News

ਨੈਨਾਈਮੋ ਵਿਚ ਰਾਇਲ ਬੈਂਕ ਔਫ ਕੈਨੇਡਾ ਦੇ ਨਾਮ 'ਤੇ ਲਗਭਗ $24,000 ਦਾ ਫਰੌਡ ਸਾਹਮਣੇ ਆਇਆ ਹੈ, ਪੁਲਿਸ ਮੁਤਾਬਕ,ਘਪਲੇਬਾਜ਼ਾਂ ਵਲੋਂ ਬੈਂਕ ਅਧਿਕਾਰੀ ਬਣ ਕੇ ਲੋਕਾਂ ਨੂੰ ਟਾਰਗੇਟ ਕੀਤਾ ਜਾ ਰਿਹਾ ਹੈ। ਤਾਜ਼ਾ ਮਾਮਲੇ ਵਿਚ ਪੀੜਤ ਨੂੰ ਬੈਂਕ ਦੇ ਨੰਬਰ ਵਰਗੇ ਦਿਖਣ ਵਾਲੇ ਨੰਬਰਾਂ ਤੋਂ ਕਈ ਫੋਨ ਕਾਲ ਅਤੇ ਟੈਕਸਟ ਆਏ ਸਨ। ਇਸ ਤਕਨੀਕ ਨੂੰ 'Call Spoofing' ਕਿਹਾ ਜਾਂਦਾ ਹੈ, ਜਿਸ ਨਾਲ ਕਾਲਰ ਆਈ.ਡੀ. 'ਤੇ ਬੈਂਕ ਦਾ ਨਾਮ ਦਿਖਾਈ ਦਿੰਦਾ ਹੈ।

ਐਲਬਰਟਾ ਸਰਕਾਰ ਫੈਡਰਲ ਪ੍ਰੋਜੈਕਟ ਰਿਵਿਊ ਕਾਨੂੰਨ ਨੂੰ ਰੱਦ ਕਰਵਾਉਣ ਲਈ ਇੱਕ ਵਾਰ ਫਿਰ ਤੋਂ ਅਦਾਲਤ ਤੱਕ ਪਹੁੰਚ ਕਰ ਰਹੀ ਹੈ। ਐਲਬਰਟਾ ਕੋਰਟ ਔਫ ਅਪੀਲ ਇਸ ਹਫ਼ਤੇ ਕੈਲਗਰੀ ਵਿੱਚ ਔਟਵਾ ਦੇ ਇੰਪੈਕਟ ਅਸੈਸਮੈਂਟ ਐਕਟ ਖ਼ਿਲਾਫ਼ ਸੂਬੇ ਵੱਲੋਂ ਦੂਜੀ ਵਾਰ ਦਿੱਤੀ ਗਈ ਚੁਣੌਤੀ ਦੀ ਸੁਣਵਾਈ ਕਰੇਗੀ। ਇਹ ਕਾਨੂੰਨ ਪਾਈਪਲਾਈਨਾਂ ਵਰਗੇ ਪ੍ਰਸਤਾਵਿਤ ਪ੍ਰੋਜੈਕਟਾਂ ਦੇ ਵਾਤਾਵਰਣ, ਆਰਥਿਕ, ਸਿਹਤ ਅਤੇ ਸਮਾਜਿਕ ਪ੍ਰਭਾਵਾਂ ਦੀ ਸਮੀਖਿਆ ਲਈ ਪ੍ਰਕਿਰਿਆ ਤੈਅ ਕਰਦਾ ਹੈ ਅਤੇ ਤੇਲ-ਗੈਸ ਉਦਯੋਗ ਵੱਲੋਂ ਇਸ ਦਾ ਤਿੱਖਾ ਵਿਰੋਧ ਕੀਤਾ ਗਿਆ ਹੈ।

ਬੀਤੇ ਸ਼ਨੀਵਾਰ ਅੰਤਰਰਾਸ਼ਟਰੀ ਮਾਂ ਬੋਲੀ ਦਿਵਸ ਸੀ। ਇਸ ਮੌਕੇ ਪੰਜਾਬੀ ਭਾਸ਼ਾ 'ਚ ਪਹਿਲੀ ਵਾਰ ਮੇਜਰ ਲੀਗ ਸੌਕਰ ਦੇ ਕਿਸੇ ਮੁਕਾਬਲੇ ਦੀ ਕਮੈਂਟਰੀ ਸੁਣਨ ਨੂੰ ਮਿਲੀ।

ਬੀ. ਸੀ. ਦੇ ਫਰੇਜ਼ਰ ਲੇਕ ਵਿਚ ਇੱਕ ਹੋਟਲ ਅਤੇ ਨਾਲ ਲੱਗਦੇ ਕਾਰੋਬਾਰ ਵਿਚ ਅੱਗ ਲੱਗਣ ਕਾਰਨ ਇੱਕ ਵਿਅਕਤੀ ਦੇ ਮਾਰੇ ਜਾਣ ਦਾ ਖ਼ਦਸ਼ਾ ਜਤਾਇਆ ਜਾ ਰਿਹਾ ਹੈ। ਪੁਲਿਸ ਮੁਤਾਬਕ, ਫਰੇਜ਼ਰ ਲੇਕ ਇੰਨ ਇਸ ਅੱਗ ਵਿਚ ਪੂਰੀ ਤਰ੍ਹਾਂ ਸੜ ਕੇ ਸੁਆਹ ਹੋ ਗਿਆ। ਇਹ ਘਟਨਾ 22 ਫਰਵਰੀ ਨੂੰ ਤੜਕੇ 3:06 ਵਜੇ ਵਾਪਰੀ ਜਦੋਂ ਆਰ.ਸੀ.ਐਮ.ਪੀ. ਨੂੰ ਫਰੇਜ਼ਰ ਲੇਕ ਇੰਨ ਵਿਚ ਅੱਗ ਲੱਗਣ ਦੀ ਸੂਚਨਾ ਮਿਲੀ।

ਐਪਸਟੀਨ ਮਾਮਲੇ ਵਿੱਚ ਬ੍ਰਿਟਿਸ਼ ਸ਼ਾਹੀ ਪਰਿਵਾਰ ਨਾਲ ਜੁੜੀ ਪਹਿਲੀ ਗ੍ਰਿਫ਼ਤਾਰੀ ਤੋਂ ਬਾਅਦ ਬ੍ਰਿਟਿਸ਼ ਪੁਲਿਸ ਨੇ ਹੁਣ ਦੂਜੀ ਵੱਡੀ ਕਾਰਵਾਈ ਕੀਤੀ ਹੈ। ਬ੍ਰਿਟਿਸ਼ ਪੁਲਿਸ ਨੇ ਅਮਰੀਕਾ ਵਿੱਚ ਸਾਬਕਾ ਬ੍ਰਿਟਿਸ਼ ਰਾਜਦੂਤ ਪੀਟਰ ਮੈਂਡੇਲਸਨ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਜਾਣਕਾਰੀ ਅਨੁਸਾਰ ਬ੍ਰਿਟਿਸ਼ ਪੁਲਿਸ ਨੇ ਇਹ ਗ੍ਰਿਫਤਾਰੀ ਦੋਸ਼ੀ ਜਿਨਸੀ ਅਪਰਾਧੀ ਐਪਸਟੀਨ ਨਾਲ ਉਸ ਦੇ ਸਬੰਧਾਂ ਦੇ ਖੁਲਾਸੇ ਤੋਂ ਬਾਅਦ ਕੀਤੀ ਹੈ।