News

ਕੈਲਗਰੀ ਸਟੈਂਪੀਡ ਦੀ ਕੈਨਵਸ ਨਿਲਾਮੀ ਵਿੱਚ ਇਸ ਸਾਲ ਪਿਛਲੇ ਸਾਰੇ ਰਿਕਾਰਡ ਟੁੱਟ ਗਏ। ਵੀਰਵਾਰ ਰਾਤ ਹੋਈ ਇਸ ਨਿਲਾਮੀ ਵਿੱਚ ਬੋਲੀ ਲਗਾਉਣ ਵਾਲਿਆਂ ਨੇ ਕੁੱਲ $6 ਮਿਲੀਅਨ ਤੋਂ ਵੱਧ ਦੀ ਰਾਸ਼ੀ ਦਾ ਵਾਅਦਾ ਕੀਤਾ, ਜੋ ਕਿ ਇੱਕ ਇਤਿਹਾਸਕ ਅੰਕੜਾ ਹੈ। ਪਿਛਲੇ ਸਾਲ $3.8 ਮਿਲੀਅਨ ਦੀ ਬੋਲੀ ਲੱਗੀ ਸੀ। ਡਰਾਈਵਰ ਰੇ ਕਰੋਟੋ ਜੂਨੀਅਰ ਲਈ ਸਭ ਤੋਂ ਵੱਧ $550,000 ਦੀ ਬੋਲੀ ਲਗਾਈ ਗਈ, ਜਿਸ ਦਾ ਸਪਾਂਸਰ 'Bar L5 Ranch' ਹੋਵੇਗਾ।

ਬੀ. ਸੀ. ਦੇ ਟੰਬਲਰ ਰਿਜ ਸਕੂਲ ਦੀ ਸਮੂਹਿਕ ਗੋਲੀਬਾਰੀ ਦੀ ਪੀੜਤ 12 ਸਾਲਾ ਮਾਇਆ ਗੇਬਾਲਾ ਹੁਣ ਇੱਕ ਨਵੀਂ ਉਮੀਦ ਨਾਲ ਵਿਸ਼ੇਸ਼ ਇਲਾਜ ਲਈ ਲਾਸ ਏਂਜਲਸ ਰਵਾਨਾ ਹੋ ਰਹੀ ਹੈ। ਮਾਇਆ ਦੀ ਮਾਂ ਸੀਆ ਐਡਮੰਡਸ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਭਾਵੁਕ ਪੋਸਟ ਸਾਂਝੀ ਕਰਦਿਆਂ ਦੱਸਿਆ ਕਿ ਫਰਵਰੀ ਵਿਚ ਗੰਭੀਰ ਰੂਪ ਵਿਚ ਜ਼ਖਮੀ ਹੋਈ ਉਨ੍ਹਾਂ ਦੀ ਧੀ ਹੁਣ ਆਈ.ਸੀ.ਯੂ. ਤੋਂ ਬਾਹਰ ਹੈ ਅਤੇ ਉਸ ਦੀ ਹਾਲਤ ਸਥਿਰ ਲੱਗਦੀ ਹੈ।

ਲੈਂਗਲੀ ਵਿਚ ਵੀਰਵਾਰ ਨੂੰ ਇੱਕ ਕਾਰ ਦੇ ਹਾਦਸਾਗ੍ਰਸਤ ਹੋਣ ਨਾਲ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਪੁਲਿਸ ਮੁਤਾਬਕ,ਇਹ ਘਟਨਾ ਸ਼ਾਮ ਕਰੀਬ 5 ਵਜੇ 264th ਸਟ੍ਰੀਟ ਦੇ 3300 ਬਲੌਕ ਵਿਚ ਵਾਪਰੀ। ਲੈਂਗਲੀ ਆਰ.ਸੀ.ਐਮ.ਪੀ. ਦੇ ਸਾਰਜੈਂਟ ਜ਼ਾਈਨਲ ਸ਼ਾਰੂਮ ਨੇ ਇਸ ਨੂੰ ਦੁਖ਼ਦਾਈ ਘਟਨਾ ਦੱਸਦੇ ਹੋਏ ਕਿਹਾ ਕਿ ਐਮਰਜੈਂਸੀ ਸਰਵਿਸ ਦੇ ਅਧਿਕਾਰੀਆਂ ਵਲੋਂ ਪੀੜਤ ਬਚਾਉਣ ਦੇ ਯਤਨਾਂ ਦੇ ਬਾਵਜੂਦ ਉਸ ਨੇ ਮੌਕੇ 'ਤੇ ਦਮ ਤੋੜ ਦਿੱਤਾ,ਉਸ ਤੋਂ ਇਲਾਵਾ ਇੱਕ ਹੋਰ ਵਿਅਕਤੀ ਨੂੰ ਏਅਰ ਐਂਬੂਲੈਂਸ ਦੀ ਮਦਦ ਨਾਲ ਰਾਇਲ ਕੋਲੰਬੀਅਨ ਹਸਪਤਾਲ ਪਹੁੰਚਾਇਆ ਗਿਆ,ਜਿੱਥੇ ਉਹ ਜ਼ੇਰੇ ਇਲਾਜ ਹੈ।

ਅਮਰੀਕਾ ਦੇ ਉਪ-ਰਾਸ਼ਟਰਪਤੀ ਜੇ.ਡੀ.ਵੈਂਸ ਈਰਾਨ ਨਾਲ ਮਹੱਤਵਪੂਰਨ ਗੱਲਬਾਤ ਲਈ ਪਾਕਿਸਤਾਨ ਰਵਾਨਾ ਹੋ ਗਏ ਹਨ। ਪਾਕਿਸਤਾਨ ਰਵਾਨਾ ਹੋਣ ਤੋਂ ਪਹਿਲਾਂ ਉਨ੍ਹਾਂ ਨੇ ਈਰਾਨ ਨੂੰ ਇਮਾਨਦਾਰੀ ਨਾਲ ਗੱਲਬਾਤ ਕਰਨ ਅਤੇ ਕੋਈ ਖੇਡ ਨਾ ਖੇਡਣ ਦੀ ਅਪੀਲ ਕੀਤੀ।

ਯੂਨਾਈਟੇਡ ਨਰਸ ਔਫ ਐਲਬਰਟਾ ਦੀ ਪ੍ਰਧਾਨ ਹੀਥਰ ਸਮਿਥ ਨੇ ਹਸਪਤਾਲਾਂ ਵਿੱਚ ਵੱਧ ਰਹੀ ਹਿੰਸਾ ਨੂੰ ਰੋਕਣ ਲਈ ਸ਼ਹਿਰਾਂ ਦੇ ਹਸਪਤਾਲਾਂ ਵਿੱਚ ਹਥਿਆਰਾਂ ਦੀ ਜਾਂਚ ਕਰਨ ਵਾਲੇ ਸਕੈਨਰ ਜਲਦੀ ਲਗਾਉਣ ਦੀ ਮੰਗ ਕੀਤੀ ਹੈ।