ਸੀ, ਜਿਸ 'ਤੇ ਸਭ ਤੋਂ ਪਹਿਲਾਂ ਹੌਕੀ ਦੇ ਦਿੱਗਜ ਖਿਡਾਰੀ ਗੋਰਡੀ ਹਾਵੇ ਦੇ ਪਰਿਵਾਰ ਨੇ ਨਿੱਜੀ ਗੱਡੀ ਰਾਹੀਂ ਅਤੇ Onfreight Logistics ਦੇ ਇੱਕ ਟਰੱਕ ਨੇ ਵਪਾਰਕ ਵਾਹਨ ਵਜੋਂ ਸਫ਼ਰ ਕੀਤਾ।

ਐਡਮਿੰਟਨ ਨੇ ਅਗਸਤ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਆਪਣੇ ਹੁਣ ਤੱਕ ਦੇ ਸਭ ਤੋਂ ਵੱਧ ਬਾਰਿਸ਼ ਵਾਲੇ ਗਰਮੀਆਂ ਦੇ ਸੀਜ਼ਨ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਇਸ ਭਾਰੀ ਬਾਰਿਸ਼ ਕਾਰਨ ਸ਼ਹਿਰ ਵਿੱਚ ਹੜ੍ਹ ਵਰਗੇ ਹਾਲਾਤ ਬਣ ਗਏ ਹਨ, ਕਈ ਪ੍ਰੋਗਰਾਮ ਰੱਦ ਹੋ ਰਹੇ ਹਨ ।

ਬੀ.ਸੀ.ਦੇ ਰਿਚਮੰਡ ਸ਼ਹਿਰ ਵਿਚ ਹਾਈਵੇ 99 ਨੇੜੇ ਲੱਗੇ ਬੇਘਰ ਲੋਕਾਂ ਦੇ ਕੈਂਪਾਂ ਨੇ ਸੁਰੱਖਿਆ ਨੂੰ ਲੈ ਪ੍ਰਸ਼ਾਸਨ ਦੀਆਂ ਚਿੰਤਾਵਾਂ ਵਧਾ ਦਿੱਤੀਆਂ ਹਨ। ਇਹ ਹਾਈਵੇ ਦੇ ਦੋਵੇਂ ਪਾਸੇ ਹਨ ਅਤੇ ਇਨ੍ਹਾਂ ਵਿਚੋਂ ਇੱਕ ਕੈਂਪ ਸਿੱਧਾ ਨਵੀਂ ਜੈੱਟ ਫਿਊਲ ਪਾਈਪਲਾਈਨ ਦੇ ਉੱਪਰ ਸਥਿਤ ਹੈ। ਰਿਚਮੰਡ ਦੇ ਸਿਟੀ ਕੌਂਸਲਰ Kash Heed ਮੁਤਾਬਕ, ਉੱਥੇ ਰਹਿ ਰਹੇ ਲੋਕਾਂ ਵੱਲੋਂ ਕਈ ਵਾਰ ਅੱਗਾਂ ਲਗਾਈਆਂ ਗਈਆਂ ਹਨ, ਜਿਸ ਕਾਰਨ explosion ਦਾ ਡਰ ਬਣਿਆ ਰਹਿੰਦਾ ਹੈ।

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਐਲਬਰਟਾ ਦੇ ਦੌਰੇ 'ਤੇ ਪਹੁੰਚ ਰਹੇ ਹਨ। ਰੈਡ ਡੀਅਰ ਵਿਖੇ ਉਹ ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨਾਲ ਇੱਕ ਸਾਂਝੇ ਪ੍ਰੋਗਰਾਮ ਦੌਰਾਨ ਵੱਡਾ ਐਲਾਨ ਕਰਨਗੇ।ਦੋਵਾਂ ਨੇਤਾਵਾਂ ਵੱਲੋਂ ਸੂਬੇ ਵਿੱਚ ਘਰਾਂ ਦੀ ਉਸਾਰੀ ਨੂੰ ਤੇਜ਼ ਕਰਨ ਲਈ ਇੱਕ ਨਵੀਂ ਸਾਂਝੀ ਯੋਜਨਾ ਦੀ ਰੂਪਰੇਖਾ ਪੇਸ਼ ਕੀਤੇ ਜਾਣ ਦੀ ਉਮੀਦ ਹੈ।

ਕੈਨੇਡਾ ਦੇ ਸਾਬਕਾ ਫੈਡਰਲ ਇੰਡਸਟਰੀ ਮਨਿਸਟਰ ਨਵਦੀਪ ਸਿੰਘ ਬੈਂਸ ਓਨਟਾਰੀਓ ਲਿਬਰਲ ਪਾਰਟੀ ਦੀ ਲੀਡਰਸ਼ਿਪ ਰੇਸ ਵਿਚ ਫੰਡ ਇਕੱਠਾ ਕਰਨ ਦੇ ਮਾਮਲੇ ਵਿਚ ਸਭ ਤੋਂ ਮੋਹਰੀ ਉਮੀਦਵਾਰ ਬਣ ਕੇ ਉੱਭਰੇ ਹਨ, ਜਿਸ ਨਾਲ ਉਨ੍ਹਾਂ ਨੇ ਹੋਰ ਉਮੀਦਵਾਰਾਂ ਲਈ ਮੁਕਾਬਲਾ tough ਕਰ ਦਿੱਤਾ ਹੈ।