News

ਸਰੀ 'ਚ ਬੀਤੇ ਕੁਝ ਕੁ ਦਿਨਾਂ 'ਚ ਐਕਸਟੌਰਸ਼ਨ ਸੰਬੰਧੀ ਕਾਲਸ ਵਿਚਾਲੇ ਹੋਈਆਂ ਗੋਲੀਆਂ ਚੱਲਣ ਦੀਆਂ ਹਿੰਸਕ ਵਾਰਦਾਤਾਂ ਨੇ ਕਮਿਊਨਿਟੀ 'ਚ ਅਨੇਕਾਂ ਲੋਕਾਂ ਨੂੰ ਸੁਰੱਖਿਆ ਸੰਬੰਧੀ ਸਵਾਲ ਪੁੱਛਣ 'ਤੇ ਮਜਬੂਰ ਕਰ ਦਿੱਤਾ ਹੈ। ਇਸੇ ਦਰਮਿਆਨ ਕਮਿਊਨਿਟੀ ਦੀਆਂ ਚਿੰਤਾਵਾਂ ਦੇ ਮੱਦੇਨਜਰ ਸਰੀ 'ਚ ਰਿਫਲੈਕਸ਼ਨਸ ਬੈਂਕਟ ਹਾਲ ਵਿਖੇ ਐਤਵਾਰ (June 15) ਦੁਪਹਿਰ 2 ਵਜੇ ਤੋਂ 4 ਵਜੇ ਦਰਮਿਆਨ, ਸਰੀ ਸੇਫਟੀ ਕਮਿਊਨਿਟੀ ਫੋਰਮ ਦਾ ਪ੍ਰਬੰਧ ਕੀਤਾ ਗਿਆ।

ਸਰੀ ਅਤੇ ਆਲੇ-ਦੁਆਲੇ ਦੇ ਇਲਾਕਿਆਂ 'ਚ ਜਾਰੀ ਐਕਸਟੌਰਸ਼ਨ ਸੰਬੰਧੀ ਮਸਲਿਆਂ ਅਤੇ ਇਸੇ ਨੂੰ ਲੈਕੇ ਗੋਲੀਆਂ ਚੱਲਣ ਦੀਆਂ ਖਬਰਾਂ ਵਿਚਾਲੇ, ਅੱਜ ਬੀ.ਸੀ. ਦੇ ਸੌਲਿਸਿਟਰ ਜਨਰਲ ਅਤੇ ਜਨਤਕ ਸੁਰੱਖਿਆ ਮੰਤਰੀ, ਗੈਰੀ ਬੈਗ ਨੇ ਆਖਿਆ ਕਿ, “ਅਸੀਂ ਜਾਣਦੇ ਹਾਂ ਕਿ ਸੰਗਠਿਤ ਅਪਰਾਧੀਆਂ ਵੱਲੋਂ ਜਬਰਨ ਵਸੂਲੀ (extortion) ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ, ਜੋ ਦੱਖਣੀ ਏਸ਼ੀਆਈ ਭਾਈਚਾਰੇ ਵਿੱਚ ਗੰਭੀਰ ਚਿੰਤਾ ਦਾ ਮੁੱਦਾ ਬਣੀਆਂ ਹੋਈਆਂ ਹਨ।

ਵੈਨਕੂਵਰ ਪੁਲਿਸ ਨੇ ਵੱਡੇ ਤੜਕੇ ਹੋਈਆਂ ਕਈ ਚੋਰੀ ਦੀਆਂ ਘਟਨਾਵਾਂ ਦੇ ਸਬੰਧ ਵਿਚ ਇੱਕ ਸ਼ੱਕੀ ਦੀਆਂ ਤਸਵੀਰਾਂ ਜਾਰੀ ਕੀਤੀਆਂ ਹਨ, ਜਿਸ ਦੀ ਪਛਾਣ ਅਤੇ ਗ੍ਰਿਫਤਾਰੀ ਵਿਚ ਮਦਦ ਮੰਗੀ ਗਈ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਸ਼ੱਕੀ 30 ਤੋਂ 35 ਸਾਲ ਦਾ ਏਸ਼ੀਆਈ ਮੂਲ ਦਾ ਮੰਨਿਆ ਜਾਂਦਾ ਹੈ, ਜੋ ਜਨਵਰੀ ਤੋਂ ਹੁਣ ਤੱਕ 16 ਵਾਰ ਅਜਿਹੀਆਂ ਵਾਰਦਾਤਾਂ ਘਰ ਚੁੱਕਾ ਹੈ।

