News

ਰਿਚਮੰਡ ਆਰ.ਸੀ.ਐਮ.ਪੀ. ਲੋਕਾਂ ਨੂੰ ਚੀਨੀ ਭਾਈਚਾਰੇ ਨੂੰ ਟਾਰਗੇਟ ਕਰਦੇ ਨੌਕਰੀ ਦੇ ਇਸ਼ਤਿਹਾਰਾਂ ਦੇ ਪੋਸਟਰਾਂ ਖਿਲਾਫ ਚਿਤਾਵਨੀ ਦਿੱਤੀ ਹੈ। ਇਹ ਪੋਸਟਰ ਸਰਲ ਚੀਨੀ ਭਾਸ਼ਾ ਵਿਚ ਲਿਖੇ ਗਏ ਹਨ ਅਤੇ ਸ਼ਹਿਰ ਭਰ ਵਿਚ ਵੱਖ-ਵੱਖ ਲਾਈਟ ਪੋਸਟਾਂ 'ਤੇ ਲਗਾਏ ਗਏ ਹਨ। ਇਨ੍ਹਾਂ ਨੌਕਰੀ ਦੇ ਪੋਸਟਰਾਂ ਵਿਚ vacation home house-sitter ਤੋਂ ਲੈ ਕੇ ਕੇਅਰ ਗੀਵਰ ਅਤੇ ਚਾਹ ਪੱਤੀਆਂ ਦੇ ਪੈਕਜਰ ਤੱਕ ਦੇ ਇਸ਼ਤਿਹਾਰ ਸ਼ਾਮਲ ਹਨ। ਇਨ੍ਹਾਂ ਵਿਚ ਜੌਬਸ ਦਾ ਛੋਟਾ ਵੇਰਵਾ ਅਤੇ ਇੱਕ ਸੰਪਰਕ ਫ਼ੋਨ ਨੰਬਰ ਦਿੱਤਾ ਗਿਆ ਹੈ।

ਰਿਚਮੰਡ ਆਰ.ਸੀ.ਐਮ.ਪੀ. ਨੇ ਵਿਦਿਆਰਥੀਆਂ ਦੇ ਸਕੂਲ ਵਾਪਸ ਆਉਣ ਦੇ ਮੱਦੇਨਜ਼ਰ ਡਰਾਈਵਰਾਂ ਨੂੰ ਹੌਲੀ ਰਫ਼ਤਾਰ ਨਾਲ ਗੱਡੀ ਚਲਾਉਣ ਦੀ ਹਦਾਇਤ ਕੀਤੀ ਹੈ। ਪੁਲਿਸ ਨੇ ਕਿਹਾ ਕਿ ਸਤੰਬਰ ਵਿਚ ਸਕੂਲ ਸ਼ੁਰੂ ਹੋਣ ਦੇ ਨਾਲ ਹੀ ਸੜਕਾਂ ਹੋਰ ਵੀ ਵਿਅਸਤ ਹੋਣ ਵਾਲੀਆਂ ਹਨ।

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਫੈਡਰਲ ਸਰਕਾਰ ਤੋਂ ਕ੍ਰਿਮੀਨਲ ਕੋਡ ਵਿਚ ਸੋਧ ਕਰਨ ਦੀ ਮੰਗ ਕੀਤੀ ਹੈ ਤਾਂ ਜੋ ਕੈਨੇਡੀਅਨਾਂ ਵਲੋਂ ਉਨ੍ਹਾਂ ਦੇ ਘਰਾਂ ਵਿਚ ਘੁਸਪੈਠ ਕਰਨ ਵਾਲੇ ਹਮਲਾਵਰਾਂ ਖਿਲਾਫ਼ ਆਪਣੇ ਆਪ ਨੂੰ ਅਤੇ ਆਪਣੇ ਪਰਿਵਾਰ ਦੀ ਰਾਖੀ ਲਈ ਸੈਲਫ ਡਿਫੈਂਸ ਵਿਚ ਚੁੱਕੇ ਗਏ ਕਦਮਾਂ ਨੂੰ ਕਾਨੂੰਨੀ ਮੰਨਿਆ ਜਾਵੇ।

ਫੋਰਟ ਸੇਂਟ ਜੌਨ ਆਰ.ਸੀ.ਐਮ.ਪੀ. ਨੇ ਡਰੱਗ ਦੀ ਜਾਂਚ ਦੇ ਸਬੰਧ ਵਿਚ 20 ਅਤੇ 21 ਸਾਲ ਦੇ ਦੋ ਨੌਜਵਾਨਾਂ ਨੂੰ ਗ੍ਰਿਫਤਾਰ ਕੀਤਾ। ਇਹ ਕਾਰਵਾਈ ਫੋਰਟ ਸੇਂਟ ਜੌਨ ਦੇ 93 ਐਵੇਨਿਊ ਅਤੇ 100 ਸਟ੍ਰੀਟ ਕੋਲ ਇੱਕ ਹੋਟਲ ਦੇ ਕਮਰੇ ਵਿਚ 15 ਅਗਸਤ ਨੂੰ ਮਾਰੀ ਗਈ ਛਾਪੇਮਾਰੀ ਦੇ ਸਬੰਧ ਵਿਚ ਹੋਈ। ਪੁਲਿਸ ਨੇ ਕਿਹਾ ਕਿ ਜਾਂਚ ਉਦੋਂ ਸ਼ੁਰੂ ਹੋਈ ਜਦੋਂ ਇੱਕ ਸ਼ੱਕੀ ਗੱਡੀ ਨੇ ਹੋਟਲ ਦੇ ਪਾਰਕਿੰਗ ਲਾਟ ਵਿਚ ਪੁਲਿਸ ਨੂੰ ਦੇਖ ਕੇ ਭੱਜਣ ਦੀ ਕੋਸ਼ਿਸ਼ ਕੀਤੀ, ਜਿਸ ਦੇ ਨਤੀਜੇ ਵਜੋਂ ਪੁਲਿਸ ਵਾਹਨਾਂ ਅਤੇ ਸ਼ੱਕੀ ਵਾਹਨ ਦੀ ਟੱਕਰ ਹੋਈ, ਜਿਸ ਵਿਚ ਦੋਵਾਂ ਵਾਹਨਾਂ ਨੂੰ ਨੁਕਸਾਨ ਪੁੱਜਾ।

ਕੈਲਗਰੀ ਦੇ ਇੱਕ ਵਿਅਕਤੀ 'ਤੇ ਸਟੈਂਪੀਡ ਵਿੱਚ ਚਾਕੂ ਮਾਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਇਸ ਹਮਲੇ ਵਿੱਚ 3 ਲੋਕ ਜ਼ਖ਼ਮੀ ਹੋ ਗਏ ਸਨ। ਚਾਕੂ ਮਾਰਨ ਦੀ ਇਹ ਘਟਨਾ 8 ਜੁਲਾਈ ਨੂੰ ਰਾਤ 11 ਵਜੇ ਤੋਂ ਬਾਅਦ ਯੂਰੋਸਲਾਈਡ ਦੇ ਨੇੜੇ ਵਾਪਰੀ ਸੀ। ਪੁਲਿਸ ਇੱਕ ਵਿਅਕਤੀ ਨੂੰ ਲੱਭਣ ਲਈ ਪਹੁੰਚੀ ਜੋ ਜ਼ਖਮੀ ਸੀ। ਉਸ ਨੂੰ ਗੰਭੀਰ ਪਰ ਸਥਿਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ।