News

ਕਾਰਨੀ ਸਰਕਾਰ ਨੇ ਜੀ.ਐਸ.ਟੀ. ਰਿਲੀਫ ਦੇ ਵਾਅਦੇ ਨੂੰ ਪੂਰਾ ਕਰ ਦਿੱਤਾ ਹੈ।

ਸਰੀ ਵਿਚ 10,000 ਸੀਟਾਂ ਵਾਲੇ ਖੇਡ ਮੈਦਾਨ ਦਾ ਨਿਰਮਾਣ 2027 ਵਿਚ ਸ਼ੁਰੂ ਹੋਵੇਗਾ। ਮੇਅਰ ਬ੍ਰੈਂਡਾ ਲੌਕ ਦਾ ਕਹਿਣਾ ਹੈ ਕਿ ਸੰਭਾਵਿਤ ਭਾਈਵਾਲ ਵਲੋਂ ਇਸ ਲਈ ਕਾਫ਼ੀ ਦਿਲਚਸਪੀ ਮਿਲ ਰਹੀ ਹੈ। ਸਿਟੀ ਕੌਂਸਲ ਨੇ ਇਸ ਪ੍ਰੋਜੈਕਟ ਨੂੰ ਮਾਰਚ ਦੇ ਅਖੀਰ ਵਿਚ ਸਰੀ ਦੀ ਪ੍ਰਸਤਾਵਿਤ ਪੰਜ ਸਾਲਾ ਵਿੱਤੀ ਯੋਜਨਾ ਵਿਚ ਸ਼ਾਮਲ ਕੀਤਾ ਸੀ।

ਕੈਨੇਡਾ ਵਿਚ ਵੱਡੀ ਗਿਣਤੀ ਵਿਚ ਲੋਕਾਂ ਦੀ ਨੌਕਰੀਆਂ ਜਾਣ ਵਾਲੀਆਂ ਹਨ, ਦੇਸ਼ ਦੀ ਸਭ ਤੋਂ ਪੁਰਾਣੀ ਕੰਪਨੀ ਹਡਸਨ ਬੇਅ ਨੇ ਐਤਵਾਰ ਤੱਕ ਸਾਰੇ ਸਟੋਰ ਬੰਦ ਕਰਨ ਦੀ ਘੋਸ਼ਣਾ ਕੀਤੀ ਹੈ, ਜਿਸ ਨਾਲ ਇਸ ਦੇ 8,000 ਤੋਂ ਵੱਧ ਕਰਮਚਾਰੀ ਬੇਰੁਜ਼ਗਾਰ ਹੋ ਜਾਣਗੇ।

ਐਲਬਰਟਾ ਵਿਚ ਖਸਰੇ ਦੇ ਮਾਮਲੇ 600 ਤੱਕ ਪਹੁੰਚ ਗਏ ਹਨ, ਜਿਨ੍ਹਾਂ ਵਿਚੋਂ 19 ਅਜਿਹੇ ਹਨ ਜੋ ਤੇਜ਼ੀ ਨਾਲ ਬੀਮਾਰੀ ਫੈਲਾ ਸਕਦੇ ਹਨ। ਸੂਬੇ ਦੇ ਦੱਖਣੀ ਇਲਾਕਿਆਂ ਵਿਚ ਸਭ ਤੋਂ ਵੱਧ ਲੋਕ ਇਸ ਬੀਮਾਰੀ ਦੀ ਲਪੇਟ ਵਿਚ ਆਏ ਹਨ। ਐਲਬਰਟਾ ਹੈਲਥ ਸਰਵਿਸ ਮੁਤਾਬਕ ਇਨ੍ਹਾਂ ਮਾਮਲਿਆਂ ਦੀ ਰਿਪੋਰਟਿੰਗ ਸਹੀ ਤਰ੍ਹਾਂ ਨਾ ਹੋਣ ਕਾਰਨ ਬੀਮਾਰੀ ਵੱਧ ਰਹੀ ਹੈ।

ਸਿੱਧੂ ਮੂਸੇਵਾਲਾ ਦੇ ਪਿਤਾ ਬਲਕੌਰ ਸਿੰਘ 2027 ਦੀਆਂ ਵਿਧਾਨ ਸਭਾ ਚੋਣ ਦੌਰਾਨ ਮਾਨਸਾ ਸੀਟ ਤੋਂ ਚੋਣ ਲੜਨਗੇ। ਉਨ੍ਹਾਂ ਇਹ ਐਲਾਨ ਮਾਨਸਾ ਵਿਚ ਕਾਂਗਰਸ ਵਲੋਂ ਕੀਤੀ ਗਈ ‘ਸੰਵਿਧਾਨ ਬਚਾਓ’ ਰੈਲੀ ਦੌਰਾਨ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕੀਤਾ।