ਸਰੀ ਪੁਲਿਸ ਸਰਵਿਸ ਨੇ ਫਿਰੌਤੀ ਨਾਲ ਸਬੰਧਤ ਘਟਨਾਵਾਂ ਨਾਲ ਨਜਿੱਠਣ ਲਈ ਖੁਦ ਦੀ ਜਬਰੀ ਵਸੂਲੀ ਜਾਂਚ ਟੀਮ ਦਾ ਗਠਨ ਕੀਤਾ ਹੈ, ਜਿਸ ਕੋਲ ਸਰੀ ਦੇ ਨਿਊਟਨ, ਵ੍ਹੇਲੀ ਅਤੇ ਸਿਟੀ ਸੈਂਟਰ ਖੇਤਰ ਵਿਚ ਜ਼ਬਰਨ ਵਸੂਲੀ ਦੀਆਂ ਘਟਨਾਵਾਂ ਦਾ ਜਵਾਬ ਦੇਣ ਅਤੇ ਜਾਂਚ ਕਰਨ ਲਈ ਸਮਰਪਿਤ ਸਰੋਤ ਹੋਣਗੇ। ਸਰੀ ਪੁਲਿਸ ਸਰਵਿਸ ਦਾ ਕਹਿਣਾ ਹੈ ਕਿ ਉਸ ਨੇ ਕਈ ਬਿਜ਼ਨਸ ਖੇਤਰ ਵਿਚ ਗਸ਼ਤ ਵੀ ਵਧਾ ਦਿੱਤੀ ਹੈ।

ਕੈਨੇਡੀਅਨ ਰਾਜਨੀਤੀ ਵਿਚ ਪਿਛਲੇ ਕਈ ਸਾਲਾਂ ਤੋਂ ਸਰਗਰਮ ਰਹੇ ਫੈਡਰਲ ਐਨ.ਡੀ.ਪੀ. ਦੇ ਸਾਬਕਾ ਪ੍ਰਧਾਨ ਜਗਮੀਤ ਸਿੰਘ ਦੇ ਭਰਾ ਨੇ ਮੰਗ ਕੀਤੀ ਹੈ ਕਿ ਜਿਨ੍ਹਾਂ ਕੈਨੇਡੀਅਨਾਂ ਨੂੰ ਉਨ੍ਹਾਂ ਦੀ ਜਾਨ ਦੇ ਖ਼ਤਰੇ ਦੀ ਚਿਤਾਵਨੀ ਦਿੱਤੀ ਗਈ ਹੈ, ਉਨ੍ਹਾਂ ਨੂੰ ਸਕਿਓਰਿਟੀ ਮਿਲਣੀ ਚਾਹੀਦੀ ਹੈ। ਗੁਰਰਤਨ ਸਿੰਘ ਨੇ ਇਹ ਮਾਮਲਾ ਉਦੋਂ ਉਠਾਇਆ ਜਦੋਂ ਬੀਤੇ ਕੱਲ੍ਹ ਹੀ ਸਿੱਖ ਆਰਗੇਨਾਈਜ਼ੇਸ਼ਨ ਆਫ਼ ਕੈਨੇਡਾ ਦੇ ਬੁਲਾਰੇ ਬਲਪ੍ਰੀਤ ਸਿੰਘ ਨੇ ਇੱਕ ਪ੍ਰੈੱਸ ਕਾਨਫਰੰਸ ਵਿਚ ਦੱਸਿਆ ਸੀ ਕਿ ਦਰਜਨਾਂ ਸਿੱਖ ਕੈਨੇਡੀਅਨ ਮੌਜੂਦਾ ਸਮੇਂ ਐਕਟਿਵ ਡਿਊਟੀ ਟੂ ਵਾਰਮ ਵਿਚ ਹਨ।