ਅੱਜ ਐਡਮਿੰਟਨ ਆਇਲਰਸ ਦੀ ਕੋਸ਼ਿਸ਼ ਹੋਵੇਗੀ ਕਿ ਐਨ.ਐਚ.ਐਲ. ਦੇ ਬੈਸਟ ਆਫ ਸੈਵਨ ਵੈਸਟਰਨ ਕਾਨਫਰੰਸ ਫਾਈਨਲ 'ਚ ਆਪਣੀ ਲੀਡ ਨੂੰ ਹੋਰ ਮਜਬੂਤ ਕੀਤਾ ਜਾ ਸਕੇ।

ਕਿੰਗ ਚਾਰਲਜ਼ ਨੇ ਅੱਜ ਇਤਿਹਾਸਿਕ ਥਰੋਨ ਸਪੀਚ ਵਿੱਚ ਮਾਰਕ ਕਾਰਨੀ ਦੀ ਸਰਕਾਰ ਬਾਰੇ ਆਖਿਆ ਕਿ ਸਰਕਾਰ ਦੇਸ਼ ਦੀ ਪ੍ਰਭੂਸੱਤਾ ਨੂੰ ਸੁਰੱਖਿਅਤ ਕਰਨ ਲਈ ਸਭ ਕਦਮ ਚੁੱਕੇਗੀ। ਉਨ੍ਹਾਂ ਸਪੀਚ ਵਿੱਚ ਆਖਿਆ ਕਿ ਸਰਕਾਰ ਇਸ ਦੇ ਲਈ ਮਿਲਟਰੀ ਨੂੰ ਵਧੇਰੇ ਮਜਬੂਤ ਕਰੇਗੀ ਅਤੇ ਅਮਰੀਕਾ ਨਾਲ ਰਿਸ਼ਤਿਆਂ ਨੂੰ ਵੀ ਮੁੜ ਪ੍ਰਭਾਸ਼ਿਤ ਕੀਤਾ ਜਾਵੇਗਾ।

ਕੈਲਗਰੀ ਡੇਅਕੇਅਰਜ਼ ਵਿਚ ਫੈਲੇ ਈ-ਕੋਲਾਈ ਬੈਕਟੀਰੀਆ ਦੇ ਮਾਮਲੇ ਵਿਚ ਫੂਡ ਸਪਲਾਈ ਕਰਨ ਵਾਲੀ ਵਪਾਰਕ ਰਸੋਈ ਨੂੰ $10,000 ਦਾ ਜੁਰਮਾਨਾ ਲਾਇਆ ਗਿਆ ਹੈ। 2023 ਵਿਚ ਇਸ ਬੈਕਟੀਰੀਆ ਕਾਰਨ ਸੈਂਕੜੇ ਬੱਚੇ ਬੀਮਾਰ ਹੋ ਗਏ ਸਨ। ਫਿਊਲਿੰਗ ਮਾਈਂਡਜ਼ ਇਨਕੋਰਪੋਰੇਟਡ ਨੂੰ ਅਪ੍ਰੈਲ ਵਿਚ 4 ਅਪਰਾਧਾਂ ਲਈ ਦੋਸ਼ੀ ਠਹਿਰਾਇਆ ਗਿਆ ਸੀ।

ਅਮਰੀਕਾ ਦੀ ਟਰੰਪ ਸਰਕਾਰ ਨੇ ਇੰਟਰਨੈਸ਼ਨਲ ਸਟੂਡੈਂਟਸ ਨੂੰ ਇੱਕ ਹੋਰ ਚਿਤਾਵਨੀ ਜਾਰੀ ਕੀਤੀ ਹੈ, ਜਿਸ ਵਿਚ ਕਿਹਾ ਗਿਆ ਹੈ ਕਿ ਕਲਾਸਾਂ ਨੂੰ ਡਰਾਪ ਆਊਟ ਜਾਂ ਸਕਿੱਪ ਕਰਨ ਜਾਂ ਸਕੂਲ ਨੂੰ ਦੱਸੇ ਬਿਨਾਂ ਆਪਣਾ ਕੋਰਸ ਛੱਡਣ 'ਤੇ ਸਟੂਡੈਂਟ ਵੀਜ਼ਾ ਰੱਦ ਕੀਤਾ ਜਾ ਸਕਦਾ ਹੈ ਅਤੇ ਭਵਿੱਖ ਵਿਚ ਤੁਹਾਨੂੰ ਅਮਰੀਕਾ ਲਈ ਵੀਜ਼ਾ ਮਿਲਣ ਦੀ ਸੰਭਾਵਨਾ ਵੀ ਰੱਦ ਹੋ ਸਕਦੀ ਹੈ।